مۇسانىڭ 4-جازباسى 6:1—27
6 ٵرى قاراي ەحوبا مۇساعا بىلاي دەدى:
2 «يسرايلدىكتەرگە كەلەسى ٴسوزىمدى جەتكىز: —قانداي دا ٴبىر ەركەك نە ايەل ەحوبانىڭ الدىندا نازير*+ بولۋعا ەرەكشە انت بەرسە،
3 سول ادام شاراپتى نە ماس قىلاتىن باسقا دا ىشىمدىكتەردى اۋزىنا الماسىن. سونداي-اق شاراپتان نە وزگە ىشىمدىكتەن جاسالعان سىركە سۋىن+، ٴجۇزىم شىرىنىن، ٴجۇزىمنىڭ ٶزىن دە، مەيىزىن دە جەمەسىن.
4 نازير بولىپ جۇرگەن ۋاقىتتىڭ بارىندە وعان ٴجۇزىم ساباعىنان ەشتەڭە، ونىڭ پىسپەگەن جەمىسىن دە، ٴتىپتى قابىعىن دا، جەۋگە بولمايدى.
5 نازير انتى كۇشىندە بولعان ۋاقىتتىڭ بارىندە ونىڭ باسىنا ۇستارا تيمەۋ كەرەك+. ەحوباعا ارنالعان كۇندەرى بىتپەيىنشە، ول شاشىن ٶسىرىپ، قاسيەتتى بولىپ قالا بەرسىن.
6 سونداي-اق ەحوباعا ارنالعان كۇندەرى ەشكىمنىڭ مايىتىنە جاقىنداماسىن.
7 ٴتىپتى اكەسى نە شەشەسى، اعا-ٸنىسى نە اپكە-قارىنداسى قايتىس بولسا دا، مايىتكە جاقىنداپ ٶزىن ارامداماسىن+، ويتكەنى ونىڭ قۇداي الدىندا نازير ەكەندىگىنىڭ بەلگىسى بولىپ تابىلاتىن ۇزىن شاشى بار.
8 ول نازير بولعان ۋاقىتىنىڭ بارىندە ەحوبانىڭ الدىندا قاسيەتتى بولىپ قالا بەرۋ كەرەك.
9 ەگەر بىرەۋ ونىڭ قاسىندا كەنەتتەن قايتىس بولىپ+، سودان قۇدايعا ارنالعانىنىڭ* بەلگىسى بولىپ تابىلاتىن شاشىن ارامداسا، تازارۋ ٴراسىمى جاسالاتىن جەتىنشى كۇنى شاشىن الدىرىپ تاستاسىن+.
10 ال سەگىزىنشى كۇنى كەزدەسۋ شاتىرىنىڭ كىرەبەرىسىنە ەكى كەپتەر نە ەكى جاس كوگەرشىن اكەلىپ، ٴدىني قىزمەتكەرگە بەرسىن.
11 ول مايىتكە ٴتيىپ ايىپتى بولعاندىقتان، ٴدىني قىزمەتكەر قۇستىڭ بىرەۋىن كۇنا ٷشىن قۇرباندىققا، ال ەكىنشىسىن تۇگەل ورتەلەتىن قۇرباندىققا ۇسىنىپ، ونىڭ كۇناسىن وتەيدى+. سول كۇنى ول ٶزىن قاسيەتتى ەتسىن*.
12 ٴسۇيتىپ، ەحوبانىڭ الدىندا نازير بولۋ كۇندەرىن قايتادان باستاسىن جانە ايىپ قۇرباندىعىنا ٴبىر جاستان اسپاعان قوشقار اكەلسىن. ول ارامدالىپ قالعاندىقتان، بۇعان دەيىنگى نازير بولعان كۇندەرى ەسەپتەلمەيدى.
13 نازير بولعان ادامعا قاتىستى زاڭ مىناۋ: ونىڭ نازير بولۋ مەرزىمى بىتكەندە+، كەزدەسۋ شاتىرىنىڭ كىرەبەرىسىنە كەلسىن.
14 سول جەردە ەحوباعا ارناپ تۇگەل ورتەلەتىن قۇرباندىققا ەش كەمىستىگى جوق ٴبىر جاستان اسپاعان قوشقار+، كۇنا ٷشىن قۇرباندىققا ەش كەمىستىگى جوق ٴبىر جاستان اسپاعان ۇرعاشى توقتى+، ال تاتۋلىق قۇرباندىعىنا ەش كەمىستىگى جوق قوشقار ۇسىنسىن+.
