مۇسانىڭ 5-جازباسى 28:1—68
28 ەحوبا قۇدايلارىڭنىڭ ايتقاندارىنا قۇلاق اسىپ، بۇگىن مەن ارقىلى بۇيىرىپ وتىرعان زاڭدارىنىڭ ٴبارىن ۇقىپتىلىقپەن ورىندايتىن بولساڭدار، ەحوبا قۇدايلارىڭ مىندەتتى تۇردە سەندەردى جەر بەتىندەگى بارلىق حالىقتاردان جوعارى قويادى+.
2 ەگەر ەحوبا قۇدايلارىڭنىڭ ايتقانىن تىڭداساڭدار، سەندەرگە باتاسىن ٷيىپ-توگىپ، مولىنان جارىلقايدى+.
3 سەندەردى قالادا دا، دالادا دا جارىلقايدى+.
4 وزدەرىڭدى ٷبىرلى-ٴشۇبىرلى ەتىپ+، جەرلەرىڭدى ونىممەن، ٸرىلى-ۇساقتى مالدارىڭدى تولمەن جارىلقايدى+.
5 ٶنىم جينايتىن سەبەتتەرىڭدى، قامىر اشىتاتىن ىدىستارىڭدى جارىلقايدى+.
6 قايدا بارساڭدار دا، نە ىستەسەڭدەر دە، ٴبارىن جارىلقايدى.
7 ەحوبا سەندەرگە قارسى كوتەرىلگەن جاۋلارىڭدى كوز الدارىڭدا قىرىپ سالادى+. ولار سەندەرمەن سوعىسۋعا جۇمىلا ٴبىر جاقتان كەلىپ، جەتى جاققا قاشاتىن بولادى+.
8 ەحوبا قامبالارىڭدى جانە قولعا العان بارلىق ىستەرىڭدى جارىلقايدى+. ەحوبا قۇدايلارىڭ بەرگەلى جاتقان جەردە سەندەرگە ٴسوزسىز باتاسىن بەرەدى.
9 ەحوبا قۇدايلارىڭنىڭ زاڭدارىن ٵردايىم ورىنداپ، ونىڭ جولدارىمەن جۇرسەڭدەر، بەرگەن ۋادەسىنە ساي، ەحوبا سەندەردى ٶزىنىڭ قاسيەتتى حالقى ەتەدى+.
10 جەر بەتىندەگى كۇللى حالىقتار سەندەردىڭ ەحوبانىڭ ەسىمىمەن اتالاتىن حالىق ەكەندەرىڭدى ٴبىلىپ+، قورقاتىن بولادى+.
11 ەحوبا سەندەرگە بەرەمىن دەپ اتا-بابالارىڭا ۋادە ەتكەن جەردە+ تۇرىپ جاتقاندارىڭدا، ەحوبا بالا-شاعالارىڭدى دا، وتار-تابىندارىڭدى دا كوبەيتىپ، جەرلەرىڭنىڭ ٶنىمىن اعىل-تەگىل مول ەتەدى+.
12 ەحوبا كوكتىڭ باي قامباسىن اشىپ، مەزگىلىندە جاڭبىر جاۋدىرادى+، بارلىق ەڭبەكتەرىڭە باتاسىن بەرەدى. سوندا سەندەر باسقا حالىقتارعا قارىز بەرەسىڭدەر، ال وزدەرىڭ قارىز المايسىڭدار+.
13 ەگەر ەحوبا قۇدايلارىڭنىڭ مەن ارقىلى بۇگىن بۇيىرىپ وتىرعاندارىنا مويىنسۇنساڭدار، ەحوبا سەندەردى باسقالاردىڭ سوڭى ەمەس، الدى ەتەدى+، ولاردان تومەن ەمەس، جوعارى ەتەدى.
14 مەن بۇگىن بەرىپ وتىرعان زاڭداردىڭ ٴبارىن ورىنداپ، وڭعا دا، سولعا دا اۋىتقىماڭدار+، باسقا تاڭىرلەرگە بەت بۇرىپ كەتىپ، قۇلشىلىق ەتپەڭدەر+.
