مۇسانىڭ 4-جازباسى 28:1—31
-
ٴتۇرلى قۇرباندىقتاردى اكەلۋ ەرەجەسى (1—31)
28 سوسىن ەحوبا مۇساعا مىنانى ايتتى:
2 «يسرايلدىكتەرگە ماعان ارناپ اس تارتۋىن اكەلسىن دەپ بۇيىر. سول تارتۋدى بەلگىلەنگەن ۋاقىتتاردا ماعان ۇنامدى حوش ٴيىس رەتىندە ورتەپ ۇسىنسىن+.
3 ولارعا بىلاي دە: —ەحوباعا ورتەپ ۇسىناتىن تارتۋلارىڭ كەلەسىدەي بولسىن: كۇندەلىكتى تۇگەل ورتەلەتىن قۇرباندىققا ەش كەمىستىگى جوق ٴبىر جاسار ەكى ەركەك توقتى اكەلىپ+،
4 بىرەۋىن تاڭەرتەڭ، ال ەكىنشىسىن ەكى كەشتىڭ اراسىندا ۇسىنىڭدار+.
5 ولارمەن بىرگە استىق تارتۋى رەتىندە ەفانىڭ وننان ٴبىر بولىگى* بولاتىن ساپالى ۇن اكەلىڭدەر. ۇن ٴحيننىڭ تورتتەن ٴبىر بولىگى* بولاتىن سىعىلعان تازا ٴزايتۇن مايىمەن ارالاستىرىلسىن+.
6 سيناي تاۋىندا بەرىلگەن بۇيرىققا ساي، بۇلار — ەحوباعا ۇنامدى حوش ٴيىس رەتىندە كۇندەلىكتى تۇگەل ورتەلەتىن قۇرباندىق+.
7 سونداي-اق ٵر ەركەك توقتىمەن بىرگە سۇيىق تارتۋى رەتىندە ٴحيننىڭ تورتتەن ٴبىر بولىگى بولاتىن ىشىمدىك اكەلىنسىن+. ول ەحوباعا ارناپ قاسيەتتى ورىندا توگىلسىن.
8 ەكىنشى توقتىنى ەكى كەشتىڭ اراسىندا شالىڭدار. ونى دا ٴدال تاڭەرتەڭگىدەي استىق تارتۋىمەن جانە سۇيىق تارتۋىمەن قوسا ەحوباعا ۇنامدى حوش ٴيىس رەتىندە ورتەڭدەر+.
9 ال دەمالىس كۇنى*+ ەش كەمىستىگى جوق ٴبىر جاسار ەكى ەركەك توقتى، استىق تارتۋى رەتىندە مايمەن ارالاستىرىلعان ەفانىڭ وننان ەكى بولىگى بولاتىن ساپالى ۇن جانە سۇيىق تارتۋىن اكەلىڭدەر.
10 بۇل — دەمالىس كۇنىنىڭ تۇگەل ورتەلەتىن قۇرباندىعى. ونى كۇندەلىكتى تۇگەل ورتەلەتىن قۇرباندىققا جانە ونىڭ سۇيىق تارتۋىنا قوسا ۇسىنىڭدار+.
11 ٵر ايدىڭ باسىندا ەحوباعا ارناپ تۇگەل ورتەلەتىن قۇرباندىققا ەكى جاس بۇقا، ٴبىر قوشقار جانە ەش كەمىستىگى جوق ٴبىر جاسار جەتى ەركەك توقتى شالىڭدار+.
12 سونداي-اق ٵر بۇقامەن بىرگە استىق تارتۋى+ رەتىندە ەفانىڭ وننان ٷش بولىگى بولاتىن، ال قوشقارمەن+ بىرگە ەفانىڭ وننان ەكى بولىگى بولاتىن ساپالى ۇنعا ماي ارالاستىرىپ الىپ كەلىڭدەر.
13 ٵربىر ەركەك توقتىمەن بىرگە استىق تارتۋى رەتىندە ەفانىڭ وننان ٴبىر بولىگى بولاتىن ساپالى ۇنعا ماي ارالاستىرىپ اكەلىڭدەر. بۇلار — تۇگەل ورتەلەتىن قۇرباندىق، ەحوباعا ۇنامدى حوش ٴيىس رەتىندە ورتەپ ۇسىناتىن تارتۋ+.
14 وسىلارعا قوسا كەلەسىدەي سۇيىق تارتۋ اكەلىڭدەر: ٵر بۇقاعا جارتى حين+، قوشقارعا ٴحيننىڭ ۇشتەن ٴبىر بولىگى+، ال ٵر توقتىعا ٴحيننىڭ تورتتەن ٴبىر بولىگى بولاتىن شاراپ+. بۇل — جىل بويى ٵر ايدا ۇسىنىلاتىن تۇگەل ورتەلەتىن قۇرباندىق.
