مۇسانىڭ 4-جازباسى 33:1—56
33 مۇسا مەن حاروننىڭ باسشىلىعىمەن+ مىسىردان اسكەر جاساعىنداي+ لەك-لەگىمەن شىققان+ يسرايلدىكتەر كوشىپ-قونىپ ٴجۇرىپ وتىردى.
2 مۇسا ەحوبانىڭ بۇيرىعىمەن ولاردىڭ كوشكەن جانە توقتاعان جەرلەرىن جازىپ وتىردى+. بۇل كەلەسىدەي بولدى:
3 ٴبىرىنشى ايدىڭ ون بەسىنشى كۇنى+ يسرايلدىكتەر رامسەستەن شىقتى+. ولار قۇتقارىلۋ مەيرامىنىڭ+ ەرتەڭىنە مىسىرلىقتاردىڭ كوز الدىندا نىق سەنىممەن شىققان ەدى.
4 سول كەزدە مىسىرلىقتار ەحوبا قىرعىنعا ۇشىراتقان كۇللى تۇڭعىشتارىن جەرلەپ جاتقان+. ەحوبا ولاردىڭ قۇدايلارىن جازالاعان بولاتىن+.
5 سودان يسرايلدىكتەر رامسەستەن شىعىپ، سۋقوتقا كەلىپ قوس تىكتى+.
6 سۋقوتتان شىعىپ، ٴشولدىڭ شەتىندەگى ەتامعا قوس تىكتى+.
7 ەتامنان شىعىپ، باعال-سەپونعا قاراما-قارسى پي-حاحيروتقا+ بۇرىلدى دا، ميعدولدىڭ تۇسىنا قوس تىكتى+.
8 سوسىن پي-حاحيروتتان كوشىپ، تەڭىز ارقىلى ٶتىپ+، ەتام+ شولىنە كەلدى+. شولمەن ٷش كۇن ٴجۇرىپ، ماراعا قوس تىكتى+.
9 ولار مارادان شىعىپ، ەليمگە جەتتى. ەليمدە 12 بۇلاق پەن 70 قۇرما پالماسى بولاتىن، سوندىقتان ولار سول جەرگە قوس تىكتى+.
10 سوسىن ەليمنەن اتتانىپ، قىزىل تەڭىزدىڭ بويىنا قوس تىكتى.
11 قىزىل تەڭىزدەن شىعىپ، سين شولىنە كەلىپ قوس تىكتى+.
12 سين شولىنەن شىعىپ، دوپكاعا قوس تىكتى.
13 كەيىنىرەك دوپكادان اتتانىپ، الۋشقا قوس تىكتى.
14 الۋشتان شىعىپ، رەپەديمگە قوس تىكتى+. بۇل جەردە حالىق ىشەتىن اۋىزسۋ بولمادى.
15 رەپەديمنەن كوشىپ، سيناي شولىنە كەلىپ قوس تىكتى+.
16 كەيىن ولار سيناي شولىنەن اتتانىپ، قيبروت-حاتاۋاعا+ قوس تىكتى.
17 قيبروت-حاتاۋادان شىعىپ، حازەروتقا+ قوس تىكتى.
18 حازەروتتان شىعىپ، ريتماعا قوس تىكتى.
19 ريتمادان شىعىپ، ريمون-پارەسكە قوس تىكتى.
20 ريمون-پارەستەن اتتانىپ، ليبناعا قوس تىكتى.
21 كەيىنىرەك ليبنادان شىعىپ، ريساعا قوس تىكتى.
22 ريسادان شىعىپ، كەحەلاتاعا قوس تىكتى.
23 كەحەلاتادان كوشىپ، شاپەر تاۋىنا كەلىپ توقتادى.
24 سوسىن ولار شاپەر تاۋىنان شىعىپ، حاراداعا قوس تىكتى.
25 حارادادان شىعىپ، ماحەلوتقا قوس تىكتى.
26 ماحەلوتتان شىعىپ+، تاحاتقا قوس تىكتى.
27 تاحاتتان شىعىپ، تاراحقا قوس تىكتى.
28 تاراحتان شىققان ولار ميتقاعا قوس تىكتى.
29 كەيىنىرەك ميتقادان شىعىپ، حاشموناعا قوس تىكتى.
30 حاشمونادان شىعىپ، موسەروتقا قوس تىكتى.
31 موسەروتتان كوشىپ، بەنە-جاقانعا+ قوس تىكتى.
32 بەنە-جاقاننان اتتانىپ، حور-حاگيداتقا قوس تىكتى.
33 حور-حاگيداتتان جولعا شىققان ولار جوتباتاعا+ قوس تىكتى.
34 كەيىنىرەك جوتباتادان كوشىپ، ابرونعا قوس تىكتى.
