مۇسانىڭ 4-جازباسى 24:1—25
24 بالاعام ەحوبانىڭ يسرايلگە باتا بەرىلگەنىن قۇپ كورىپ وتىرعانىن تۇسىنگەندە، ساۋەگەيلىككە جۇگىنۋىن قويدى+. ٴسۇيتىپ، ٴجۇزىن ٴشول دالاعا قاراي بۇردى.
2 ول كوز تاستاپ، رۋلارى بويىنشا قوس تىككەن يسرايل حالقىن كورگەندە+، وعان قۇداي رۋحى قوندى دا+،
3 كەلەسى پايعامبارلىق ٴسوزدى* ايتتى+:
«بۇل — بەعور ۇلى بالاعامنىڭ سوزدەرى،كوزى اشىق ادامنىڭ ايتقانى،
4 قۇدىرەتى شەكسىز قۇدايدىڭ ايانىن كورىپ،كوزى اشىق كۇيى جەرگە قۇلاعان ادامنىڭ،قۇداي ٴسوزىن ەستىگەن ادامنىڭ سوزدەرى+:
5 ۋا، جاقىپ، شاتىرلارىڭ قانداي اسەم!ۋا، يسرايل، قوستارىڭ نەتكەن كوركەم+!
6 ولار اعىستىڭ بويىندا جايىلعان القاپتاي+،وزەن جاعاسىندا جايقالعان باقتاي،ەحوبا وتىرعىزعان الوە اعاشىنداي،سۋ جاعالاي وسكەن قاراعايداي.
7 ونىڭ شەلەكتەرىنەن سۋ اسىپ-توگىلگەن،تۇقىمدارى مول سۋدىڭ جاعاسىنا سەبىلگەن+.
ونىڭ پاتشاسى+ اگاگتان دا ۇلى بولىپ+،پاتشالىعىنىڭ داڭقى اسقاقتاماق+.
8 قۇداي ونى مىسىردان اكەلە جاتىر،ونىڭ كۇشى جابايى بۇقانىڭ مۇيىزىندەي.
ٶزىن قاناعان حالىقتاردى جالماپ+،سۇيەكتەرىن ٴمۇجيدى، جەبەلەرىمەن اتىپ قۇرتادى.
9 ول جەرگە ارىستانداي جاتىپ، جايعاسقان،ارىستانعا ۇقسايتىن ونى مازالاۋعا كىمنىڭ ٴداتى بارادى؟
ساعان باتاسىن بەرگەندەرگە باتا قونادى،ال قارعىس ايتقاندار قارعىسقا قالادى+».
10 سوندا بالاق بالاعامعا قاتتى اشۋى كەلدى. ونى جاقتىرماي الاقاندارىن سارت ەتكىزىپ: «مەن سەنى جاۋلارىما قارعىس ايتسىن دەپ شاقىرتسام+، ولارعا ٷش رەت قاتارىنان باتا بەرگەنىڭ نە؟!
11 جوعالت كوزىڭدى! ساعان زور سي-سياپات كورسەتەم دەگەن ەدىم+، ٴبىراق ەحوبا سەنى ودان قۇرالاقان قالدىرىپ وتىر»،— دەدى.
12 بالاعام وعان بىلاي جاۋاپ قايىردى: «ٴسىز جىبەرگەن ەلشىلەرگە:
13 —بالاق ٴتىپتى التىن-كۇمىسكە تولى ٷيىن بەرسە دە، مەن ەحوبانىڭ بۇيرىعىنا قارسى شىعىپ، مەيلى جاقسى نە جامان بولسىن، ٶز بەتىممەن ەشتەڭە ىستەي المايمىن. ەحوبا ماعان نە ايتسا، سونى عانا ايتامىن+،— دەپ ەدىم عوي.
14 قازىر-اق ەلىمە قايتامىن. ٴبىراق، الدىمەن، بولاشاقتا بۇل حالىق ٴسىزدىڭ حالقىڭىزعا نە ىستەيتىنىن ايتىپ بەرەيىن».
15 ٴسويتتى دە، كەلەسى پايعامبارلىق ٴسوزدى ايتتى+:
«بۇل — بەعور ۇلى بالاعامنىڭ سوزدەرىكوزى اشىق ادامنىڭ ايتقانى+،
16 قۇداي ٴسوزىن ەستىگەن ادامنىڭ،اللا تاعالانىڭ ٴبىلىمى بار كىسىنىڭ سوزدەرى...قۇدىرەتى شەكسىز قۇدايدىڭ ايانىن كورىپ،كوزى اشىق كۇيى جەرگە قۇلاعان ادامنىڭ سوزدەرى:
17 مەن ونى كورەمىن، ٴبىراق قازىر ەمەس،مەن ونى كورەمىن، ٴبىراق جاقىندا ەمەس.
جاقىپتان ٴبىر جۇلدىز+ تۋادى،يسرايلدە پاتشا اساتاياعى پايدا بولادى+.
جارادى ول موابتىڭ ماڭدايىن+،ۋ-شۋ بولعان ۇلداردىڭ باسسۇيەگىن.
18 يسرايل باتىلدىق تانىتقاندا،ەدوم ونىڭ مەنشىگىنە اينالادى+،ال سەيىر+ جاۋلارىنىڭ قول استىنا وتەدى+.
19 جاقىپتان حالىقتاردى باعىندىراتىن جەڭىمپاز شىعادى+،قالادان جان ساۋعالاپ قاشقانداردىڭ ول كوزىن قۇرتادى».
20 بالاعام امالەكتىكتەردى كورىپ، پايعامبارلىق ٴسوزىن جالعاپ بىلاي دەدى:
«امالەك حالىقتاردىڭ العاشقىسى ەدى+،ٴبىراق تۇبىندە ول قۇرىپ جوق بولادى+».
21 ال كەندىكتەردى+ كورگەندە، بالاعام مىناداي پايعامبارلىق ٴسوز ايتتى:
«تۇراعىڭ سەنىڭ قاۋىپسىز، ۇياڭ سەنىڭ جارتاستا.
22 ٴبىراق كەندىكتەردى ورتەپ، كۇل قىلاتىن بىرەۋ شىعادى.
اسسيريا سەنى تۇتقىنعا العانشا، قانشا ۋاقىت قالدى دەيسىڭ؟!»
23 بالاعام ٶزىنىڭ پايعامبارلىق ٴسوزىن جالعاپ، تاعى بىلاي دەدى:
«قانداي قاسىرەت! قۇداي وسىنى ىسكە اسىرعاندا، كىم امان قالادى؟
24 كيتتيمنىڭ+ جاعاسىنان كەمەلەر كەلىپ،اسسيرياعا+ ٴجابىر كورسەتەر،ەبەرگە دە وسىنى ىستەر.
اقىرىندا ٶزى دە كۇيرەپ جوق بولار».
25 وسىنى ايتقان سوڭ، بالاعام+ ورنىنان تۇرىپ، ٶز جونىنە كەتتى. بالاق تا ٶز جولىمەن كەتتى.
سىلتەمەلەر
^ سوزبە-ٴسوز «ناقىل ٴسوز».
