مۇسانىڭ 3-جازباسى 22:1—33
22 ەحوبا ٵرى قاراي مۇساعا بىلاي دەدى:
2 «حارون مەن ونىڭ ۇلدارىنا مىنانى ايت: —ولار يسرايلدىكتەردىڭ ماعان باعىشتاعان ٵرى ۇسىنعان قاسيەتتى تارتۋلارىن+ بۇرىس قولدانۋدان ساق بولسىن، مەنىڭ كيەلى ەسىمىمدى قورلاماسىن+. مەن ەحوبامىن.
3 ولارعا مىنا ٴسوزىمدى دە جەتكىز: —ەگەر ٷرىم-بۇتاقتارىڭنىڭ ٴبىرى يسرايل ۇلدارىنىڭ ەحوباعا باعىشتاعان قاسيەتتى تارتۋلارىنا تازا ەمەس كۇيىندە جاقىنداسا، مۇنداي جان ٶلتىرىلسىن+. مەن ەحوبامىن.
4 حارون ۇرپاعىنان كىمدە-كىم الاپەسپەن اۋىرسا+ نە جىنىس مۇشەسىنەن ٸرىڭ اقسا+، وندا مۇنىسىنان تازارمايىنشا، قاسيەتتى تارتۋلاردان جەۋىنە بولمايدى+. سونىمەن قاتار ولگەن ادامنىڭ مايىتىنە ٴتيىپ ارامدالعان بىرەۋگە جاناسقان+، شاۋەتى اققان+،
5 يا بولماسا جەر بەتىندە قۇجىناعان ارام ماقۇلىقتاردىڭ بىرىنە تيگەن+ نەمەسە كەز كەلگەن باسقا سەبەپپەن ارامدالعان كىسىگە ٴتيىپ، تازا ەمەس بولعان ادام دا ودان جەمەسىن+.
6 وسىلاردىڭ بىرىنە تيگەن ادام كەشكە دەيىن تازا ەمەس. جۋىنبايىنشا+، ونىڭ قاسيەتتى تارتۋلاردان جەۋىنە بولمايدى.
7 ال كۇن باتقان سوڭ، ول تازا بولادى. سوندا قاسيەتتى تارتۋلاردان جەي الادى. ويتكەنى بۇل — ونىڭ تاماعى+.
8 وعان ارام ولگەن نە جىرتقىش اڭ جارىپ كەتكەن جانۋاردىڭ ەتىن جەۋگە بولمايدى، ايتپەسە ارامدالادى+. مەن ەحوبامىن.
9 ولار مەنىڭ الدىمداعى مىندەتتەرىن ورىنداسىن. ورىنداماسا، بۇل كۇنا بولادى، ٵرى سول ٷشىن ولەدى، ويتكەنى ولار قاسيەتتى نارسەلەردى ارامدادى. مەن ولاردى قاسيەتتى ەتەتىن ەحوبامىن.
10 قاسيەتتى تارتۋلاردى حاروننىڭ ٷي ىشىنەن باسقا ەشكىم جەمەۋ كەرەك+. مەيلى ول ٴدىني قىزمەتكەردىڭ قوناعى نە جالدامالى جۇمىسشىسى بولسىن، سول تارتۋلاردان جەۋىنە بولمايدى.
11 ال ٴدىني قىزمەتكەردىڭ ٶز اقشاسىنا ساتىپ العان ادامى نەمەسە ونىڭ ۇيىندە تۋىلعان قۇلى ونىڭ تاماعىنان جەي الادى+.
12 ەگەر ٴدىني قىزمەتكەردىڭ قىزى ٴدىني قىزمەتكەر ەمەس بىرەۋگە كۇيەۋگە شىقسا، وعان قاسيەتتى تارتۋلاردان جەۋگە بولمايدى.
13 ال ەگەر قىزى جەسىر قالسا نە كۇيەۋىمەن اجىراسىپ، بالاسى بولماي، اكەسىنىڭ ۇيىنە قايتىپ كەلىپ، جاس كەزىندەگىدەي بىرگە تۇراتىن بولسا، اكەسىنىڭ تاماعىنان جەۋىنە بولادى+. ٴبىراق ونى ەشبىر بوتەن ادام* جەمەسىن.
14 ال ەگەر الدەكىم قاسيەتتى تارتۋدان اڭداماي جەپ قويسا، ول ٴدىني قىزمەتكەرگە سول تارتۋدىڭ ورنىن تولتىرىپ، ۇستىنە قۇنىنىڭ بەستەن ٴبىر بولىگىن قوسىپ بەرسىن+.
15 ٴدىني قىزمەتكەرلەر يسرايلدىكتەردىڭ ەحوباعا ارناعان قاسيەتتى تارتۋلارىن ارامداماسىن+.
