مۇسانىڭ 5-جازباسى 12:1—32
12 اتا-بابالارىڭنىڭ قۇدايى ەحوبا بەرگەلى جاتقان جەردە ٶمىر سۇرگەن ۋاقىتتىڭ بارىندە مىنا نۇسقاۋلار مەن شەشىمدەردى ۇقىپتىلىقپەن ورىنداڭدار:
2 وزدەرىڭ باسىپ العالى وتىرعان حالىقتاردىڭ تاڭىرلەرىنە ارنالعان ورىننىڭ ٴبارىن، تاۋ-توبە نە جايقالعان اعاش بولسىن، تۇگىن قالدىرماي جويىڭدار+.
3 ولاردىڭ قۇرباندىق ورىندارىن بۇزىپ، قاسيەتتى تاس باعانالارىن قيراتىپ+، قاسيەتتى اعاش باعانالارىن ورتەپ، ويىپ جاساعان ٴتاڭىر بەينەلەرىن سىندىرىپ+، سول جەردەن ولاردىڭ ەسىمدەرىن وشىرىڭدەر+.
4 ەحوبا قۇدايلارىڭا عيبادات ەتكەندە، سول حالىقتارعا ەلىكتەمەڭدەر+.
5 قايتا، ەحوبا قۇدايلارىڭا عيبادات ەتۋ ٷشىن، ول ٶز ەسىمى داڭقتالاتىن ٵرى ٶزىنىڭ تۇراعى بولاتىن ورىندى بارلىق رۋعا بەرىلگەن ولكەنىڭ قاي جەرىنەن تاڭداسا، سوندا باراتىن بولىڭدار+.
6 تۇگەل ورتەلەتىن+ جانە باسقا دا قۇرباندىقتارىڭدى، تارتۋ رەتىندە اكەلگەن وننان ٴبىر بولىكتەرىڭدى+، سي-تارتۋلارىڭدى+، ەرىكتى جانە سەرت قۇرباندىقتارىڭدى+، وتار-تابىندارىڭنىڭ العاشقى تولدەرىن+ سول جەرگە اپارىڭدار.
7 وزدەرىڭ دە، ٷي ىشتەرىڭ دە سول جەردە ەحوبا قۇدايلارىڭنىڭ الدىندا ٸشىپ-جەپ+، اتقارىپ جاتقان بار ىستەرىڭ ٷشىن قۋانىڭدار+، ويتكەنى ەحوبا قۇدايلارىڭ سەندەرگە باتاسىن بەردى.
8 سول جەرگە بارعاندا، بۇگىن ٴبىزدىڭ ىستەپ جۇرگەنىمىزدەي، اركىم ٶزى دۇرىس دەپ تاپقانىن ىستەمەسىن.
9 سەبەبى سەندەر تۇراقتايتىن جەرلەرىڭە، ەحوبا قۇدايلارىڭ مۇراعا بەرگەلى جاتقان جەرگە، ٵلى كىرگەن جوقسىڭدار+.
10 يورداننان ٶتىپ+، ەحوبا قۇدايلارىڭ يەلىكتەرىڭە بەرەتىن ولكەگە كەلگەندە، ول اينالاڭداعى بارلىق جاۋلارىڭنان قورعاپ، تىنىش ٶمىر سيلايدى+.
11 ەحوبا قۇدايلارىڭ ٶز ەسىمىن داڭقتاۋ ٷشىن تاڭداعان جەرگە مەنىڭ بۇيىرعاندارىمنىڭ ٴبارىن: تۇگەل ورتەلەتىن جانە باسقا دا قۇرباندىقتارىڭدى، تارتۋ رەتىندە اكەلگەن وننان ٴبىر بولىكتەرىڭدى+، سي-تارتۋلارىڭدى، ەحوباعا سەرت قۇرباندىعى رەتىندە تاڭداعاندارىڭدى — الىپ كەلىڭدەر+.
12 ەحوبا قۇدايلارىڭنىڭ الدىندا وزدەرىڭ دە قۋانىڭدار+، ۇل-قىزدارىڭ دا، قۇل-كۇڭدەرىڭ دە، قالالارىڭدا تۇرىپ جاتقان لەۋىلىكتەر+ دە (ويتكەنى سەندەرگە بەرىلگەندەي، ولارعا مۇرالىققا جەر بەرىلمەگەن) قۋانسىن.
13 بايقاڭدار، تۇگەل ورتەلەتىن قۇرباندىقتارىڭدى قالاعان جەرلەرىڭدە اكەلۋشى بولماڭدار+.
14 ەحوبا قاي رۋدىڭ جەرىنەن ورىن تاڭداسا، ولاردى تەك سول جەردە عانا ۇسىنىڭدار، مەنىڭ بۇيىرعاندارىمنىڭ ٴبارىن سول جەردە ورىنداڭدار+.
15 ەگەر ەت جەگىلەرىڭ كەلسە، كەز كەلگەن قالادا، ەحوبا قۇدايلارىڭنىڭ بەرگەن باتاسىنا قاراي، مال سويىپ جەۋلەرىڭە بولادى+. ونى، كيىك نە بۇعىنىڭ ەتىن جەگەندەي، تازا ادام دا، ارامدالعان ادام دا جەي الادى.
16 تەك قانىن ٸشىپ-جەمەڭدەر+. ونى جەرگە، سۋ سياقتى، توگىپ تاستاڭدار+.
