مۇسانىڭ 5-جازباسى 11:1—32
11 ەحوبا قۇدايلارىڭدى سۇيىڭدەر+، ارقاشان ونىڭ الدىنداعى مىندەتتەرىڭدى، سونداي-اق ونىڭ نۇسقاۋلارىن، شەشىمدەرى مەن زاڭدارىن ورىنداڭدار.
2 ٴبىلىپ الىڭدار، مەن بۇگىن بالالارىڭا ەمەس، سەندەرگە سويلەپ تۇرمىن. ولار ەحوبا قۇدايلارىڭنىڭ قالاي تاربيەلەگەنىن+، سونداي-اق ونىڭ ۇلىلىعىن+، قۋاتتى دا قۇدىرەتتى قولىن+ كورگەن دە ەمەس، ٶز باستارىنان كەشىرگەن دە ەمەس.
3 ولار ونىڭ مىسىر پاتشاسى پەرعاۋىنعا جانە بۇكىل ەلىنە جاساعان كەرەمەتتەرى مەن ىستەرىن+،
4 سەندەردى قۋىپ كەلە جاتقان مىسىردىڭ كۇللى اسكەرىن، سالت اتتىلارى مەن سوعىس اربالارىن قىزىل تەڭىزدىڭ سۋىنا باتىرىپ، ەحوبانىڭ ولاردى تۇگەلىمەن جويعانىن+ كورگەن جوق.
5 وسى جەرگە جەتكەنشە، قۇدايلارىڭ سەندەردى ٴشول دالادا قامقورلاپ كەلگەنىن دە،
6 رۋبەن رۋىنان شىققان ەلياپتىڭ ۇلدارى داتان مەن ٵبيرامعا نە ىستەگەنىن، ياعني بۇكىل يسرايلدىڭ كوزىنشە جەر ارانىن اشىپ، ولاردى ٷي ىشىمەن، شاتىرلارىمەن، مالىمەن جانە سوڭدارىنا ەرگەندەرمەن قوسا جۇتىپ قويعانىن+ دا كورگەن جوق.
7 ال سەندەر ەحوبانىڭ وسى ۇلى ىستەرىنە كۋا بولدىڭدار.
8 مەن بۇگىن سەندەرگە بەرىپ وتىرعان بۇكىل زاڭدى ورىندايتىن بولىڭدار. سوندا كۇش-قۋاتقا يە بولاسىڭدار جانە ارعى بەتكە ٶتىپ، سول جەردى يەمدەنەسىڭدەر.
9 سونداي-اق ەحوبا اتا-بابالارىڭ مەن ونىڭ ۇرپاقتارىنا بەرۋدى ۋادە ەتكەن ولكەدە+، اعى مەن بالى اعىل-تەگىل مول جەردە+، ۇزاق جاسايسىڭدار+.
10 يەلىكتەرىڭە الاتىن جەر وزدەرىڭ شىققان مىسىر جەرىنە ۇقسامايدى. سەندەر ول جاقتا ەگىندىكتەرىڭدى باقشا سۋعارعانداي* اۋىر ەڭبەكتەنىپ سۋعاراتىن ەدىڭدەر.
11 ال ارعى بەتتەن يەمدەنەتىن جەرلەرىڭ — تاۋلى ٵرى جازىقتى+، جاڭبىرمەن سۋعارىلاتىن+،
12 ەحوبا قۇدايلارىڭ ٶز قامقورلىعىنا العان جەر. ونى ەحوبا قۇدايلارىڭ جىلدىڭ باسىنان اياعىنا دەيىن ٴجىتى باقىلاپ تۇرادى.
13 ەگەر سەندەر بۇگىن مەن بۇيىرىپ وتىرعان زاڭدارعا بارىنشا مويىنسۇناتىن جانە قۇدايلارىڭ ەحوبانى ٴسۇيىپ، وعان بار جۇرەكتەرىڭمەن، بۇكىل جان-تاندەرىڭمەن قىزمەت ەتەتىن بولساڭدار+،
14 ول* جەرلەرىڭە كۇزگى جانە كوكتەمگى جاڭبىردى ٶز مەزگىلىندە جاۋعىزادى. سوندا استىق تا، جاڭا شاراپ تا، ماي دا بولادى+.
15 ول مالدارىڭ جەيتىن دالا ٴشوبىن قالىڭ ەتىپ وسىرەدى، وزدەرىڭ دە تويىنا ٸشىپ-جەيتىن بولاسىڭدار+.
16 ٴبىراق بايقاڭدار، ازعىرىلىپ، باسقا قۇدايلارعا تاعزىم ەتىپ، تابىنىپ جۇرمەڭدەر+.
17 ايتپەسە ەحوبانىڭ قاھارىنا ۇشىرايسىڭدار. ول اسپاندى جاۋىپ تاستايدى، سوندا جاڭبىر جاۋمايدى+، جەرلەرىڭ ٶنىم بەرمەيدى. ال وزدەرىڭ ەحوبا بەرگەلى جاتقان شۇرايلى جەردەن تەز-اق قۇرىپ جوق بولاسىڭدار+.
