مۇسانىڭ 3-جازباسى 9:1—24
-
حاروننىڭ قۇرباندىقتار ۇسىنۋى (1—24)
9 سەگىزىنشى كۇنى+ مۇسا حارون مەن ونىڭ ۇلدارىن جانە يسرايل اقساقالدارىن شاقىرىپ الدى دا،
2 حارونعا بىلاي دەدى: «كۇنا ٷشىن اكەلىنەتىن قۇرباندىققا+ ەش كەمىستىگى جوق بۇزاۋ، ال تۇگەل ورتەلەتىن قۇرباندىققا ەش كەمىستىگى جوق قوشقار الىپ، ەحوبانىڭ الدىندا ۇسىن.
3 يسرايلدىكتەرگە بىلاي دە: —كۇنا ٷشىن اكەلىنەتىن قۇرباندىققا تەكە، تۇگەل ورتەلەتىن قۇرباندىققا ەش كەمىستىگى جوق ٴبىر جاسار بۇقا مەن ەركەك توقتى،
4 تاتۋلىق قۇرباندىعىنا+ بۇقا مەن قوشقار، سونداي-اق ماي ارالاستىرىلعان استىق تارتۋىن+ اكەلىپ، ولاردى ەحوبانىڭ الدىندا ۇسىنىڭدار. ويتكەنى بۇگىن ەحوبا سەندەرگە كورىنەدى+».
5 ولار مۇسانىڭ بۇيىرعاندارىن كەزدەسۋ شاتىرىنىڭ الدىنا اكەلدى. بۇكىل قاۋىم سول جەرگە كەلىپ، ەحوبانىڭ الدىندا تۇردى.
6 سوندا مۇسا ولارعا: «ەحوبانىڭ ۇلىلىعى سەندەرگە كورىنۋ ٷشىن+، ەحوبا وسىلاي ىستەۋدى بۇيىردى»،— دەدى.
7 كەيىن حارونعا: «قۇرباندىق وشاعىنا بارىپ، كۇنا ٷشىن اكەلگەن قۇرباندىعىڭدى+ جانە تۇگەل ورتەلەتىن قۇرباندىعىڭدى ۇسىنىپ، ٶزىڭنىڭ جانە ٷي ٸشىڭنىڭ كۇنالارىن وتە+. سونداي-اق بۇكىل حالىق ٷشىن قۇرباندىق ۇسىنىپ، ولاردىڭ دا كۇنالارىن وتە+. وسىلاي ەحوبانىڭ بۇيىرعانىن ىستە»،— دەپ ايتتى.
8 سول ساتتە حارون قۇرباندىق وشاعىنا بارىپ، ٶزىنىڭ كۇناسى ٷشىن اكەلگەن بۇزاۋدى سويدى+.
9 سوسىن ۇلدارى حارونعا مالدىڭ قانىن+ اكەلىپ بەردى. حارون وعان ساۋساعىن باتىرىپ، قۇرباندىق وشاعىنىڭ مۇيىزدەرىنە جاقتى دا، قالعان قاندى وشاقتىڭ تۇبىنە توكتى+.
10 كەيىن ول كۇنا ٷشىن اكەلىنگەن مالدىڭ مايىن، بۇيرەكتەرى مەن باۋىر بەتىندەگى مايىن قۇرباندىق وشاعىندا ورتەپ، ەحوبانىڭ مۇساعا بۇيىرعانىنداي ىستەدى+.
11 ال مالدىڭ ەتى مەن تەرىسىن قوستىڭ سىرتىنا شىعارىپ، ورتەپ جىبەردى+.
12 سودان سوڭ حارون تۇگەل ورتەلەتىن قۇرباندىقتى سويدى. ۇلدارى مالدىڭ قانىن اكەلىپ بەرگەندە، حارون قاندى قۇرباندىق وشاعىنىڭ بارلىق جاعىنا بۇركىدى+.
13 سوسىن ۇلدارى تۇگەل ورتەلەتىن مالدىڭ بولىكتەرى مەن باسىن اكەلىپ بەردى. حارون ونىڭ ٴبارىن قۇرباندىق وشاعىندا ورتەپ جىبەردى.
14 بۇدان كەيىن مالدىڭ ىشەك-قارنى مەن سيراقتارىن جۋىپ، وشاقتاعى تۇگەل ورتەلەتىن قۇرباندىقتىڭ ۇستىنە قويىپ، جاعىپ جىبەردى.
15 سونان سوڭ حارون حالىق ٷشىن قۇرباندىق ۇسىندى. ول حالىقتىڭ كۇناسى ٷشىن قۇرباندىققا ەشكى سويىپ، ونى دا الدىڭعى قۇرباندىق سياقتى ۇسىندى.
16 سودان سوڭ، بەرىلگەن نۇسقاۋعا ساي، تۇگەل ورتەلەتىن قۇرباندىقتى شالدى+.
17 كەيىن حارون استىق تارتۋىنان+ ٴبىرۋىس الىپ، وشاقتا جانىپ جاتقان تاڭەرتەڭگى تۇگەل ورتەلەتىن قۇرباندىقتىڭ+ ۇستىندە ورتەپ جىبەردى.
18 سوسىن حارون حالىقتىڭ اتىنان تاتۋلىق قۇرباندىعى رەتىندە اكەلىنگەن بۇقا مەن قوشقاردى سويدى. ۇلدارى سولاردىڭ قانىن اكەلىپ بەرگەندە، حارون قاندى قۇرباندىق وشاعىنىڭ بارلىق جاعىنا بۇركىدى+.
19 ۇلدارى بۇقانىڭ مايىن+، قوشقاردىڭ قۇيرىق مايىن، ٸشمايىن، بۇيرەكتەرى مەن باۋىر بەتىندەگى مايىن الىپ+،
20 بۇقا مەن قوشقاردىڭ توسىنە قويدى. حارون مايلى بولىكتەردى قۇرباندىق وشاعىندا ورتەپ جىبەردى+.
21 ال توستەر مەن مالدىڭ وڭ اياعىن ەحوباعا تەربەپ اكەلەتىن تارتۋ رەتىندە ٵرى-بەرى تەربەدى. وسىلاي ول مۇسانىڭ بۇيىرعانىنداي ىستەدى+.
22 بۇدان سوڭ حارون قولدارىن حالىققا قاراي كوتەرىپ، باتا بەردى دە+، كۇنا ٷشىن اكەلەتىن، تۇگەل ورتەلەتىن جانە تاتۋلىق قۇرباندىقتارىن ۇسىنىپ، تومەن ٴتۇستى.
23 اقىرىندا، مۇسا مەن حارون كەزدەسۋ شاتىرىنا كىردى. ال سىرتقا شىققان سوڭ، حالىققا باتا بەردى+.
سوندا بۇكىل حالىققا ەحوبانىڭ ۇلىلىعى كورىندى+.
24 ەحوبادان وت ٴتۇسىپ+، قۇرباندىق وشاعىنداعى تۇگەل ورتەلەتىن قۇرباندىق پەن مايلى بولىكتەردى جالماپ قويدى. مۇنى كورگەن كۇللى جۇرت قۋانىشتان ايعايلاپ، جەرگە باس ۇرىپ تاعزىم ەتتى+.
