مۇسانىڭ 4-جازباسى 36:1—13
-
مۇرالىق جەرى بار قىزدىڭ تۇرمىسقا شىعۋىنا قاتىستى زاڭ (1—13)
36 ٴجۇسىپتىڭ شوبەرەسى، ماناسانىڭ نەمەرەسى، ٴماحيردىڭ ۇلى عالاقاتتان تاراعان+ اۋلەتباسىلارى مۇسا مەن باسشىلارعا، ياعني يسرايلدىكتەردىڭ اۋلەتباسىلارىنا كەلىپ،
2 بىلاي دەدى: «ەحوبا ٴبىزدىڭ مىرزامىزعا جەردى يسرايلدىكتەرگە جەرەبە+ ارقىلى ٴبولىپ بەرۋدى بۇيىرعان ەدى. سوندا ەحوبا مىرزامىزعا باۋىرىمىز سالوپاحادقا تيگەن جەردى قىزدارىنا بەرۋدى بۇيىرعان+.
3 ەگەر ولار يسرايلدىڭ باسقا رۋىنىڭ ادامىنا تۇرمىسقا شىقسا، ولاردىڭ مۇرالىق جەرلەرى اكەلەرىمىزگە تيگەن مۇرالىق جەردەن ٴبولىنىپ، سول رۋعا وتەدى عوي. سوندا بۇل جەر ٴبىزدىڭ جەرەبە ارقىلى يەمدەنگەن ۇلەسىمىزدەن شىعىپ قالادى.
4 ازاتتىق جىلى+ كەلگەندە، سول قىزداردىڭ مۇرالىق جەرى تۇرمىسقا شىققان رۋعا ٴبىرجولا وتەدى عوي. سوندا ولاردىڭ مۇرالىق جەرى اكەلەرىمىزدىڭ رۋىنا تيگەن ۇلەستەن ٴبىرجولا شىعىپ قالادى».
5 سول كەزدە مۇسا ەحوبانىڭ بۇيىرۋىمەن يسرايلدىكتەرگە بىلاي دەدى: «ٴجۇسىپتىڭ ۇرپاعىنان تاراعان رۋدىڭ ادامدارى دۇرىس ايتادى.
6 ەحوبا سالوپاحادتىڭ قىزدارىنا مىنانى بۇيىرادى: —ولار قالاعان ادامىنا تۇرمىسقا شىعۋىنا بولادى، الايدا ٶز رۋىنىڭ ٴبىر اۋلەتىندەگى ەر ادامعا شىقسىن.
7 يسرايلدىكتەردىڭ مۇرالىق جەرى ٴبىر رۋدىڭ مەنشىگىنەن ەكىنشى رۋدىكىنە وتپەسىن. ويتكەنى يسرايلدىكتەر اتا-بابالارىنىڭ رۋىنا بەرىلگەن مۇرالىق جەردى ساقتاپ قالۋلارى كەرەك.
8 يسرايل رۋلارىنىڭ ىشىنەن مۇرالىققا جەر العان ٵربىر قىز ٶز رۋىنداعى ەر ادامعا كۇيەۋگە شىقسىن+. وسىلاي يسرايلدىكتەر اتا-بابالارىنىڭ ۇلەسىنە تيگەن جەردى ساقتاپ قالادى.
9 سونىمەن، مۇرالىق جەر ٴبىر رۋدان ەكىنشى رۋعا وتپەسىن. يسرايلدىڭ ٵربىر رۋى ٶزىنىڭ ۇلەسىنە تيگەن جەردى ساقتاپ قالسىن».
10 سالوپاحادتىڭ قىزدارى ەحوبانىڭ مۇساعا بۇيىرعانىنداي ىستەدى+.
11 ماحلا، تيرسا، حوگلا، مىلقا جانە نوعا ەسىمدى وسى قىزدار+ اكەلەرىنىڭ باۋىرلارىنىڭ ۇلدارىنا تۇرمىسقا شىقتى.
12 وسىلايشا ولار مۇرالىق جەرلەرىن ٶز رۋلارىنىڭ مەنشىگىندە ساقتاپ قالۋ ٷشىن، ٴجۇسىپ ۇلى ماناسادان تاراعان اۋلەتتەردىڭ ىشىندەگى ەر ادامدارعا شىقتى.
13 ەحوبانىڭ يەريحونعا قاراما-قارسى، يوردان وزەنىنىڭ بويىنداعى مواب ٴشول دالاسىندا مۇساعا بەرگەن زاڭدارى مەن شەشىمدەرى، مىنە، وسىلار+.