مۇسانىڭ 4-جازباسى 16:1—50
16 لەۋى+ رۋىنان شىققان قاحاتتىڭ+ نەمەرەسى، ىسقاردىڭ+ ۇلى قوراح+ جانە رۋبەن+ رۋىنان شىققان ەلياپتىڭ+ داتان، ٵبيرام دەگەن ۇلدارى مەن پەلەتتىڭ ون دەگەن ۇلى ٶزارا سىبايلاسىپ،
2 مۇساعا قارسى شىقتى. ولارعا يسرايلدىكتەردىڭ اراسىنان 250 ادام قوسىلدى. بۇلار قاۋىم باسشىلارى ٵرى جيىنعا كەلۋشى بەدەلدى كىسىلەر ەدى.
3 ولار مۇسا مەن حارونعا قارسى باس كوتەرىپ+: «جەتەر ەندى! قاۋىمداعىنىڭ ٴبارى دە كيەلى+، ەحوبا سولاردىڭ اراسىندا+. نەگە وزدەرىڭدى ەحوبانىڭ قاۋىمىنان جوعارى قوياسىڭدار؟»— دەدى.
4 مۇنى ەستىگەندە، مۇسا جەرگە باس ۇرا جىعىلدى.
5 سوسىن قوراح پەن ونىڭ بارلىق سىبايلاسىنا بىلاي دەدى: «تاڭەرتەڭ ەحوبا كىمنىڭ ٶز ادامى ەكەنىن+، كىمنىڭ كيەلى ەكەنىن، الدىنا كىمنىڭ جاقىنداي الاتىنىن كورسەتەدى+. ول كىمدى تاڭداسا+، سول الدىنا كەلەدى.
6 قوراح سەن دە، جاقتاستارىڭ+ دا بىلاي ەتىڭدەر: شوقسالعىش قالاقتارىڭدى+ الىڭدار دا،
7 ەرتەڭ ەحوبانىڭ الدىندا ولارعا شوق سالىپ، ۇستىنە حوش ٴيىستى زات تۇتەتىڭدەر. ەحوبا كىمدى تاڭداسا+، سول كيەلى بولادى. لەۋى ۇلدارى+، سەندەر شەكتەن شىعىپ كەتتىڭدەر!»
8 سودان سوڭ مۇسا قوراحقا مىنانى ايتتى: «لەۋى ۇلدارى، سوزىمە قۇلاق تۇرىڭدەرشى.
9 يسرايل قۇدايى سەندەردى ٶز حالقىنىڭ اراسىنان ٴبولىپ الىپ+، ەحوبانىڭ كيەلى شاتىرىندا قىزمەت اتقارۋ جانە بۇكىل قاۋىم الدىندا تۇرىپ، ولارعا قىزمەت ەتۋ مارتەبەسىن+ بەرگەنىن ازسىنىپ تۇرسىڭدار ما؟
10 سەنى جانە لەۋىلىك اعايىندارىڭنىڭ ٴبارىن ول وزىنە جاقىنداتتى. سونى مىسە تۇتپاي، ەندى ٴدىني قىزمەتكە جارماسىپ جاتىرسىڭدار ما+؟
11 بۇل ىستەرىڭمەن ٶزىڭ دە، جاقتاستارىڭ دا ەحوباعا قارسى شىعىپ تۇرسىڭدار. ال حارونعا نارازى بولىپ كۇڭكىلدەيتىندەي، ول كىم ەدى+؟!»
12 بۇدان كەيىن مۇسا ەلياپتىڭ ۇلدارى داتان مەن ٵبيرامدى+ وزىنە شاقىرتىپ ەدى، ولار بىلاي دەپ جاۋاپ بەردى: «جوق، بارمايمىز.
13 ٴبىزدى اعى مەن بالى اعىل-تەگىل مول جەردەن الىپ شىعىپ، مىنا ٴشول دالادا ولتىرگىڭ كەلگەنى ازداي+، ەندى ۇستىمىزدەن بيلەپ-توستەمەكسىڭ بە؟
14 يەلىگىمىزگە تاناپ پەن جۇزىمدىك بەرەمىن دەپ الىپ شىعىپ، اكەلگەن اعى مەن بالى اعىل-تەگىل مول جەرىڭ+ قايدا؟ الدە سەن الگىلەردىڭ* كوزىن ويىپ الماقسىڭ با؟ ٴبىز ٴبارىبىر بارمايمىز!»
15 بۇعان مۇسا قاتتى اشۋلانىپ، ەحوباعا: «ولاردىڭ استىق تارتۋىن قابىل الما. مەن ولاردان ٴتىپتى ەسەك تە العان ەمەسپىن، ەشقايسىسىنا جاماندىق تا جاساعان جوقپىن+»،— دەدى.
16 سوسىن ول قوراحقا مىنانى ايتتى: «ەرتەڭ قاسىڭداعى ادامدارىڭمەن بىرگە ەحوبانىڭ الدىنا كەلىڭدەر. ٴيا، سەن دە، ولار دا، حارون دا كەلسىن.
