مۇسانىڭ 5-جازباسى 21:1—23
21 ەحوبا قۇدايلارىڭ يەلىككە بەرگەلى جاتقان ەلدە اشىق دالادا بىرەۋدىڭ ٴمايىتى تابىلسا، ٴبىراق ونى كىمنىڭ ولتىرگەنى بەلگىسىز بولسا،
2 اقساقالدارىڭ مەن بيلەرىڭ+ سول جەرگە بارىپ، ٴمايىت جاتقان جەردەن سول توڭىرەكتەگى قالالارعا دەيىنگى قاشىقتىقتى ولشەسىن.
3 سوسىن ەڭ جاقىن قالانىڭ اقساقالدارى تابىننان جۇمىسقا جەگىلمەگەن، مويىنتۇرىق سالىنباعان تانانى الىپ،
4 سۋ اققان اڭعارداعى وڭدەلمەگەن، ەگىن ەگىلمەگەن جەرگە اپارىپ، تانانىڭ موينىن ٷزىپ ٶلتىرسىن+.
5 سول جەرگە لەۋىلىك ٴدىني قىزمەتكەرلەر دە كەلسىن. ويتكەنى ەحوبا قۇدايلارىڭ ولاردى وزىنە قىزمەت ەتۋ ٷشىن+ جانە ەحوبانىڭ اتىنان باتا ايتۋ ٷشىن تاڭداپ العان+. زورلىق-زومبىلىققا بايلانىستى تۋىنداعان كەز كەلگەن داۋدىڭ شەشىمىن سولار ايتادى+.
6 سوسىن مايىتكە ەڭ جاقىن قالانىڭ اقساقالدارىنىڭ ٴبارى اڭعاردا موينى ۇزىلگەن تانانىڭ ۇستىنە قولدارىن جۋىپ+:
7 «بۇل ادامنىڭ قانى ٴبىزدىڭ قولىمىزبەن توگىلگەن جوق، ونى كىم توككەنىن دە كوزىمىز كورگەن جوق.
8 ۋا، ەحوبا، ٶزىڭ ازات ەتىپ العان* حالىقتى ايىپتاي كورمە+. جازىقسىز ادامنىڭ قانىن يسرايل حالقىڭنىڭ موينىنا ارتا كورمە+»،— دەسىن. سوندا ولار كىسى ولىمىنە ايىپتى بولمايدى.
9 وسىلاي ەحوبانىڭ كوز الدىندا دۇرىس نارسەنى ىستەگەندىكتەن، جازىقسىز ولتىرىلگەن ادامنىڭ قانى مويىندارىڭا جۇكتەلمەيدى.
10 جاۋلارىڭا قارسى سوعىسىپ، ەحوبا قۇدايلارىڭ سەندەرگە جەڭىس سيلاپ، ولاردى تۇتقىنعا الدىڭدار+ دەلىك.
11 سوندا ارالارىڭداعى بىرەۋىڭ تۇتقىنداردىڭ ىشىنەن سۇلۋ قىزدى كورىپ، ونى ۇناتىپ، ايەلدىككە العىڭ كەلەر.
12 قىزدى ۇيىڭە اكەل، ول شاشى مەن تىرناقتارىن السىن.
13 تۇتقىنعا تۇسكەندە كيىپ كەلگەن كيىمدەرىن اۋىستىرسىن دا، ۇيىڭدە قالىپ، ٴبىر اي بويى اكە-شەشەسىن جوقتاسىن+. سوسىن ونىمەن جاقىنداسساڭ بولادى. ٴسۇيتىپ، سەن ونىڭ كۇيەۋى، ال ول سەنىڭ ايەلىڭ بولادى.
14 ەگەر ول كوڭىلىڭنەن شىقپاسا، قالاعان جاعىنا جىبەر+. ونى اقشاعا ساتۋىڭا نە وعان قيانات جاساۋىڭا بولمايدى، ويتكەنى سەن ونى زورلىقپەن ايەلدىككە الدىڭ.
15 ەگەر ٴبىر ادامنىڭ ەكى ايەلى بولىپ، ول ٴبىرىن ەكىنشىسىنەن كوبىرەك جاقسى كورسە، ٵرى ەكەۋى دە وعان ۇل تۋىپ، ٴبىراق تۇڭعىشى ازىراق جاقسى كورەتىن ايەلىنەن بولسا+،
16 ۇلدارىنا مۇرا بەرەتىن كەزدە، ول جاقسى كورەتىن ايەلىنەن تۋعان ۇلىن تۇڭعىشىنان ارتىق كورىپ، تۇڭعىشتىق جولدى سوعان بەرۋىنە بولمايدى.
17 قايتا، ول ازىراق جاقسى كورەتىن ايەلىنەن تۋعان ۇلىنىڭ تۇڭعىشتىق جولىن مويىنداپ، مال-مۇلكىنەن وعان ەكى ەسە كوپ ۇلەس بەرۋى كەرەك، ويتكەنى ول — ونىڭ بەل قۋاتىنىڭ باستاماسى. سوندىقتان دا تۇڭعىشتىق جول سوعان تيەسىلى+.
18 ەگەر بىرەۋدىڭ ۇلى قىڭىر ٵرى بۇلىكشىل بولىپ، اكەسىن دە، شەشەسىن دە تىڭداماسا+، سونداي-اق جونگە سالعانىمەن، ەش تۇزەلمەسە+،
19 اكە-شەشەسى ونى قالا قاقپاسىنىڭ الدىندا وتىرعان اقساقالدارعا اپارسىن.
20 ٴسۇيتىپ، ولارعا: «مىنا ۇلىمىز قىڭىر دا بۇلىكشىل، بىزگە مويىنسۇنبايدى. ٶزى اشقاراق+ ٵرى ماسكۇنەم+»،— دەسىن.
21 سوندا قالانىڭ بار ەركەگى ونى تاس اتقىلاپ ٶلتىرسىن. وسىلاي ارالارىڭنان زۇلىمدىقتى الاستاتىڭدار. مۇنى بۇكىل يسرايل حالقى ەستىپ، قورقىپ جۇرەتىن بولادى+.
22 ەگەر ادام ولىمگە لايىق كۇنا جاساسا، ونى ٶلتىرىپ+، ٴمايىتىن باعاناعا ٸلىپ قويساڭدار+،
23 ٴمايىتتى ٴتۇنى بويى اعاشتا قالدىرماي+، سول كۇنى جەرلەڭدەر. ويتكەنى باعاناعا ىلىنگەن ادام قۇدايدىڭ قارعىسىنا ۇشىراعان+. سوندىقتان ەحوبا قۇدايلارىڭ مۇرالىققا بەرەتىن جەردى ارامداماڭدار+.
سىلتەمەلەر
^ نەمەسە «قۇن تولەپ ازات ەتىپ العان».