مۇسانىڭ 3-جازباسى 3:1—17
3 ەگەر ادام ٴمۇيىزدى ٸرى قارادان، ەركەك نە ۇرعاشى بولسىن، تاتۋلىق قۇرباندىعىن+ اكەلمەك بولسا، وندا ەحوبانىڭ الدىنا ەش كەمىستىگى جوعىن الىپ كەلسىن.
2 يەسى اكەلگەن قۇرباندىعىنىڭ باسىنا قولىن قويسىن. سوسىن مال كەزدەسۋ شاتىرىنىڭ كىرەبەرىسىندە سويىلادى. حاروننىڭ ۇلدارى ونىڭ قانىن قۇرباندىق وشاعىنىڭ بارلىق جاعىنا بۇركيدى.
3 تاتۋلىق قۇرباندىعىنىڭ كەيبىر بولىكتەرى ەحوباعا ورتەپ ۇسىناتىن تارتۋ ەتىپ ۇسىنىلسىن+، اتاپ ايتقاندا: ونىڭ تەرى استى مايى مەن بۇكىل ٸشمايى+،
4 بۇيرەك مايىمەن بىرگە قوس بۇيرەگى اكەلىنسىن. بۇيرەكتەرىمەن قوسا باۋىر بەتىندەگى مايى دا الىنسىن+.
5 حارون ۇلدارى مۇنىڭ ٴبارىن قۇرباندىق وشاعىنداعى وتىن ۇستىندە جانىپ جاتقان تۇگەل ورتەلەتىن قۇرباندىقتىڭ ۇستىنە قويىپ، جاعىپ جىبەرەدى+. بۇل — ەحوباعا ۇنامدى حوش ٴيىس رەتىندە ورتەپ ۇسىناتىن تارتۋ+.
6 ەگەر ادام ەحوباعا ارناپ تاتۋلىق قۇرباندىعىن ۇساق مالدان اكەلمەك بولسا، وندا ەش كەمىستىگى جوق ەركەك نە ۇرعاشى مال الىپ كەلسىن+.
7 ول قۇرباندىققا جاس قوشقار ۇسىنسا، ونى ەحوبانىڭ الدىنا اكەلسىن.
8 يەسى اكەلگەن قۇرباندىعىنىڭ باسىنا قولىن قويسىن. سوسىن مال كەزدەسۋ شاتىرىنىڭ الدىندا سويىلادى. حارون ۇلدارى ونىڭ قانىن قۇرباندىق وشاعىنىڭ بارلىق جاعىنا بۇركيدى.
9 مالدىڭ يەسى ەحوباعا ورتەپ ۇسىناتىن تارتۋ رەتىندە تاتۋلىق قۇرباندىعىنىڭ مايىن اكەلسىن+. اتاپ ايتقاندا، مالدىڭ قۇيىمشاعىنا دەيىن كەسىپ الىنعان قۇيرىق مايى، تەرى استى مايى مەن بۇكىل ٸشمايى،
10 بۇيرەك مايىمەن بىرگە قوس بۇيرەگى، بۇيرەكتەرمەن قوسا باۋىر بەتىندەگى مايى دا الىنسىن+.
11 ٴدىني قىزمەتكەر مۇنىڭ ٴبارىن اس تارتۋى رەتىندە* ەحوباعا ۇسىنىپ، قۇرباندىق وشاعىندا ورتەپ جىبەرەدى+.
12 ەگەر قۇرباندىققا ەشكى ۇسىنسا، ونى ەحوبانىڭ الدىنا اكەلسىن.
13 يەسى اكەلگەن قۇرباندىعىنىڭ باسىنا قولىن قويسىن. سوسىن مال كەزدەسۋ شاتىرىنىڭ الدىندا سويىلادى. حارون ۇلدارى ونىڭ قانىن قۇرباندىق وشاعىنىڭ بارلىق جاعىنا بۇركيدى.
14 مالدىڭ كەيبىر بولىكتەرى ەحوباعا ورتەپ ۇسىناتىن تارتۋ ەتىپ ۇسىنىلسىن، اتاپ ايتقاندا: ونىڭ تەرى استى مايى مەن بۇكىل ٸشمايى+،
15 بۇيرەك مايىمەن بىرگە قوس بۇيرەگى اكەلىنسىن. بۇيرەكتەرمەن قوسا باۋىر بەتىندەگى مايى دا الىنسىن.
16 ٴدىني قىزمەتكەر مۇنىڭ ٴبارىن قۇرباندىق وشاعىندا اس تارتۋى رەتىندە جاعىپ جىبەرەدى. بۇل — قۇدايعا ۇنامدى حوش ٴيىس رەتىندە ورتەپ ۇسىناتىن تارتۋ. مايدىڭ ٴبارى ەحوباعا تيەسىلى+.
17 ەشقانداي مايدى نە قاندى جەۋشى بولماڭدار+. بۇل — تۇرعان جەرلەرىڭنىڭ بارىندە وزدەرىڭ دە، ۇرپاقتارىڭ دا ماڭگىلىك ۇستانۋلارىڭ كەرەك نۇسقاۋ».
سىلتەمەلەر
^ سوزبە-ٴسوز «نان»، ياعني تاتۋلىق قۇرباندىعىنان قۇدايعا بەرىلگەن ۇلەس رەتىندە.
