مۇسانىڭ 4-جازباسى 34:1—29
34 ەحوبا مۇساعا تاعى بىلاي دەدى:
2 «يسرايلدىكتەرگە مىناداي نۇسقاۋ بەر: —مىنە، سەندەر قاناحان جەرىنە+ كىرگەلى تۇرسىڭدار. يەلىكتەرىڭە بەرىلەتىن بۇل ولكەنىڭ شەگاراسى كەلەسىدەي بولادى+:
3 وڭتۇستىك شەگارالارىڭ زين شولىنەن باستالىپ، ەدومدى بويلاي ورنالاسادى. وڭتۇستىك شەگارالارىڭ شىعىستاعى تۇزدى تەڭىزدىڭ* شەتىنەن باستالادى+.
4 سودان ول اكرابتىڭ+ وڭتۇستىك باۋرايىنان بۇرىلىپ، زينگە دەيىن، ودان ٵرى قادەش-بارنيدىڭ+ وڭتۇستىگىنە دەيىن (بۇل — شەگارانىڭ شەتى) سوزىلادى. شەگارا ٵرى قاراي حازار-اداردان+، سوسىن ازموننان وتەدى.
5 ازموننان مىسىر وزەن اڭعارىن* بويلاي تەڭىزگە*+ بارىپ تىرەلەدى.
6 باتىس شەگارالارىڭ ۇلى تەڭىزدىڭ جاعالاۋىمەن وتەدى. باتىستاعى شەگارالارىڭ، مىنە، وسى بولادى+.
7 ال سولتۇستىك شەگارالارىڭدى بىلاي بەلگىلەڭدەر: ول ۇلى تەڭىزدەن حور* تاۋىنا دەيىن،
8 حور تاۋىنان لەبو-حاماتقا دەيىن+، ودان سەدادقا دەيىن+ (بۇل — شەگارانىڭ شەتى) سوزىلسىن.
9 ٵرى قاراي شەگارا زيفرونعا دەيىن، ودان حاسار-ەنانعا دەيىن+ (بۇل — شەگارانىڭ شەتى) سوزىلسىن. مىنە، سولتۇستىكتەگى شەگارالارىڭ وسى بولسىن.
10 سوسىن شىعىس شەگارالارىڭدى بەلگىلەڭدەر. ول حاسار-ەناننان شەفامعا دەيىن،
11 شەفامنان ٵرى قاراي ايىننىڭ شىعىسىنداعى ريبلاعا دەيىن، ودان تومەن ٴتۇسىپ، كينەرەت*+ تەڭىزىنىڭ شىعىسىنداعى جوتانىڭ بويىمەن ٶتسىن.
12 سودان شەگارا يورداننىڭ بويىمەن سوزىلىپ، تۇزدى تەڭىزگە بارىپ تىرەلسىن+. سەندەردىڭ جەرلەرىڭ+ مەن ونىڭ جان-جاعىنداعى شەگارالار، مىنە، وسى».
13 بۇدان كەيىن مۇسا يسرايلدىكتەرگە مىناداي نۇسقاۋ بەردى: «ەحوبانىڭ بۇيرىعىمەن، توعىز جارىم رۋدىڭ يەلىگىنە جەرەبە+ ارقىلى ٴبولىپ بەرىلەتىن جەر — وسى.
14 سەبەبى رۋبەن رۋى، عاد رۋى جانە ماناسا رۋىنىڭ جارتىسى يەلىككە جەر الىپ قويعان+.
15 وسى ەكى جارىم رۋ مۇرالارىن يەريحوننىڭ ماڭىنداعى يورداننىڭ شىعىس بەتىندەگى ولكەدەن العان+».
16 ەحوبا مۇساعا تاعى بىلاي دەدى:
17 «حالىققا جەردى ٴدىني قىزمەتكەر ەلازار+ مەن نۇن ۇلى ەشۋا+ ٴبولىپ بەرەدى.
18 ولارعا كومەكتەسۋ ٷشىن ٵر رۋدان ٴبىر-ٴبىر باسشىدان الىنسىن+.
19 بۇلاردىڭ اتى-ٴجونى مىناۋ: ياھۋدا رۋىنىڭ+ باسشىسى ەپۋنەح ۇلى حالەپ+،
20 شيمون رۋىنىڭ+ باسشىسى ٵميحۋد ۇلى شەمۋەل،
21 بەنيامين رۋىنىڭ+ باسشىسى كيسلون ۇلى ەليداد،
22 دان رۋىنىڭ+ باسشىسى جوعلى ۇلى بۇكەي،
23 جۇسىپتەن تاراعان ماناسا رۋىنىڭ+ باسشىسى ەپوت ۇلى حانيەل،
24 ال ەفرەم رۋىنىڭ+ باسشىسى شەپتان ۇلى كەمۋەل،
25 زابۋلون رۋىنىڭ+ باسشىسى پارناح ۇلى ەلساپان،
26 يساحار رۋىنىڭ+ باسشىسى اززان ۇلى پالتيەل،
27 اشير رۋىنىڭ+ باسشىسى شەلومي ۇلى احيۋد،
28 نافتاليم رۋىنىڭ+ باسشىسى ٵميحۋد ۇلى پەداحەل».
29 ەحوبا قاناحان جەرىن يسرايلدىكتەرگە ٴبولىپ بەرۋدى وسىلارعا تاپسىردى+.
سىلتەمەلەر
^ ياعني ٶلى تەڭىز.
^ ۇلى تەڭىز، ياعني جەرورتا تەڭىزى.
^ تۇسىندىرمەنى قاراڭىز.
^ قايدا ورنالاسقانى بەلگىسىز. ليۆان تاۋ جوتالارىنىڭ بيىك ٴبىر شوقىسى بولسا كەرەك.
^ «گەنەسارەت كولى»، «عاليلەيا تەڭىزى» دەپ تە اتالادى.