15 ەگەر ەحوبا قۇدايلارىڭنىڭ ايتقاندارىنا قۇلاق اسپاي، بۇگىن مەن ارقىلى بۇيىرىپ وتىرعان زاڭدارى مەن نۇسقاۋلارىن ۇقىپتىلىقپەن ورىنداماساڭدار، باستارىڭا مىنا قارعىستار ٷيىپ-توگىلەدى+:
16 قالادا دا، دالادا دا قارعىسقا ۇشىرايسىڭدار+.
17 ٶنىم جينايتىن سەبەتتەرىڭدى، قامىر اشىتاتىن ىدىستارىڭدى قارعىس اتادى+.
18 بالا-شاعالارىڭدى، جەرلەرىڭنىڭ ٶنىمى مەن ٸرىلى-ۇساقتى مالدارىڭنىڭ تولدەرىن قارعىس اتادى+.
19 قايدا بارساڭدار دا، نە ىستەسەڭدەر دە، قارعىسقا ۇشىرايسىڭدار.
20 وزىنەن باس تارتىپ، جاماندىق جاساعاندارىڭ ٷشىن قىرىلىپ، تەز ارادا جويىلىپ كەتكەندەرىڭشە، ەحوبا قولعا العان ٵربىر ىستەرىڭدە سەندەردى ابىرجىتىپ، قارعىس پەن ساتسىزدىككە ۇشىراتادى+.
21 يەلىككە الۋ ٷشىن بارا جاتقان جەردەن قۇرىپ جوق بولعاندارىڭشا، ەحوبا سەندەردى ىندەتتەن كوز اشتىرمايدى+.
22 ەحوبا سەندەردى وكپە اۋرۋىنا شالدىقتىرادى، سونداي-اق دەنەلەرىڭنىڭ ىستىعى كوتەرىلىپ+، قابىنىپ، تۇلا بويلارىڭ ورتەنەدى، سەمسەر+ مەن اپتاپ جەلدەن جاپا شەگەسىڭدەر، ەگىندەرىڭ كوگەرىپ-ٴشىريدى+. كوزدەرىڭ قۇرىپ كەتكەنشە، بۇلار قىر سوڭدارىڭنان قالمايدى.
23 توبەلەرىڭدەگى اسپان مىستاي، اياقتارىڭنىڭ استىنداعى جەر تەمىردەي بولادى+.
24 جويىلىپ كەتكەندەرىڭشە، ەحوبا جاڭبىر ورنىنا شاڭ-توزاڭ جاۋدىرادى.
25 ەحوبا سەندەردى جاۋلارىڭنىڭ الدىندا تاس-تالقان ەتەدى+. ولارمەن سوعىسۋعا جۇمىلا ٴبىر جاقتان بارىپ، جەتى جاققا قاشاسىڭدار. جەر بەتىندەگى پاتشالىقتاردىڭ ٴبارى مۇشكىل حالدەرىڭدى كورىپ، شوشىپ جاعالارىن ۇستايدى+.
26 مايىتتەرىڭ اسپانداعى قۇستارعا، جەردەگى اڭدارعا جەم بولادى. ولاردى ۇركىتىپ قۋاتىن ەشكىم بولمايدى+.
27 ەحوبا سەندەرگە مىسىردىڭ ٸرىڭدى جارالارىن، كوتەۋ، قوتىر* جانە بورتپە جىبەرەدى، ولاردان ەش ايىعا المايسىڭدار.
28 سونداي-اق ەحوبا اقىل-ەستەرىڭنەن ايىرىپ، كوزدەرىڭدى سوقىر ەتىپ+، جۇرەكتەرىڭدى ابىرجىتادى.
29 تاس تۇنەكتە جۇرگەن سوقىرداي، سەندەر تال تۇستە سيپالانىپ قالاسىڭدار+. نە ىستەسەڭدەر دە، ىستەرىڭ ورگە باسپايدى. ۇنەمى الدانىپ، تونالىپ جۇرەسىڭدەر، سەندەردى قۇتقاراتىن ەشكىم بولمايدى+.
