مۇسانىڭ 4-جازباسى 8:1—26
8 ەحوبا مۇساعا بىلاي دەدى:
2 «حارونعا مىنا سوزدەرىمدى جەتكىز: —شامداردى جاققان كەزدە، جەتى شامنىڭ جارىعى شامدالدىڭ الدىنا ٴتۇسىپ تۇراتىنداي بولسىن+».
3 سودان حارون ەحوبانىڭ مۇساعا بۇيىرعانىنداي ىستەپ، شامداردى جارىعى شامدالدىڭ+ الدىنا تۇسەتىندەي ەتىپ ورنالاستىردى.
4 شامدال دىڭگەگىنەن باستاپ گۇلدەرىنە دەيىن التىننان سوعىلىپ جاسالدى+. ول ەحوبا مۇساعا كورسەتكەن ايانداعى ۇلگىگە ساي ىستەلىندى+.
5 ەحوبا مۇساعا تاعى بىلاي دەدى:
6 «يسرايلدىكتەردىڭ اراسىنان لەۋىلىكتەردى ٴبولىپ الىپ، ولاردى تازارۋ راسىمىنەن وتكىز+.
7 مۇنى بىلاي ىستە: ولارعا كۇنادان تازارتاتىن سۋ بۇركى، سوسىن ولار شاشىن جانە دەنەلەرىندەگى تۇگىن ۇستارامەن السىن، كيىمدەرىن جۋسىن، وزدەرى دە شومىلسىن+.
8 بۇدان سوڭ ولار جاس بۇقا+ جانە وعان قوسا استىق تارتۋى+ رەتىندە ماي ارالاستىرىلعان ساپالى ۇن اكەلسىن. ال سەن كۇنا ٷشىن قۇرباندىققا باسقا ٴبىر جاس بۇقا الىپ كەل+.
9 ٴسۇيتىپ، كەزدەسۋ شاتىرىنىڭ الدىنا لەۋىلىكتەردى اكەلىپ، سول جەرگە يسرايل قاۋىمىن جينا+.
10 لەۋىلىكتەردى ەحوبانىڭ الدىنا اكەلگەندە، يسرايلدىكتەر ولاردىڭ ۇستىنە قولدارىن قويسىن+.
11 حارون يسرايلدىكتەردىڭ اتىنان لەۋىلىكتەردى ەحوباعا تەربەپ اكەلىنەتىن تارتۋ+ رەتىندە ۇسىنسىن*، ولار ەحوباعا قىزمەت ەتەتىن بولادى+.
12 سوسىن لەۋىلىكتەر بۇقالاردىڭ باسىنا قولدارىن قويسىن+. ٴسۇيتىپ، ونىڭ بىرەۋىن كۇنا ٷشىن قۇرباندىق رەتىندە، ال ەكىنشىسىن تۇگەل ورتەلەتىن قۇرباندىق رەتىندە ەحوباعا ۇسىنىپ، لەۋىلىكتەردىڭ كۇناسىن وتە+.
13 سودان كەيىن لەۋىلىكتەردى حارون مەن ونىڭ ۇلدارىنىڭ الدىنا تۇرعىز. حارون ولاردى ەحوباعا تەربەپ اكەلەتىن تارتۋ رەتىندە ۇسىنسىن.
14 سەن لەۋىلىكتەردى يسرايلدىكتەردىڭ اراسىنان ٴبولىپ ال، ولار مەنىكى بولادى+.
15 سودان سوڭ لەۋىلىكتەر كەزدەسۋ شاتىرىنداعى قىزمەتتەرىنە كىرىسسىن. مىنە، ولاردى وسىلاي تازارۋ راسىمىنەن وتكىز جانە تەربەپ اكەلەتىن تارتۋ رەتىندە ۇسىن.
16 ولار يسرايلدىكتەردىڭ اراسىنان الىنىپ، ماعان بەرىلگەندەر. مەن ولاردى وزىمە يسرايلدىكتەردىڭ تۇڭعىش ۇلدارىنىڭ ورنىنا الامىن+.
17 سەبەبى يسرايلدىكتەردىڭ تۇڭعىشتارىنىڭ ٴبارى، ادامنان باستاپ مالعا دەيىن، مەنىكى+. مىسىر ەلىنىڭ تۇڭعىشتارىن ولتىرگەن كۇنى ولاردى ٶزىم ٷشىن قاسيەتتى ەتىپ العانمىن+.
18 مەن لەۋىلىكتەردى يسرايلدىكتەردىڭ تۇڭعىشتارىنىڭ ورنىنا الامىن.
19 لەۋىلىكتەردى يسرايلدىكتەردىڭ اراسىنان تاڭداپ الىپ، حارون مەن ونىڭ ۇلدارىنا بەرەمىن. ولار كەزدەسۋ شاتىرىندا يسرايلدىكتەر ٷشىن قىزمەت ەتىپ+، ولاردىڭ كۇنالارىن وتەۋگە كومەكتەسەدى. سوندا يسرايلدىكتەر قاسيەتتى ورىنعا جاقىندامايتىن ٵرى سونىڭ كەسىرىنەن اپاتقا ۇشىرامايتىن بولادى+».
20 مۇسا، حارون جانە بۇكىل يسرايل قاۋىمى لەۋىلىكتەرگە قاتىستى ەحوبانىڭ مۇساعا بەرگەن بۇيرىقتارىن ورىندادى. يسرايلدىكتەر ٴبارىن قالاي ايتىلسا، سولاي ىستەدى.
21 سودان لەۋىلىكتەر شومىلىپ، كيىمدەرىن جۋدى+. حارون بولسا ولاردى ەحوباعا تەربەپ اكەلەتىن تارتۋ رەتىندە ۇسىندى+. سوسىن حارون ولاردى كۇنالارىنان تازارتۋ ٷشىن قۇرباندىقتار شالدى+.
22 بۇدان كەيىن لەۋىلىكتەر كەزدەسۋ شاتىرىنداعى حارون مەن ونىڭ ۇلدارىنىڭ الدىندا اتقاراتىن قىزمەتتەرىنە كىرىستى. ەحوبا لەۋىلىكتەرگە قاتىستى مۇساعا نە بۇيىرسا، سونىڭ ٴبارى ىستەلدى.
23 ەحوبا مۇساعا مىنانى ايتتى:
24 «لەۋىلىكتەرگە قاتىستى نۇسقاۋ كەلەسىدەي: جاسى 25 كە تولعان جانە ودان اسقان ٵربىر لەۋىلىك كەزدەسۋ شاتىرىنداعى قىزمەتشىلەردىڭ توبىنا قوسىلسىن.
25 ال جاسى 50 دەن اسقاندا، ول بۇل توپتان كەتىپ، قىزمەتىن توقتاتسىن.
26 الايدا كەزدەسۋ شاتىرىندا قىزمەت اتقارىپ جۇرگەن باۋىرلارىنا كومەكتەسۋىنە بولادى، ٴبىراق قىزمەت اتقارماسىن. سەن لەۋىلىكتەرگە جانە ولاردىڭ مىندەتتەرىنە+ قاتىستى وسى نۇسقاۋلاردى جۇزەگە اسىر».
سىلتەمەلەر
^ نەمەسە «ٵرى-بەرى تەڭسەلتسىن».