35 ابروننان شىعىپ، ەسيون-گەبەرگە+ قوس تىكتى.
36 ەسيون-گەبەردەن اتتانىپ، زين شولىنە+، ياعني قادەشكە كەلىپ قوس تىكتى.
37 كەيىنىرەك ولار قادەشتەن كوشىپ، ەدوم جەرىنىڭ شەگاراسىنداعى حور تاۋىنا كەلىپ قوس تىكتى+.
38 ٴدىني قىزمەتكەر حارون ەحوبانىڭ بۇيرىعىمەن حور تاۋىنا كوتەرىلىپ، سول جەردە كوز جۇمدى. بۇل يسرايلدىكتەر مىسىردان شىققاننان كەيىنگى قىرقىنشى جىلدىڭ بەسىنشى ايىنىڭ ٴبىرىنشى كۇنى بولاتىن+.
39 حارون حور تاۋىندا قايتىس بولعاندا 123 جاستا ەدى.
40 سول كەزدە قاناحان ولكەسىندەگى نەگەۆتە تۇرىپ جاتقان قاناحاندىق ارات پاتشا+ يسرايلدىكتەردىڭ كەلە جاتقانىن ەستىدى.
41 ٴبىراز ۋاقىت وتكەن سوڭ يسرايلدىكتەر حور تاۋىنان كوشىپ+، سالموناعا كەلىپ قوس تىكتى.
42 سالمونادان شىعىپ، قوستارىن پۋنونعا تىكتى.
43 پۋنوننان اتتانىپ، وبوتقا قوس تىكتى+.
44 وبوتتان كوشىپ، موابتىڭ شەگاراسىنداعى يە-اباريمگە* قوس تىكتى+.
45 كەيىنىرەك يريمنەن اتتانىپ، ديبون-عادقا+ قوس تىكتى.
46 ديبون-عادتان كوشكەن ولار المون-ديبلاتايىمعا قوس تىكتى.
47 المون-ديبلاتايىمنان شىعىپ، نەبونىڭ+ تۇسىنداعى اباريم تاۋلارىنا+ كەلىپ قوس تىكتى.
48 اقىر سوڭىندا، ولار اباريم تاۋلارىنان كوشىپ، يەريحونعا قاراما-قارسى، يوردان وزەنىنىڭ بويىنداعى مواب ٴشول دالاسىنا كەلىپ توقتادى+.
49 سودان ولار قوستارىن يوردان وزەنىن بويلاي مواب ٴشول دالاسىنداعى بەت-ەشيموتتان ابەل-شيتتيمگە+ دەيىنگى ارالىققا تىكتى.
50 يەريحونعا قاراما-قارسى، يوردان وزەنىنىڭ بويىنداعى مواب ٴشول دالاسىندا ەحوبا مۇساعا بىلاي دەدى:
51 «يسرايلدىكتەرگە مىنا ٴسوزىمدى جەتكىز: —سەندەر يوردان وزەنىنەن ٶتىپ، قاناحان جەرىنە كىرگەلى جاتىرسىڭدار+.
52 سول جەرگە كىرگەندە، تۇرعىندارىنىڭ ٴبارىن قۋىپ، تاستان قاشالعان جانە تەمىردەن بالقىتىپ قۇيىلعان مۇسىندەرىنىڭ ٴبارىن قۇرتىڭدار+، سونداي-اق قاسيەتتى عيبادات توبەلەرىنىڭ بارلىعىن قيراتىڭدار+.
53 ال جەرلەرىن يەمدەنىپ، قونىستانىڭدار. ويتكەنى مەن ونى سەندەرگە مىندەتتى تۇردە يەلىكتەرىڭە بەرەمىن+.
54 سول ولكەنى رۋلارىڭ جانە اۋلەتتەرىڭ بويىنشا ٶزارا جەرەبە تاستاپ+ ٴبولىپ الىڭدار. ادام سانى كوبىنە جەردى ۇلكەنىرەك، ال ازىنا كىشىرەك ەتىپ بەرىڭدەر+. اركىمگە ۇلەس جەرەبە تۇسكەن جەردەن تيەدى. وسىلاي يەلىككە جەردى رۋ بويىنشا الاسىڭدار+.
55 ەگەر سول جەردىڭ تۇرعىندارىن قۋىپ جىبەرمەسەڭدەر+، ولار كوزگە تۇسكەن جاڭقاداي، بۇيىرگە قادالعان تىكەندەي بولىپ، سەندەرگە تىنىشتىق بەرمەيدى+.
56 ال مەن ولارعا ىستەمەك بولعانىمدى سەندەردىڭ باستارىڭا تۇسىرەمىن+».
سىلتەمەلەر
^ 45-تارماقتا بۇل جەر «يريم» دەپ اتالعان.