15 سونداي-اق ەحوباعا ارناپ كۇنا ٷشىن قۇرباندىققا ٴبىر جاس ەشكى شالىڭدار. ونى كۇندەلىكتى تۇگەل ورتەلەتىن قۇرباندىققا جانە ونىڭ سۇيىق تارتۋىنا قوسا ۇسىنىڭدار.
16 ٴبىرىنشى ايدىڭ ون ٴتورتىنشى كۇنى ەحوباعا ارنالعان قۇتقارىلۋ مەيرامى+.
17 وسى ايدىڭ ون بەسىنشى كۇنى جەتى كۇندىك مەيرام باستالادى. سول كۇندەرى اشىتقىسىز پىسىرىلگەن نان جەڭدەر+.
18 مەيرامنىڭ ٴبىرىنشى كۇنى قاسيەتتى جيىن وتكىزىڭدەر. ەشقانداي ۇلكەن جۇمىس جاساماڭدار.
19 ەحوباعا ارناپ تۇگەل ورتەلەتىن قۇرباندىققا ەكى جاس بۇقا، ٴبىر قوشقار، ٴبىر جاسار جەتى ەركەك توقتى ۇسىنىڭدار. ولاردىڭ ەش كەمىستىگى بولماسىن+.
20 ٵر بۇقامەن بىرگە ەفانىڭ وننان ٷش بولىگى، ال قوشقارمەن بىرگە ەفانىڭ وننان ەكى بولىگى بولاتىن ساپالى ۇنعا ماي ارالاستىرىپ، استىق تارتۋىن اكەلىڭدەر+.
21 ال جەتى توقتىنىڭ ٴارقايسىسىمەن بىرگە ەفانىڭ وننان ٴبىر بولىگى بولاتىن ساپالى ۇندى ماي ارالاستىرىپ اكەلىڭدەر.
22 سونىمەن قاتار كۇنا ٷشىن قۇرباندىققا ٴبىر ەشكى اكەلىڭدەر. ونىمەن كۇنالارىڭ وتەلەدى.
23 وسىلاردىڭ ٴبارىن كۇندەلىكتى تاڭەرتەڭ ۇسىناتىن تۇگەل ورتەلەتىن قۇرباندىقپەن بىرگە اكەلىڭدەر.
24 ٴدال وسىلاي جەتى كۇن بويى اس تارتۋىن، ياعني ەحوباعا ۇنامدى حوش ٴيىس رەتىندە ورتەپ ۇسىنىلاتىن تارتۋ، الىپ كەلىڭدەر. ونى كۇندەلىكتى تۇگەل ورتەلەتىن قۇرباندىقپەن جانە ونىڭ سۇيىق تارتۋىمەن بىرگە ۇسىنىڭدار.
25 ال جەتىنشى كۇنى قاسيەتتى جيىن وتكىزىڭدەر+. ەشقانداي ۇلكەن جۇمىس جاساماڭدار+.
26 العاشقى ونىمدەرىڭدى جيناپ+، جاڭا پىسكەن استىقتان ەحوباعا تارتۋ ۇسىنعان كۇنى+، اپتالار مەيرامىندا*، قاسيەتتى جيىن وتكىزىڭدەر+. بۇل كۇنى ەشقانداي ۇلكەن جۇمىس جاساماڭدار+.
27 ەحوباعا ۇنامدى حوش ٴيىس رەتىندە ورتەپ ۇسىناتىن قۇرباندىققا ەكى جاس بۇقا، ٴبىر قوشقار، ٴبىر جاسار جەتى ەركەك توقتى اكەلىڭدەر+.
28 ٵر بۇقامەن بىرگە ەفانىڭ وننان ٷش بولىگى بولاتىن، ال قوشقارمەن بىرگە ەفانىڭ وننان ەكى بولىگى بولاتىن ساپالى ۇنعا ماي ارالاستىرىپ، استىق تارتۋىن اكەلىڭدەر.
29 ال جەتى توقتىنىڭ ٴارقايسىسىمەن بىرگە ەفانىڭ وننان ٴبىر بولىگى بولاتىن ساپالى ۇندى ماي ارالاستىرىپ اكەلىڭدەر.
30 سونداي-اق كۇنالارىڭدى وتەۋ ٷشىن ٴبىر جاس ەشكى الىپ كەلىڭدەر+.
31 وسىلاردىڭ ٴبارىن كۇندەلىكتى تۇگەل ورتەلەتىن قۇرباندىقپەن جانە ونىڭ استىق تارتۋىمەن بىرگە اكەلىڭدەر، ولارعا ٴتيىستى سۇيىق تارتۋلارىن دا ۇسىنىڭدار. مالدىڭ ەشقايسىسىندا كەمىستىك بولماسىن+.
سىلتەمەلەر
^ ياعني 2.2 ليتر. B14 قوسىمشاسىن قاراڭىز.
^ ياعني 9.0 ليتر. B14 قوسىمشاسىن قاراڭىز.
^ تۇسىندىرمەنى قاراڭىز.
^ «العاشقى ٶنىم مەيرامى» دەپ تە اتالادى.