مۇسانىڭ 5-جازباسى 2:1—37
2 ٴبىز ەحوبانىڭ ماعان ايتقان سوزدەرى بويىنشا بۇرىلىپ، قىزىل تەڭىزگە اپاراتىن جولمەن شولگە قاراي بەت الدىق+. سودان سەيىر تاۋىنىڭ توڭىرەگىندە ۇزاق ۋاقىت بويى كوشىپ-قونىپ جۇردىك.
2 اقىرىندا، ەحوبا ماعان:
3 —مىنا تاۋدىڭ توڭىرەگىندە ۇزاق جۇردىڭدەر. ەندى سولتۇستىككە قاراي بەت الىڭدار.
4 حالىققا مىنا بۇيرىعىمدى جەتكىز: «سەندەر سەيىردە+ تۇرىپ جاتقان باۋىرلارىڭنىڭ، ەساۋدىڭ ٷرىم-بۇتاعىنىڭ+، شەگاراسىن بويلاي وتەسىڭدەر. ولار سەندەردەن قورقاتىن بولادى+، ٴبىراق سەندەر وتە ساق بولىڭدار.
5 ولارمەن قاقتىعىسپاڭدار، ويتكەنى مەن سەندەرگە ولاردىڭ جەرىنەن ٴتىپتى الاقانداي* دا جەر بەرمەيمىن. مەن سەيىر تاۋىن ەساۋدىڭ يەلىگىنە بەرگەنمىن+.
6 جەيتىن تاماقتارىڭ مەن ىشەتىن سۋلارىڭدى ولاردان اقشاعا ساتىپ الىڭدار+.
7 ويتكەنى ەحوبا قۇدايلارىڭ سەندەردى بارلىق ىستەرىڭدە جارىلقاپ كەلەدى. ول وسى ۇلان-عايىر شولدە باسقان ٵربىر قادامدارىڭدى جاقسى بىلەدى. ەحوبا قۇدايلارىڭ 40 جىل بويى سەندەرگە جار بولىپ، ەش نارسەدەن تارىقپادىڭدار+»،— دەدى.
8 وسىلاي ٴبىز اراباعا اپاراتىن جولعا، ەلات پەن ەسيون-گەبەرگە+ بارماي، سەيىردە مەكەن ەتىپ جاتقان باۋىرلارىمىزدىڭ، ەساۋدىڭ ٷرىم-بۇتاعىنىڭ، جانىنان ٶتىپ كەتتىك+.
سوسىن بۇرىلىپ، مواب ٴشول دالاسىنا اپاراتىن جولمەن جۇردىك+.
9 ەحوبا ماعان ٴتىل قاتىپ: —موابپەن قاقتىعىسپاڭدار، ونىمەن سوعىسۋشى بولماڭدار. ولاردىڭ جەرىنەن سەندەرگە ەشقانداي ۇلەس بەرمەيمىن، ويتكەنى اردى لۇتتىڭ ٷرىم-بۇتاعىنا بەرىپ قويعانمىن+.
10 (بۇرىن ول جەردە ەميمدەر+ تۇرعان. ولار ەناكتار سياقتى ٸرى دەنەلى، سانى كوپ، كۇشتى حالىق بولعان.
11 رەفايمدەر+ دە ەناكتار+ سياقتى بولاتىن. موابتىقتار ولاردى ەميمدەر دەپ اتايتىن.
12 بۇرىن سەيىردە حورلىقتار+ تۇرعان، ٴبىراق ەساۋدىڭ ۇرپاقتارى ولاردان بۇل جەردى تارتىپ الىپ، وزدەرىن قىرىپ سالىپ، ورىندارىنا قونىس تەپتى+. يسرايلدىكتەر دە ەحوبا بەرەتىن جەردى وسىلاي يەلەنەتىن بولادى.)
13 ەندى جينالىپ، زەرەد اڭعارىنان* وتىڭدەر،— دەدى. ٴسۇيتىپ، ٴبىز زەرەد اڭعارىنان ارعى بەتكە وتتىك+.
14 قادەش-بارنيدان شىعىپ، زەرەد اڭعارىنان وتكەنگە دەيىن 38 جىل ٶتىپ ەدى. وسى ارالىقتا، ەحوبانىڭ انتى بويىنشا، قوستاعى سوعىسقا جارامدى ەركەك كىندىكتىلەردىڭ ٴبارى كوز جۇمدى+.
15 ولار حالىقتىڭ اراسىنان تۇگەل قىرىلىپ بىتكەنشە، ەحوبانىڭ قولى ولارعا قارسى كوتەرىلىپ تۇردى+.
16 حالىقتىڭ اراسىنداعى سوعىسقا جارامدى ەركەك كىندىكتىلەردىڭ بارلىعى كوز جۇمعان سوڭ+،
17 ەحوبا ماعان تاعى دا ٴتىل قاتىپ:
18 —بۇگىن مواب جەرىنەن، ياعني اردىڭ ماڭىنان ٶتىپ،
19 امموندىقتارعا جاقىندايسىڭدار. ٴبىراق ولارعا ٴتيىسىپ، قاقتىعىسۋشى بولماڭدار. امموندىقتاردىڭ جەرىنەن سەندەرگە ەشقانداي ۇلەس بەرمەيمىن، سەبەبى مەن ونى لۇتتىڭ ٷرىم-بۇتاعىنا بەرىپ قويعانمىن+.