17 استىقتىڭ، جاڭا شاراپتىڭ جانە مايدىڭ وننان ٴبىر بولىگىن، وتار-تابىندارىڭنىڭ العاشقى ٴتولىن، كەز كەلگەن سەرت قۇرباندىقتارىڭدى، ەرىكتى قۇرباندىقتارىڭدى جانە سي-تارتۋلارىڭدى تۇرىپ جاتقان قالالارىڭدا جەۋشى بولماڭدار+.
18 ولاردى ەحوبا قۇدايلارىڭنىڭ الدىندا، ەحوبا قۇدايلارىڭ تاڭداعان جەردە+، ۇل-قىزدارىڭمەن، قۇل-كۇڭدەرىڭمەن، قالالارىڭدا تۇرىپ جاتقان لەۋىلىكتەرمەن بىرگە جەڭدەر. اتقارعان بار ىستەرىڭ ٷشىن ەحوبا قۇدايلارىڭنىڭ الدىندا قۋانىڭدار.
19 سول ەلدە تۇرىپ جاتقان كەزدىڭ بارىندە لەۋىلىكتەردى ەلەۋسىز قالدىرماڭدار+.
20 ەحوبا قۇدايلارىڭ، ٶزى ۋادە ەتكەندەي+، شەگارالارىڭدى كەڭەيتكەندە+، «ەت جەگىم كەلەدى» دەپ اڭساعان كەزدەرىڭدە ەت جەۋلەرىڭە بولادى+.
21 ەگەر ەحوبا قۇدايلارىڭ ٶز ەسىمىن داڭقتاۋ ٷشىن تاڭداعان جەر+ الىس بولسا، وزدەرىڭە بۇيىرعانىمداي، ەحوبا باتاسىن بەرگەن وتار-تابىندارىڭنان مال سويىپ، ٶز قالالارىڭدا كەز كەلگەن ۋاقىتتا جەي بەرىڭدەر.
22 ونى، كيىك نە بۇعىنىڭ ەتىن جەگەندەي، جەي بەرىڭدەر+. تازا ادام دا، ارامدالعان ادام دا ونى جەي الادى.
23 تەك ونىڭ قانىن ٸشىپ-جەۋدەن اۋلاق بولىڭدار+. قان دەگەنىمىز — ٶمىر*+، سوندىقتان ونى* ەتپەن بىرگە جەمەڭدەر.
24 قاندى ٸشىپ-جەمەڭدەر، ونى جەرگە، سۋ سياقتى، توگىپ تاستاڭدار+.
25 سونىمەن، قاندى ٸشىپ-جەمەڭدەر، سوندا وزدەرىڭە دە، بالالارىڭا دا جاقسى بولادى، ويتكەنى ەحوبانىڭ كوزىندە دۇرىس نارسەنى ىستەدىڭدەر.
26 ەحوبا تاڭداعان جەرگە تەك قاسيەتتى سي-تارتۋلارىڭ مەن سەرت قۇرباندىقتارىڭدى عانا اكەلىڭدەر.
27 سول جەردە تۇگەل ورتەلەتىن قۇرباندىقتارىڭدى، ەتى مەن قانىن+، ەحوبا قۇدايلارىڭا ارنالعان وشاقتىڭ ۇستىندە ۇسىنىڭدار. باسقا قۇرباندىقتاردىڭ قانى دا ەحوبا قۇدايلارىڭا ارنالعان قۇرباندىق وشاعىنىڭ تۇبىنە توگىلۋ كەرەك+، ال ەتىن جەۋلەرىڭە بولادى.
28 مەن بۇيىرعان وسى سوزدەردى ۇقىپتىلىقپەن ورىنداڭدار. سوندا وزدەرىڭە دە، بالالارىڭا دا ٵردايىم جاقسى بولادى، ويتكەنى ەحوبا قۇدايلارىڭنىڭ كوزىندە دۇرىس ٵرى يگى نارسەنى ىستەپ جاتىرسىڭدار.
29 ەحوبا قۇدايلارىڭ الدارىڭداعى حالىقتاردى جويىپ، سەندەر ولاردىڭ جەرىن باسىپ الىپ+، قونىس تەپكەننەن كەيىن،
30 كوزى جويىلعان سول حالىقتارعا ەلىكتەپ، تورعا ٴتۇسىپ قالۋدان ساق بولىڭدار. «وسى حالىقتار قۇدايلارىنا قالاي قۇلشىلىق ەتتى ەكەن؟ مەن دە سولاي ىستەيىنشى»+،— دەپ، سولاردىڭ قۇدايلارى جايلى سۇراستىرىپ جۇرمەڭدەر.
31 ەحوبا قۇدايلارىڭا سولار سياقتى عيبادات ەتپەڭدەر. ويتكەنى ولار ٶز قۇدايلارىنا تابىنعان كەزدە ەحوباعا جەركەنىشتى دە جەكسۇرىن نارسەلەر ىستەيدى، ٴتىپتى تاڭىرلەرىنە ارناپ ۇل-قىزدارىن ورتەيدى+.
32 مەن بۇيىرعان وسى سوزدەردىڭ ٴبارىن ۇقىپتىلىقپەن ورىنداڭدار+. بۇلارعا ەش نارسە قوسۋشى نە الىپ تاستاۋشى بولماڭدار+.