30 قىز ايتتىراسىڭدار، ٴبىراق ولاردى بىرەۋلەر زورلاپ كەتەدى. ٷي سوعاسىڭدار، ٴبىراق وندا تۇرمايسىڭدار+، جۇزىمدىك ەگەسىڭدەر، ٴبىراق ٶنىمىن جەمەيسىڭدەر+.
31 بۇقالارىڭ كوز الدارىڭدا سويىلادى، ٴبىراق ەتىنەن اۋىز دا تيمەيسىڭدەر. ەسەكتەرىڭدى كوز الدارىڭدا ۇرلاپ كەتەدى، ٴبىراق ونى قايتارا المايسىڭدار. قويلارىڭدى جاۋلارىڭ الىپ كەتەدى، ٴبىراق كومەكتەسەتىن ەشكىم بولمايدى.
32 ۇل-قىزدارىڭدى كوزدەرىڭشە بوتەن حالىقتار الىپ كەتەدى+. ولاردى اڭساپ ساعىناسىڭدار، ٴبىراق ەشتەڭە ىستەي المايسىڭدار.
33 جەرلەرىڭنىڭ ٶنىمى مەن بار ازىق-تۇلىكتەرىڭدى تانىمايتىن حالىقتار ٸشىپ-جەيتىن بولادى+. ۇنەمى الدانىپ، ٴجابىر كورىپ جۇرەسىڭدەر.
34 وسىلاردىڭ ٴبارىن ٶز كوزدەرىڭمەن كورگەندە، اقىل-ەستەن اداساسىڭدار.
35 ەحوبا تىزەلەرىڭ مەن ساندارىڭا، تاباندارىڭنان توبەلەرىڭە دەيىن جانعا باتاتىن، جازىلمايتىن ٸرىڭدى جارالار قاپتاتادى.
36 ەحوبا سەندەردى تاعايىنداعان پاتشالارىڭمەن قوسا، وزدەرىڭ دە، اتا-بابالارىڭ دا بىلمەگەن حالىقتىڭ اراسىنا بىتىراتىپ جىبەرەدى+. سول جەردە اعاشتان جانە تاستان جاسالعان تاڭىرلەرگە قۇلشىلىق ەتەسىڭدەر+.
37 ەحوبا سەندەردى بىتىراتىپ جىبەرگەن حالىقتاردىڭ ٴبارى مۇشكىل حالدەرىڭدى كورىپ شوشىناتىن بولادى، مىسقىل سوزگە اينالدىرىپ، كەلەكە-مازاق ەتەدى+.
38 تاناپتارىڭا كوپ تۇقىم سەبەسىڭدەر، ٴبىراق از ٶنىم الاسىڭدار+، ويتكەنى ونى شەگىرتكە جالماپ كەتەدى.
39 جۇزىمدىك وتىرعىزىپ، وڭدەپ-باپتايسىڭدار، ٴبىراق ودان تۇك جينامايسىڭدار، شاراپ تا ىشپەيسىڭدەر+، ويتكەنى ٴبارىن قۇرت جەپ قويادى.
40 بۇكىل ولكەلەرىڭدە ٴزايتۇن اعاشتارى وسسە دە، دەنەلەرىڭە ماي جاقپايسىڭدار، ويتكەنى جەمىستەرى جەرگە توگىلىپ قالادى.
41 دۇنيەگە ۇل-قىزدار اكەلەسىڭدەر، ٴبىراق ولار قاستارىڭدا بولمايدى، ويتكەنى تۇتقىنعا اكەتىلەدى+.
42 كۇللى اعاشتارىڭ مەن جەر ٶنىمىن قۇجىناعان قۇرت-قۇمىرسقا قاپتاپ كەتەدى.
43 ارالارىڭدا تۇراتىن جاتجەرلىكتەر بارعان سايىن جوعارىلاي تۇسەدى، ال سەندەر تومەندەي بەرەسىڭدەر.
44 ولار سەندەرگە قارىز بەرەدى، ال سەندەر قارىز بەرە المايسىڭدار+. ولار الدا، سەندەر سوڭىندا بولاسىڭدار+.