20 (بۇل رەفايمدەردىڭ دە جەرى بولىپ ەسەپتەلەتىن+. بۇرىن وسى جەردە رەفايمدەر تۇرعان، امموندىقتار ولاردى زامزۋميلەر دەپ اتايتىن.
21 ولار ەناكتار سياقتى ٸرى دەنەلى، سانى كوپ، كۇشتى حالىق بولعان+. ٴبىراق ەحوبا ولاردى قىرىپ سالدى، سوندا امموندىقتار سول جەردى باسىپ الىپ، قونىس تەپتى.
22 سەيىردە تۇرىپ جاتقان ەساۋدىڭ ۇرپاقتارى+ ٷشىن دە ول وسىلاي ەتكەن بولاتىن: ەساۋدىڭ ۇرپاقتارى حورلىقتاردى قىرىپ سالىپ+، جەرلەرىن باسىپ الىپ، قازىرگە دەيىن سول جەردە تۇرىپ كەلەدى.
23 ال اببالىقتار گازاعا+ دەيىنگى ەلدى مەكەندەردە تۇرعان ەدى. كەيىن قاپتور* تۇرعىندارى+ كەلىپ، ولاردى قىرىپ سالىپ، جەرىنە قونىس تەپتى.)
24 ال ەندى جينالىپ، ارنون اڭعارىنان* وتىڭدەر+. مەن حەشبون پاتشاسى امورلىق سيحوندى سەندەردىڭ قولدارىڭا بەرەمىن+. ونىمەن شايقاسىپ، جەرىن باسىپ الۋعا كىرىسىڭدەر.
25 وسى كۇننەن باستاپ سەندەر تۋرالى ەستىگەن اسپان استىنداعى كۇللى حالىقتاردى وزدەرىڭنەن شوشىتىپ، ۇرەيلەرىن ۇشىرامىن. ولار ابىرجىپ، سەندەردەن جان ۇشىرا قورقاتىن بولادى+،— دەدى.
26 سودان مەن كەدەموت+ شولىنەن حەشبون پاتشاسى سيحونعا كەلەسى بەيبىت سوزبەن حابارشىلار جىبەرىپ+:
27 —جەرىڭىز ارقىلى وتۋگە رۇقسات ەتىڭىز. وڭعا دا، سولعا دا بۇرىلماي، تەك پاتشا جولىمەن ٴجۇرىپ وتىرامىن+.
28 جەيتىن ازىق-تۇلىگىم مەن ىشەتىن سۋىمدى ساتىپ الامىن. تەك جەرىڭىز ارقىلى وتۋگە رۇقسات ەتسەڭىز بولعانى.
29 يورداننان ٶتىپ، ەحوبا قۇدايىمىز بەرگەلى جاتقان جەرگە جەتۋ ٷشىن، سەيىردى مەكەن ەتكەن ەساۋدىڭ ۇرپاقتارى مەن اردا تۇرىپ جاتقان موابتىقتار سياقتى جەرىڭىزدەن وتكىزسەڭىز ەكەن،— دەدىم.
30 ٴبىراق حەشبون پاتشاسى سيحون ٶز جەرى ارقىلى وتۋگە رۇقسات بەرمەدى. سەبەبى ەحوبا قۇدايىمىز ونىڭ قاتۋلانىپ، جۇرەگىنىڭ قاسارىسۋىنا جول بەردى+. وسىلاي سيحوندى ٴبىزدىڭ قولىمىزعا بەرمەك بولدى. بۇل سولاي بولدى دا+.
31 سوندا ەحوبا ماعان: —مىنە، سيحوندى جانە ونىڭ جەرىن ساعان بەرە باستادىم. ونىڭ جەرىن باسىپ الۋعا كىرىس+،— دەدى.
32 سيحون بىزبەن شايقاسۋ ٷشىن بۇكىل حالقىن جيناپ، ياحاسقا كەلگەندە+،
33 ەحوبا قۇدايىمىز ونى ٴبىزدىڭ قولىمىزعا بەردى. ٴسۇيتىپ، ونىڭ ٶزىن دە، ۇلدارىن دا، بۇكىل حالقىن دا قىرىپ سالدىق.
34 سيحوننىڭ بارلىق قالالارىن باسىپ الىپ، كۇل-تالقان ەتتىك. ەركەك، ايەل، بالا-شاعاسىن قىرىپ، ەشكىمدى ٴتىرى قالدىرمادىق+.
35 تەك مالى مەن باسىپ العان قالالارداعى دۇنيە-مۇلكىن عانا ولجالادىق.
36 ارنون اڭعارىنىڭ جيەگىندەگى اروگەردەن باستاپ+ (اڭعارداعى قالانى قوسا العاندا) عالاقاتقا دەيىن ٴبىز باسىپ الماعان بىردە-ٴبىر قالا قالمادى. ەحوبا قۇدايىمىز ولاردىڭ ٴبارىن ٴبىزدىڭ قولىمىزعا بەردى+.
37 الايدا سەندەر امموندىقتاردىڭ ەشبىر جەرىنە: يابوك اڭعارىنىڭ* بۇكىل جيەگىنە+، تاۋلى وڭىردەگى قالالارعا جانە ەحوبا قۇدايىمىز تيمەڭدەر دەگەن جەردىڭ ەشقايسىسىنا — جولاعان جوقسىڭدار+.
سىلتەمەلەر
^ سوزبە-ٴسوز «ٴبىر تابان».
^ نەمەسە «وزەن اڭعارىنان».
^ ياعني كريت.
^ نەمەسە «وزەن اڭعارى».
^ نەمەسە «وزەن اڭعارىنىڭ».
