مۇسانىڭ 5-جازباسى 26:1—19
26 اقىرىندا، ەحوبا قۇدايلارىڭ مۇرالىققا بەرگەلى جاتقان جەرگە كىرىپ، ونى يەمدەنىپ، ورنىعىپ العان سوڭ،
2 ەحوبا قۇدايلارىڭ سەندەرگە بەرگەن جەردىڭ بارلىق ٶنىمىنىڭ العاشقىسىن الىپ، سەبەتكە سالىڭدار دا، ەحوبا قۇدايلارىڭ ٶز ەسىمىن داڭقتاۋ ٷشىن تاڭداعان جەرگە اپارىڭدار+.
3 ٴسۇيتىپ، سول ۋاقىتتا قىزمەت ەتىپ جاتقان ٴدىني قىزمەتكەرگە بارىپ: «ەحوبا بىزگە بەرەمىن دەپ اتا-بابالارىمىزعا ۋادە ەتكەن جەرگە كەلدىم+. مىنە، بۇگىن ەحوبا قۇدايىمنىڭ الدىندا وسىنى مويىندايمىن»،— دەڭدەر.
4 سوسىن ٴدىني قىزمەتكەر قولدارىڭنان سەبەتتى الىپ، ەحوبا قۇدايلارىڭنىڭ قۇرباندىق وشاعىنىڭ الدىنا قويادى.
5 سەندەر ەحوبا قۇدايلارىڭنىڭ الدىندا بىلاي دەپ جاريالاڭدار: «مەنىڭ ٴتۇپ اتام ارامەيلىك+ كەزبە* بولعان. ول كىشىگىرىم ٷي ىشىمەن+ مىسىرعا كوشىپ بارىپ+، سول جەردە جاتجەرلىك رەتىندە تۇرعان. سول جەردەن ودان ۇلى، كۇشتى دە ۇلكەن حالىق تارادى+.
6 مىسىرلىقتار ٴجابىر كورسەتىپ، ٴبىزدى قانادى، قۇل ەتىپ، اۋىر جۇمىسقا سالدى+.
7 سوندا اتا-بابامىز سيىنعان ەحوبا قۇدايعا جالبارىندىق. ەحوبا داۋسىمىزعا قۇلاق سالىپ، باسىمىزعا تۇسكەن ازاپ پەن قيىندىققا، كورىپ جاتقان قىسىمشىلىققا نازار اۋداردى+.
8 ەحوبا ٴبىزدى مىسىردان قۋاتتى دا قۇدىرەتتى قولىمەن+، ۇرەي تۋدىراتىن ىستەر جاساپ، بەلگىلەر مەن كەرەمەتتەر كورسەتىپ+، الىپ شىقتى.
9 سودان ٴبىزدى وسىندا اكەلىپ، اعى مەن بالى اعىل-تەگىل مول وسى ولكەنى سيلادى+.
10 ەندى، مىنە، ەحوبا ماعان بەرگەن جەردىڭ العاشقى ٶنىمىن اكەلىپ تۇرمىن+».
سوسىن سەبەتتى ەحوبا قۇدايلارىڭنىڭ الدىنا قويىپ، ەحوبا قۇدايلارىڭا ٴيىلىپ تاعزىم ەتىڭدەر.
11 ٴسۇيتىپ، ٷي ىشتەرىڭمەن، لەۋىلىكتەرمەن جانە ارالارىڭدا تۇرىپ جاتقان جاتجەرلىكتەرمەن بىرگە ەحوبا قۇدايلارىڭ بەرىپ جاتقان بار يگىلىككە قۋانىپ شاتتانىڭدار+.
12 ٷشىنشى جىلى العان ونىمدەرىڭنىڭ وننان ٴبىر بولىگىن جيناعان سوڭ+، ونى لەۋىلىكتەرگە، جاتجەرلىكتەر مەن جەتىم-جەسىرلەرگە بەرىڭدەر. ولار قالالارىڭدا تويىنعانشا ٸشىپ-جەسىن+.
13 كەيىن ەحوبا قۇدايلارىڭنىڭ الدىندا بىلاي دەڭدەر: «ۇيىمدەگى قاسيەتتى بولىكتىڭ بارلىعىن الىپ، ٶزىڭ ماعان بۇيىرعانداي، لەۋىلىككە، جاتجەرلىك پەن جەتىم-جەسىرگە بەردىم+. سەنىڭ زاڭدارىڭدى بۇزعان دا، ەلەۋسىز قالدىرعان دا جوقپىن.
14 ازا تۇتقان كەزدە ودان جەگەن ەمەسپىن، تازا ەمەس كەزىمدە وعان تيگەن جوقپىن، ونى ولگەندەرگە باعىشتاعان ەمەسپىن. مەن ەحوبا قۇدايىمنىڭ ايتقانىن تىڭداپ، ماعان بۇيىرعاندارىڭنىڭ ٴبارىن ورىندادىم.
15 كيەلى مەكەنىڭە — كوكتەن نازار اۋدارىپ، حالقىڭ يسرايلگە جانە بىزگە بەرگەن اعى مەن بالى اعىل-تەگىل مول جەرگە+ — اتا-بابامىزعا ۋادە ەتكەنىڭدەي+، باتاڭدى بەرە كور+».
16 بۇگىن ەحوبا قۇدايلارىڭ سەندەرگە بۇيىرىپ وتىرعان وسى نۇسقاۋلار مەن شەشىمدەردى ورىنداڭدار. ولاردى بار جۇرەكتەرىڭمەن+ ٵرى بۇكىل جان-تاندەرىڭمەن ورىنداپ، ۇستاناتىن بولىڭدار.
17 سەندەر ونىڭ جولدارىمەن ٴجۇرىپ، نۇسقاۋلارى+، زاڭدارى+ مەن شەشىمدەرىن ۇستانىپ+، ايتقانىنا قۇلاق اسساڭدار، وندا ەحوبا سەندەردىڭ قۇدايلارىڭ بولامىن دەيدى. بۇگىن ونىڭ وسى ٴسوزىن قابىل الىپ تۇرسىڭدار.
18 ال ەحوبا بولسا سەندەردىڭ ونىڭ حالقى ٵرى ەرەكشە* مەنشىگى+ بولامىز (بۇنى ول ٶزى ۋادە ەتكەن) جانە بارلىق زاڭدارىن ورىندايمىز دەگەن سوزدەرىڭدى قابىل الىپ تۇر.
19 ەگەر ەحوبا قۇدايلارىڭنىڭ الدىندا قاسيەتتى حالىق بولساڭدار+، وندا، ٶزى ۋادە ەتكەندەي، سەندەردى ماداققا، اتاق-داڭق پەن سالتاناتقا بولەپ، ٶزى جاراتقان باسقا حالىقتاردان جوعارى قويادى+».