15 سونداي-اق سەبەتكە سالىپ، ساپالى ۇنعا ماي قوسىپ اشىتقىسىز پىسىرىلگەن تەسىك كۇلشەلەر، ماي جاعىلعان ٴپاتىر ناندار، استىق جانە سۇيىق تارتۋلار+ الىپ كەلسىن.
16 ٴدىني قىزمەتكەر بۇلاردى ەحوبانىڭ الدىنا اكەلىپ، كۇنا ٷشىن ۇسىنىلعان قۇرباندىق پەن تۇگەل ورتەلەتىن قۇرباندىقتى شالادى.
17 سوسىن ەحوباعا ارناپ تاتۋلىق قۇرباندىعىنا قوشقاردى جانە سەبەتتەگى اشىتقىسىز پىسىرىلگەن نانداردى، بۇعان قوسا استىق+ جانە سۇيىق تارتۋلارىن ۇسىنادى.
18 بۇدان كەيىن نازير بولعان كىسى كەزدەسۋ شاتىرىنىڭ كىرەبەرىسىندە شاشىن السىن+. سودان نازير رەتىندە قىزمەت ەتكەن كەزىندە وسكەن وسى شاشىن تاتۋلىق قۇرباندىعى جانىپ جاتقان وتقا تاستاسىن.
19 ٴدىني قىزمەتكەر قوشقاردىڭ سۋعا پىسىرىلگەن+ جاۋىرىنىن جانە سەبەتتەن تەسىك كۇلشە مەن ٴپاتىر ناننان ٴبىر-بىردەن الىپ، سولاردى شاشىن، ياعني نازير بەلگىسىن، الدىرعان ادامنىڭ الاقاندارىنا قويسىن.
20 ٴدىني قىزمەتكەر ولاردى تەربەپ اكەلەتىن تارتۋ رەتىندە ەحوبانىڭ الدىندا ٵرى-بەرى تەربەسىن+. بۇلار تەربەپ اكەلىنگەن توسپەن جانە قاسيەتتى بولىك رەتىندە اكەلىنگەن وڭ اياقپەن قوسا ٴدىني قىزمەتكەردىڭ ۇلەسىنە تيەدى+. وسىدان كەيىن نازير بولعان ادامنىڭ شاراپ ىشۋىنە بولادى.
21 ەگەر ول ەحوباعا نازير انتىنىڭ تالابى بويىنشا اكەلىنەتىن وسى تارتۋلاردان باسقا تارتۋ اكەلۋدى انت ەتسە ٵرى بۇعان شاماسى جەتسە، وندا سول انتىن ورىنداسىن. نازير انتىن بەرگەن ادامعا قاتىستى زاڭ+، مىنە، وسى».
22 سوسىن ەحوبا مۇساعا مىنانى ايتتى:
23 «حارون مەن ونىڭ ۇلدارىنا كەلەسى ٴسوزىمدى جەتكىز: —سەندەر يسرايل حالقىنا بىلاي دەپ باتا بەرىڭدەر+:
24 «ەحوبا سەنى جارىلقاپ+، امان ساقتاسىن.
25 ەحوبا ساعان ٴجۇزىنىڭ نۇرىن توگىپ+، شاپاعاتىن ٴتۇسىرسىن.
26 ەحوبا ساعان ٴجۇزىن بۇرىپ، تىنىشتىق سيلاسىن+».
27 وسىلاي ولار يسرايل حالقىنا مەنىڭ ەسىمىممەن يگى تىلەك ايتسىن+، سوندا مەن حالىققا باتامدى توگەمىن+».
سىلتەمەلەر
^ بۇل ەۆرەي ٴسوزى «تاڭداپ الىنعان؛ باعىشتالعان؛ ٴبولىپ الىنعان» دەگەندى بىلدىرەدى.
^ نەمەسە «نازير ەكەندىگىنىڭ».
^ سوزبە-ٴسوز «باسىن قاسيەتتى ەتسىن». بۇل قايتادان شاشىن وسىرۋگە نۇسقاسا كەرەك.
