مۇسانىڭ 5-جازباسى 16:1—22
16 ابيب* ايىن ەستە ۇستاپ، ەحوبا قۇدايلارىڭا باعىشتالعان قۇتقارىلۋ مەيرامىن تويلاڭدار+. ويتكەنى سول ايدا تۇندە ەحوبا قۇدايلارىڭ سەندەردى مىسىر ەلىنەن الىپ شىققان+.
2 قۇتقارىلۋ مەيرامىنىڭ قۇرباندىعىنا وتار-تابىندارىڭنان مال الىپ+، ەحوبا قۇدايلارىڭا ارناپ شالىڭدار+. ونى ەحوبا ٶز ەسىمىن داڭقتاۋ ٷشىن تاڭداپ العان جەردە ۇسىنىڭدار+.
3 قۇرباندىق ەتىن اشىتىلعان ەشتەڭەمەن جەمەڭدەر+. جەتى كۇن بويى اشىتقىسىز پىسىرىلگەن نان جەڭدەر، بۇل — شەككەن ازاپتارىڭدى ەسكە سالاتىن نان، سەبەبى مىسىر ەلىنەن اسىعىس شىققانسىڭدار+. وسىلايشا كوزدەرىڭ ٴتىرى كەزدىڭ بارىندە مىسىر ەلىنەن شىققان كۇندى ۇمىتپايسىڭدار+.
4 جەتى كۇن بويى تۇراتىن جەرلەرىڭنىڭ بارىندە اشىتقى اتاۋلى بولماسىن+. ٴبىرىنشى كۇنى كەشكە شالىنعان قۇرباندىقتىڭ ەتى تاڭەرتەڭگە دەيىن قالماسىن+.
5 قۇتقارىلۋ مەيرامىنىڭ قۇرباندىعىن ەحوبا قۇدايلارىڭ بەرگەلى جاتقان قالالاردىڭ ەشقايسىسىندا شالۋعا بولمايدى.
6 ونى تەك ەحوبا قۇدايلارىڭ ٶز ەسىمىن داڭقتاۋ ٷشىن تاڭداعان جەردە عانا شالىڭدار. مەيرام قۇرباندىعىن كۇن باتا سالىسىمەن+، ياعني كەزىندە مىسىردان شىعۋعا بەلگىلەنگەن ۋاقىتتا ۇسىنىڭدار.
7 ەتتى وتقا قاقتاپ، ەحوبا قۇدايلارىڭ تاڭداعان جەردە+ جەڭدەر+، ال تاڭ اتقان سوڭ شاتىرلارىڭا ورالىڭدار.
8 التى كۇن بويى اشىتقىسىز پىسىرىلگەن نان جەڭدەر. جەتىنشى كۇنى ەحوبا قۇدايلارىڭا ارناپ قاسيەتتى جيىن وتكىزىڭدەر. ەشقانداي جۇمىس ىستەمەڭدەر+.
9 وسى كەزدەن، ەگىندىككە العاش وراق سالعان كەزدەن، باستاپ جەتى اپتا ساناڭدار+.
10 سوسىن ەحوبا قۇدايلارىڭنىڭ بەرگەن باتاسىنا قاراي ەرىكتى سي-تارتۋلار اكەلىپ+، ەحوبا قۇدايلارىڭا ارناپ اپتالار مەيرامىن* تويلاڭدار+.
11 ەحوبا قۇدايلارىڭ ٶز ەسىمىن داڭقتاۋ ٷشىن تاڭداعان جەردە وزدەرىڭ دە، ۇل-قىزدارىڭ دا، قۇل-كۇڭدەرىڭ دە، قالالارىڭدا تۇرىپ جاتقان لەۋىلىكتەر دە، جاتجەرلىكتەر مەن ارالارىڭداعى جەتىم-جەسىرلەر دە ەحوبا قۇدايلارىڭنىڭ الدىندا قۋانسىن+.
12 مىسىردا قۇل بولعاندارىڭدى ەستە ۇستاپ+، وسى نۇسقاۋلاردى بۇلجىتپاي ورىنداڭدار.
13 استىق باستىرىپ، ٴجۇزىم شىرىنى مەن ٴزايتۇن مايىن سىعىپ بولعاننان كەيىن، جەتى كۇن بويى كۇركەلەر* مەيرامىن تويلاڭدار+.
14 وسى مەيرام كەزىندە وزدەرىڭ دە، ۇل-قىزدارىڭ دا، قۇل-كۇڭدەرىڭ دە، قالالارىڭدا تۇرىپ جاتقان لەۋىلىكتەر دە، جاتجەرلىكتەر مەن جەتىم-جەسىرلەر دە قۋانىپ شاتتانىڭدار+.
15 ەحوبا قۇدايلارىڭا ارنالعان مەيرامدى ەحوبا تاڭداعان جەردە جەتى كۇن بويى تويلاڭدار+، سەبەبى ەحوبا قۇدايلارىڭ مول ونىممەن جارىلقاپ، ٵربىر ىستەرىڭە باتاسىن بەرەدى+. سوندا تەك قۋاناتىن بولىڭدار+.
16 ەركەك كىندىكتىلەردىڭ ٴبارى ەحوبا قۇدايلارىڭنىڭ الدىنا، ونىڭ ٶزى تاڭداعان جەرگە جىلىنا ٷش مارتە: اشىماعان نان مەيرامى+، اپتالار مەيرامى+ جانە كۇركەلەر مەيرامىندا+ — كەلەتىن بولسىن. ەشقايسىسى ەحوبانىڭ الدىنا قۇرالاقان كەلمەسىن.
17 ٴارقايسىسى ەحوبا قۇدايلارىڭنىڭ بەرگەن باتاسىنا قاراي سي-تارتۋ اكەلسىن+.
18 ەحوبا قۇدايلارىڭ بەرگەلى وتىرعان قالالاردىڭ بارىندە ٵر رۋعا ارناپ بيلەر+ مەن باسشىلار تاعايىنداڭدار. ولار حالىقتىڭ ۇستىنەن ٵدىل سوت جۇرگىزۋى كەرەك.
19 ادىلدىكتى بۇرمالاماڭدار+، الالاۋشىلىق تانىتپاڭدار+، پارا دا الۋشى بولماڭدار. ويتكەنى پارا دانا ادامدى سوقىر ەتىپ+، ٵدىلدىڭ ٴسوزىن بۇرمالايدى.
20 ادىلدىككە، تەك ادىلدىككە ۇمتىلىڭدار+! سوندا امان بولىپ، ەحوبا قۇدايلارىڭ بەرگەلى وتىرعان جەردى يەمدەنەسىڭدەر.
21 ەحوبا قۇدايلارىڭا ارنالعان قۇرباندىق ورنىنىڭ قاسىنا قاسيەتتى باعانا رەتىندە تابىنۋ ٷشىن ەشقانداي اعاش وتىرعىزباڭدار+.
22 قاسيەتتى تاس باعانالار* دا ورناتپاڭدار+، سەبەبى ولار ەحوبا قۇدايلارىڭا جەركەنىشتى.
سىلتەمەلەر
^ B15 قوسىمشاسىن قاراڭىز.
^ «العاشقى ٶنىم مەيرامى» دەپ تە اتالادى.
^ نەمەسە «ۋاقىتشا باسپانا».
^ تۇسىندىرمەنى قاراڭىز.