18 مەن جەتكىزگەن وسى سوزدەردى جۇرەكتەرىڭە ۇيالاتىپ، كوڭىلدەرىڭە ٴتۇيىپ الىڭدار. ولار قولدارىڭا بايلانعان بەلگى، ماڭدايلارىڭا تاڭىلعان ەسكەرتپە ىسپەتتى بولسىن+.
19 ولاردى بالالارىڭا ۇيرەتىپ، ۇيدە وتىرعاندا دا، جول جۇرگەندە دە، جاتقاندا دا، تۇرعاندا دا ايتاتىن بولىڭدار+.
20 ولاردى ەسىكتەرىڭنىڭ جاقتاۋلارىنا، قالالارىڭنىڭ قاقپالارىنا جازىپ قويىڭدار.
21 سوندا ەحوبا اتا-بابالارىڭا بەرەمىن دەپ ۋادە ەتكەن مەكەندە+ وزدەرىڭ دە، ۇرپاقتارىڭ دا ۇزاق، اسپان جەر ۇستىندە قانشا تۇرسا سونشا جاسايسىڭدار+.
22 مەن سەندەرگە ايتقان وسى زاڭداردى بۇلجىتپاي ورىنداساڭدار، ەحوبا قۇدايلارىڭدى ٴسۇيىپ+، ونىڭ جولىمەن ٴجۇرىپ، وعان ەتەنە جاقىن بولساڭدار+،
23 ەحوبا الدارىڭدا جاتقان مىنا حالىقتاردى تۇگەل قۋىپ شىعادى+. سوندا وزدەرىڭنەن الدەقايدا كوپ ٵرى كۇشتى سول حالىقتاردىڭ جەرىن تارتىپ الاسىڭدار+.
24 اياقتارىڭ باسقان جەردىڭ ٴبارى سەندەردىكى بولادى+. ولكەلەرىڭ ٴشول دالادان ليۆانعا دەيىن، ەۆفرات وزەنىنەن باتىستاعى تەڭىزگە* دەيىن سوزىلىپ جاتادى+.
25 سەندەرگە ەشكىم قارسى كەلە المايدى+. ەحوبا قۇدايلارىڭ، ٶزى ۋادە ەتكەندەي، قايدا بارساڭدار دا، سول ەلدىڭ كۇللى جۇرتىن سەندەردەن شوشىتىپ، ۇرەيلەرىن ۇشىرادى+.
26 مىنە، بۇگىن سەندەرگە باتا مەن قارعىس ۇسىنىپ وتىرمىن+:
27 ەگەر مەن سەندەرگە بۇگىن بۇيىرعان ەحوبا قۇدايلارىڭنىڭ زاڭدارىنا مويىنسۇنساڭدار، باتاعا كەنەلەسىڭدەر+.
28 ال ەگەر ەحوبا قۇدايلارىڭنىڭ زاڭدارىنا مويىنسۇنباي، بۇگىن كورسەتكەن جولدان تايىپ، وزدەرىڭە بەيتانىس باسقا قۇدايلارعا بەت بۇرساڭدار، قارعىسقا ۇشىرايسىڭدار+.
29 ەحوبا قۇدايلارىڭ سەندەردى يەمدەنەتىن جەرلەرىڭە اپارعاندا، گاريزيم تاۋىنىڭ ەتەگىندە تۇرىپ باتا، ەۆال تاۋىنىڭ ەتەگىندە تۇرىپ قارعىس جاريالاڭدار+.
30 بۇل تاۋلار يورداننىڭ ارعى بەتىندە، ياعني باتىس جاعىندا، ارابادا تۇراتىن قاناحاندىقتاردىڭ جەرىندە، عىلعالدىڭ قارسى بەتىندە، ۇلكەن اعاشتار وسەتىن مورەنىڭ ماڭىندا+ ەمەس پە؟!
31 ەحوبا قۇدايلارىڭ بەرگەلى جاتقان جەردى يەمدەنۋ ٷشىن، سەندەر يورداننىڭ ارعى بەتىنە وتكەلى تۇرسىڭدار+. سول جەردى يەلەنىپ، جايعاسىپ العاندا،
32 مەن بۇگىن جاريالاعان نۇسقاۋلار مەن شەشىمدەردىڭ ٴبارىن ۇقىپتىلىقپەن ورىندايتىن بولىڭدار+.
سىلتەمەلەر
^ نەمەسە «اياقپەن سۋعارعانداي». بۇل سۋ دوڭعالاعىن اينالدىرۋ نە ارىقتار قازۋ سياقتى اياق كۇشىمەن بايلانىستى جۇمىستاردى ٴبىلدىرۋى مۇمكىن.
^ وسى جانە كەلەسى تارماقتا سوزبە-ٴسوز «مەن». قۇدايعا نۇسقاپ تۇر.
^ ياعني ۇلى تەڭىز، جەرورتا تەڭىزى.