45 ەحوبا قۇدايلارىڭنىڭ ايتقانىنا قۇلاق اسپاي، ونىڭ بۇيىرعان زاڭدارى مەن نۇسقاۋلارىن ورىندامايتىن بولساڭدار، وسى قارعىستىڭ ٴبارى باستارىڭا كەلىپ+، قۇرىپ جوق بولعاندارىڭشا+، قىر سوڭدارىڭنان قالمايدى+.
46 وزدەرىڭ دە، ۇرپاقتارىڭ دا وسى قارعىستارعا ۇشىراعاندا، بۇل باسقالارعا بەلگى ٵرى ەسكەرتۋ بولادى+.
47 سەبەبى مولشىلىققا كەنەلىپ وتىرساڭدار دا، ەحوبا قۇدايلارىڭا قۋانىشقا تولى جۇرەكپەن شاتتانا قىزمەت ەتكەن جوقسىڭدار+.
48 سوندىقتان ەحوبا جىبەرگەن جاۋلارىڭا ارىپ-اشىپ+، شولدەپ، جالاڭاش بولىپ، جوقشىلىق كورىپ ٴجۇرىپ قىزمەت ەتەتىن بولاسىڭدار+. ولار سەندەردى قۇرتىپ جىبەرمەيىنشە، مويىندارىڭنان تەمىر مويىنتۇرىقتى* تۇسىرمەيدى.
49 ەحوبا سەندەرگە قارسى الىستان، جەردىڭ شەتىنەن ٴبىر حالىقتى اكەلەدى+. ٴتىلى بوتەن سول حالىق+ سەندەرگە جەمتىگىنە ۇمتىلعان بۇركىتتەي شۇيلىگەدى+.
50 ول — ۇلكەنگە قۇرمەت، جاسقا راقىم كورسەتۋدى بىلمەيتىن سۇستى دا جاۋىز حالىق+.
51 سەندەردى قىرىپ جىبەرمەيىنشە، ولار مالدارىڭنىڭ ٴتولىن، جەرلەرىڭنىڭ ٶنىمىن جالمايتىن بولادى. كوزدەرىڭدى قۇرتپايىنشا، استىقتان، جاڭا شاراپتان، مايدان، بۇزاۋلارىڭ مەن قوزى-لاقتارىڭنان تۇك قالدىرمايدى+.
52 سەنىم ارتقان بيىك تە مىقتى بەكىنىستەرىڭ قۇلامايىنشا، بۇكىل قالالارىڭدى قورشاۋعا الىپ، تىرپ ەتكىزبەيدى. ٴيا، ولار ەحوبا قۇدايلارىڭ سيلاعان ولكەدەگى بارلىق قالالارىڭدى مىندەتتى تۇردە قورشاۋعا الادى+.
53 جاۋلارىڭنىڭ قورشاۋىندا قالىپ، قينالاتىندارىڭ سونشا — ٴتىپتى ٶز بالالارىڭدى، ەحوبا قۇدايلارىڭ سيلاعان ۇل-قىزدارىڭنىڭ ەتىن، جەۋگە ٴماجبۇر بولاسىڭدار+.
54 ارالارىڭداعى ەڭ بيازى، سەزىمتال دەگەن ەر ادامنىڭ ٶزى تۋعان باۋىرىنا، سۇيگەن جارىنا جانە ٴتىرى قالعان بالالارىنا اياۋشىلىق تانىتپايدى.
55 ول جەپ وتىرعان بالاسىنىڭ ەتىنەن ولارعا ٴبىر ٴتۇيىر دە بەرمەيدى. ويتكەنى جاۋ قالالارىڭدى قورشاۋدا ۇستاپ، ابدەن ازاپ شەككىزگەندىكتەن، ونىڭ جەيتىن باسقا ەشتەڭەسى بولمايدى+.
56 ارالارىڭداعى نازىك تە سەزىمتال، ٴتىپتى جالاڭاياعىن جەرگە تيگىزۋدى ويلاماعان ايەلدىڭ+ دە سۇيىكتى جارىنا جانە ۇل-قىزىنا جانى اشىمايدى.