17 ٴارقايسىسىڭ ٴبىر-ٴبىر شوقسالعىش قالاقتان، بارلىعى 250 قالاق الىڭدار دا، وعان حوش ٴيىستى زات سالىپ، ەحوبانىڭ الدىنا اكەلىڭدەر. سەن دە، حارون دا سولاي ىستەسىن».
18 سودان ٴارقايسىسى قالاعىنا شوق سالىپ، ۇستىنە حوش ٴيىستى زات تۇتەتىپ، مۇسا جانە حارونمەن بىرگە كيەلى شاتىردىڭ كىرەبەرىسىنە كەلىپ تۇردى.
19 قوراح بارلىق سىبايلاستارىن+ ولارعا قارسى شىعۋ ٷشىن كيەلى شاتىردىڭ كىرەبەرىسىنە جيناعاندا، بۇكىل قاۋىمعا ەحوبانىڭ ۇلىلىعى كورىندى+.
20 ەحوبا مۇسا مەن حارونعا:
21 «مىنا توپتان بولەك تۇرىڭدار! مەن ولاردى قاس قاعىم ساتتە-اق جويىپ جىبەرەيىن+!»— دەدى.
22 ولار سوندا جەرگە باس ۇرا جىعىلىپ: «ۋا، قۇداي، بارىنە ٶمىر بەرۋشى قۇداي+، ٴبىر ادامنىڭ كۇناسىنا بولا بۇكىل حالىققا قاھارىڭدى توكپەكسىڭ بە+؟!»— دەدى.
23 سول كەزدە ەحوبا مۇساعا:
24 «حالىققا قوراحتىڭ، داتان مەن ٵبيرامنىڭ+ شاتىرلارىنىڭ اينالاسىنان كەتۋدى بۇيىر»،— دەپ تاپسىردى.
25 مۇسا ورنىنان تۇرىپ، داتان مەن ٵبيرامعا باردى، ونىمەن يسرايل اقساقالدارى+ دا ىلەسىپ ٴجۇردى.
26 مۇسا قاۋىمعا: «ولاردىڭ كۇناسىنىڭ كەسىرىنەن سەندەر دە قۇرىپ كەتپەۋلەرىڭ ٷشىن، مىنا زۇلىم ادامداردىڭ شاتىرلارىنان ٵرى كەتىڭدەر، ولاردىڭ ەشتەڭەسىنە دە تيىسپەڭدەر!»— دەپ ەسكەرتتى.
27 سوندا حالىق دەرەۋ قوراحتىڭ، داتان مەن ٵبيرامنىڭ شاتىرلارىنان اۋلاق كەتتى. ال داتان مەن ٵبيرام سىرتقا شىعىپ، ايەلدەرى، ۇلدارى جانە كىشكەنتاي سابيلەرىمەن بىرگە شاتىرلارىنىڭ اۋزىندا تۇردى.
28 مۇسا بىلاي دەدى: «مەن بۇلاردىڭ ٴبارىن ٶز بەتىممەن ەمەس، ەحوبانىڭ تاپسىرۋىمەن ىستەپ تۇرعانىمدى مىنادان بىلەسىڭدەر:
29 ەگەر بۇلار باسقا ادامدار سياقتى ٶز ولىمىمەن ولسە، ولاردىڭ جازاسى بۇكىل ادامزاتتىڭ جازاسىنداي بولسا، وندا مەنى ەحوبا جىبەرمەگەنى+.
30 ال ەگەر ەحوبا بۇرىن-سوڭدى بولماعاندى جاساپ، جەر ارانىن اشىپ، ولاردى بار مال-مۇلكىمەن قوسا جۇتىپ قويىپ، ولار تىرىدەي كورگە* تۇسسە، وندا بۇل ادامداردىڭ ەحوباعا ەش قۇرمەت كورسەتپەگەنى ايدان انىق بولماق».
31 مۇسا وسى سوزدەردى ايتىپ بولعانى سول ەدى، ولار تۇرعان جەر قاق ايىرىلدى+.
32 جەر ارانىن اشىپ، ولاردى ٷي ىشىمەن قوسا، سونداي-اق قوراحتىڭ+ ٷي ٸشىن جانە بۇكىل دۇنيە-مۇلكىن جۇتىپ قويدى.
33 وسىلاي ولار ٷي ىشتەرىمەن بىرگە تىرىدەي كورگە* ٴتۇستى. جەر قايتادان جابىلىپ، ولار قاۋىمنىڭ اراسىنان قۇرىپ جوق بولدى+.
34 اينالاسىندا تۇرعان يسرايلدىكتەر الگىلەردىڭ شىڭعىرعان داۋسىن ەستىپ: «ٴبىزدى دە جەر جۇتىپ قويماسىن!»— دەپ ايقايلاپ، جان-جاققا قاشا جونەلدى.