16 ايتپەسە حالىقتىڭ قاسيەتتى تارتۋلاردان جەپ، كىنالى بولۋلارىنا جول بەرىپ، ولاردى جازاعا ۇشىراتۋى مۇمكىن. مەن ولاردى قاسيەتتى ەتەتىن ەحوبامىن».
17 ەحوبا ٴسوزىن جالعاپ، مۇساعا بىلاي دەدى:
18 «حارونعا، ونىڭ ۇلدارى مەن بۇكىل يسرايلدىكتەرگە مىنانى ايت: —ەگەر الدەبىر يسرايلدىك نە يسرايل ەلىندە تۇرىپ جاتقان جاتجەرلىك ادام+ بەرگەن سەرتىن ورىنداۋ ٷشىن نەمەسە ٶز ەركىمەن ەحوباعا تۇگەل ورتەلەتىن قۇرباندىق اكەلسە+،
19 قۇدايدىڭ ىقىلاسىنا يە بولۋ ٷشىن ٸرى قارادان ەش كەمىستىگى جوق+ بۇقا، ال ۇساق مالدان ەش كەمىستىگى جوق جاس قوشقار نە تەكە الىپ كەلسىن.
20 قۇرباندىققا كەمىستىگى بار مال ۇسىنباڭدار+، ايتپەسە قۇدايدىڭ ىقىلاسىنا يە بولمايسىڭدار.
21 ەگەر الدەبىرەۋ ەحوباعا ارنالعان تاتۋلىق قۇرباندىعىن+ سەرتىن ورىنداۋ ٷشىن نە ەرىكتى تۇردە ۇسىنعىسى كەلسە، قۇدايدىڭ ىقىلاسىنا يە بولۋ ٷشىن، ٸرى قارادان نە ۇساق مالدان كەمىستىگى جوق مال اكەلسىن. مالدىڭ ەش كەم-كەتىگى بولماسىن.
22 سوقىر، ٴبىر جەرى سىنعان، جاراقاتتانعان، سۇيەل، قوتىر نە تەمىرەتكى شىققان مالدى ەحوباعا اكەلمەڭدەر. مۇنداي مالدى ەحوباعا ارناپ قۇرباندىق وشاعىندا ورتەمەڭدەر.
23 ٴبىر اياعى ۇزىن نە قىسقا بۇقانى ياكي قويدى ەرىكتى قۇرباندىق رەتىندە ۇسىنۋعا بولادى. ٴبىراق ونى سەرت قۇرباندىعى رەتىندە ۇسىنساڭدار، قابىل بولمايدى.
24 ۇرىق بەزى زاقىمدانعان، ەزىلگەن، جۇلىنىپ قالعان نە پىشتىرىلگەن مالدى ەحوباعا ۇسىنۋشى بولماڭدار. ەلدەرىڭدە مۇنداي مالدى قۇرباندىققا شالماڭدار.
25 جاتجەرلىك ادامنىڭ قولىنان مۇنداي مالدى الىپ، قۇدايعا ارنالعان اس رەتىندە اكەلمەڭدەر، ويتكەنى ونىڭ كەمىستىگى بار جانە زاقىمدانعان. سوندىقتان مۇنداي قۇرباندىقتار قابىل بولمايدى».
26 ەحوبا ٵرى قاراي مۇساعا بىلاي دەدى:
27 «جاڭا تۋىلعان بۇزاۋ، قوزى نە لاق جەتى كۇن ەنەسىنىڭ قاسىندا بولسىن+. ال سەگىزىنشى كۇننەن باستاپ ونى ورتەلەتىن قۇرباندىق رەتىندە ەحوباعا ۇسىنساڭدار، قابىل بولادى.
28 ٸرىلى-ۇساقتى مالدىڭ ەنەسى مەن ٴتولىن ٴبىر كۇندە سويماڭدار+.
29 ەحوباعا ريزاشىلىق قۇرباندىعىن+ ۇسىنعاندا، ونى قۇدايدىڭ ىقىلاسىنا يە بولاتىنداي ەتىپ ۇسىنىڭدار.
30 ونىڭ ەتىن سول كۇنى جەڭدەر. تاڭ اتقانشا ودان ەشتەڭە قالماسىن+. مەن ەحوبامىن.
31 مەنىڭ زاڭدارىمدى ۇستانىپ، ولاردى ورىنداپ جۇرىڭدەر+. مەن ەحوبامىن.
32 كيەلى ەسىمىمدى قورلاماڭدار+. يسرايلدىكتەر مەنى كيەلى تۇتسىن+. مەن سەندەردى قاسيەتتى ەتەتىن ەحوبامىن+.
33 قۇدايلارىڭ بولۋ ٷشىن سەندەردى مىسىر ەلىنەن الىپ شىقتىم+. مەن ەحوبامىن».
سىلتەمەلەر
^ ياعني حاروننىڭ اۋلەتىنە جاتپايتىن ادام.