57 ول ٴتىپتى جاڭا تۋعان نارەستەسىن، قۇرساقتان شىققان ونىڭ جولداسىن دا باسقالاردان جاسىرىنىپ جەيتىن بولادى. ويتكەنى جاۋ قالالارىڭدى قورشاۋدا ۇستاپ، ابدەن ازاپقا سالادى.
58 ەگەر وسى كىتاپتا جازىلعان زاڭنىڭ+ سوزدەرىن ۇقىپتىلىقپەن ورىنداماساڭدار، سونداي-اق ەحوبا+ قۇدايلارىڭنىڭ ۇلى دا ايبىندى ەسىمىن قاستەرلەمەسەڭدەر+،
59 وندا ەحوبا وزدەرىڭدى دە، ۇرپاقتارىڭدى دا جامان ىندەتتەرگە، ۇزاققا سوزىلاتىن اۋىر ىندەتتەرگە، ازاپقا سالاتىن سوزىلمالى اۋرۋلارعا ۇشىراتادى+.
60 ول مىسىردا جۇرگەندەرىڭدە قاتتى قورىققان اۋرۋلاردىڭ ٴبارىن سەندەرگە قايتادان جىبەرىپ، كوز اشتىرمايدى.
61 قۇرىپ جوق بولعاندارىڭشا، ەحوبا وسى زاڭ كىتابىندا جازىلماعان نەبىر اۋرۋلار مەن ىندەتتەردى دە جىبەرەدى.
62 اسپانداعى جۇلدىزدارداي كوپ بولساڭدار دا+، ازعانا قالاسىڭدار+، ويتكەنى ەحوبا قۇدايلارىڭنىڭ ايتقانىن تىڭدامادىڭدار.
63 ەحوبا كەزىندە سەندەردى ٶسىرىپ-وركەندەتكەنىنە قالاي قۋانسا، ەحوبا سەندەردى قىرىپ-جويۋعا دا سولاي قۋاناتىن بولادى. سەندەر يەمدەنۋگە بارا جاتقان جەردەن تۇپتامىرلارىڭمەن جۇلىنىپ تاستالاسىڭدار.
64 ەحوبا سەندەردى كۇللى حالىقتاردىڭ اراسىنا، جەردىڭ و شەتى مەن بۇ شەتىنە دەيىن، بىتىراتىپ جىبەرەدى+. بارعان جەرلەرىڭدە وزدەرىڭ دە، اتا-بابالارىڭ دا بىلمەگەن، اعاش پەن تاستان جاسالعان تاڭىرلەرگە قۇلشىلىق ەتەسىڭدەر+.
65 سول حالىقتاردىڭ اراسىندا سەندەرگە تىنىشتىق بولمايدى+، تابان تىرەر جەر دە تابىلمايدى. ەحوبا جۇرەكتەرىڭدى ابىرجىتىپ+، جانارلارىڭدى تالدىرىپ، ابدەن تۇڭىلدىرەدى+.
66 ومىرلەرىڭە قاۋىپ ٴتونىپ، كۇنى-ٴتۇنى دىرىلدەپ قورقاسىڭدار، امان قالاتىندارىڭا سەنىمدى بولمايسىڭدار.
67 كوز الدارىڭداعى جايتتاردان جۇرەكتەرىڭ ۇشىپ، تاڭەرتەڭ «تەزىرەك كەش باتسا ەكەن»، ال كەشكە «تەزىرەك تاڭ اتسا ەكەن» دەپ تىلەيتىن بولاسىڭدار.
68 ەحوبا سەندەردى كەمەلەرگە مىنگىزىپ، مەن سەندەرگە «ەندى قايتىپ ەشقاشان كورمەيسىڭدەر» دەگەن جولمەن مىسىرعا قايتىپ اپارادى. سول جەردە وزدەرىڭدى جاۋلارىڭا قۇلدىققا، كۇڭدىككە ساتپاق بولاسىڭدار، ٴبىراق سەندەردى ەشكىم ساتىپ المايدى».