35 بۇدان كەيىن ەحوبادان وت ٴتۇسىپ+، حوش ٴيىستى زات تۇتەتىپ تۇرعان 250 كىسىنى جالماپ قويدى+.
36 ەحوبا مۇساعا مىنانى ايتتى:
37 «ٴدىني قىزمەتكەر حاروننىڭ ۇلى ەلازارعا وت تۇسكەن جەردەگى شوقسالعىش قالاقتاردى+ جيناپ السىن دەپ ايت، ويتكەنى ولار كيەلى. ىشتەرىندەگى شوقتى الىسقا اپارىپ، توگىپ تاستاسىن.
38 كۇنا جاساپ، ومىرلەرىنەن ايىرىلعان* سول ادامداردىڭ قالاقتارى جالپاقتاپ سوعىلىپ، سولارمەن قۇرباندىق وشاعى+ قاپتالسىن. ولار ەحوبانىڭ الدىنا اكەلىنگەندىكتەن، كيەلى بولدى. بۇل يسرايلدىكتەرگە ەسكەرتۋ بەلگىسى بولسىن+».
39 سودان ٴدىني قىزمەتكەر ەلازار وت جالماپ قويعان الگىلەردىڭ مىس قالاقتارىن جيناپ الدى دا، جالپاقتاپ سوققىزىپ، قۇرباندىق وشاعىن قاپتاتتى.
40 وسىلايشا ەحوبانىڭ مۇساعا ايتقانىنداي ىستەدى. بۇل حاروننىڭ ۇرپاعىنا جاتپايتىن ەشبىر ادام ەحوبانىڭ الدىندا حوش ٴيىستى زات تۇتەتۋگە قۇقى جوق ەكەنىن+، سونداي-اق ەشكىم قوراح پەن ونىڭ سىبايلاستارى ىسپەتتى ارەكەت ەتپەۋ كەرەكتىگىن+ يسرايلدىكتەردىڭ ەسىنە سالىپ تۇردى.
41 كەلەسى كۇنى بۇكىل يسرايل قاۋىمى مۇسا مەن حارونعا: «ەكەۋىڭ ەحوبانىڭ حالقىن قىردىڭدار»،— دەپ كۇڭكىلدەي باستادى+.
42 حالىق مۇسا مەن حارونعا قارسى شىعۋ ٷشىن جينالىپ، كەزدەسۋ شاتىرىنا قاراي بۇرىلعاندا، ونىڭ ٷستىن بۇلت جاۋىپ، ەحوبانىڭ ۇلىلىعى پايدا بولعانىن كوردى+.
43 مۇسا مەن حارون كەزدەسۋ شاتىرىنىڭ الدىنا باردى+.
44 سوندا ەحوبا مۇساعا بىلاي دەدى:
45 «سەندەر مىنا قاۋىمنىڭ اراسىنان بىلاي شىعىڭدار. مەن قازىر-اق بۇلاردىڭ كوزىن قۇرتامىن+». بۇنى ەستىگەندە، ولار جەرگە باس ۇرىپ جىعىلا كەتتى+.
46 سوسىن مۇسا حارونعا: «قالاقتى الىپ، وعان قۇرباندىق وشاعىنان شوق سالىپ+، ۇستىنە حوش ٴيىستى زات تۇتەت تە، تەزدەتىپ حالىقتىڭ اراسىنا بارىپ، كۇنالارىن وتەۋ ٴراسىمىن جاسا+. ويتكەنى ەحوبا اشۋىنا ٴمىنىپ، جۇرت قىرىلا باستادى!»— دەدى.
47 حارون سول زاماتتا مۇسانىڭ ايتقانىن ىستەپ، شوق سالعان قالاعىن الدى دا، حالىقتىڭ اراسىنا قاراي جۇگىردى. بارسا، جۇرت قىرىلا باستاپتى. سوندا ول قالاعىنا حوش ٴيىستى زات سالىپ، حالىقتىڭ كۇناسىن وتەۋ ٴراسىمىن جاساي باستادى.
48 ول ٶلىپ جاتقاندار مەن تىرىلەردىڭ اراسىندا تۇردى. اقىر سوڭىندا اپات توقتادى.
49 سول اپاتتان قىرىلعانداردىڭ سانى، قوراحتىڭ كەسىرىنەن ولگەندەردى قوسپاعاندا، 14700 ادام بولدى.
50 اپات توقتاعان سوڭ، حارون كەزدەسۋ شاتىرىنىڭ كىرەبەرىسىندە تۇرعان مۇساعا قايتىپ باردى.
سىلتەمەلەر
^ بۇل بۇلىككە قوسىلعان ادامدارعا نۇسقاسا كەرەك.
^ ەۆرەيشە «شەول». تۇسىندىرمەنى قاراڭىز.
^ ەۆرەيشە «شەول». تۇسىندىرمەنى قاراڭىز.
^ نەمەسە «ٶز جاندارىنا قارسى كۇنا جاساعان».