مۇسانىڭ 5-جازباسى 33:1—29
33 شىنايى قۇدايدىڭ ادامى مۇسا ولەر الدىندا يسرايلدىكتەرگە باتاسىن بەرىپ+،
2 بىلاي دەدى:
«ەحوبا سينايدان كەلدى+،سەيىردەن ولارعا نۇرىن شاشتى،
ۇلىلىققا بولەنىپ، پاران تاۋلى وڭىرىنەن ساۋلەسىن توكتى+،قاسىندا سانسىز كوپ قاسيەتتى پەرىشتەسى* بولدى+،وڭ جاعىندا ونىڭ جاۋىنگەرلەرى تۇردى+.
3 ول ٶز حالقىن جاقسى كورەدى+،قاسيەتتى حالقى ونىڭ الاقانىندا+،
ولار ونىڭ اياق جاعىندا وتىرىپ+،ايتقان سوزدەرىنە قۇلاق سالا باستادى+.
4 (مۇسا بىزگە زاڭ بەردى+،بۇل زاڭ جاقىپ قاۋىمىنىڭ مەنشىگى بولدى+.)
5 حالىق باسشىلارى باس قوسقاندا+،يسرايلدىڭ كۇللى رۋى جينالعاندا+،قۇداي ەشۋرۋننىڭ* پاتشاسى بولدى+.
6 لايىم رۋبەن ٶمىر ٴسۇرسىن، ولمەسىن+،قاتارى سيرەپ، ازايماسىن+».
7 سوسىن مۇسا ياھۋداعا بىلاي دەپ باتا بەردى+:
«ۋا، ەحوبا، ياھۋدانىڭ ۇنىنە قۇلاق ٴتۇر+،ونى حالقىنىڭ اراسىنا قايتارا كور.
ول قورعايدى مەنشىگىن ٶز قولىمەن،جاۋلارىمەن شايقاسقاندا، وعان كومەكتەسە كور+».
8 لەۋى تۋرالى+ مۇسا بىلاي دەدى:
«تۋمميم مەن ٴۋريمىڭ+ وزىڭە* ادال ادامعا تيەسىلى+،سەن ونى ماسسادا سىنادىڭ+،
مەريبا سۋلارىنىڭ قاسىندا ونىمەن داۋلاستىڭ+.
9 ول اكە-شەشەسىنىڭ ىعىنا جىعىلمادى،
ٴتىپتى ٶز باۋىرلارىن مويىندامادى+،ۇلدارىن دا ەلەمەدى.
ويتكەنى ول سەنىڭ سوزىڭە قۇلاق اسىپ،كەلىسىمىڭدى بۇلجىتپاي ۇستاندى+.
10 ول سوت شەشىمدەرىڭدى جاقىپقا+،زاڭىڭدى يسرايلگە ۇيرەتسىن+.
وزىڭە ۇنامدى حوش ٴيىستى زات تۇتەتسىن+،وشاعىڭدا تۇگەل ورتەلەتىن قۇرباندىق ۇسىنسىن+.
11 ۋا، ەحوبا، ونىڭ كۇشىن جارىلقاي كور،جاساعان ىستەرى ساعان جاعىمدى بولسىن،
وعان قارسى شىققانداردىڭ اياعىن* سىندىر،وسىلاي ونى جەك كورەتىندەر قايتىپ باس كوتەرە الماسىن».
12 بەنيامين جايلى مۇسا مىنانى ايتتى+:
«ەحوبانىڭ سۇيىكتىسى جانىندا قاۋىپسىز ٶمىر ٴسۇرسىن،كۇنى بويى بولىپ ونىڭ پاناسىندا،قونىستانادى ەكى جاۋىرىنىنىڭ ورتاسىنا».
13 ال جۇسىپكە قاتىستى مۇسا بىلاي دەدى+:
«ەحوبا ونىڭ جەرىن جارىلقاسىن+،كوكتىڭ ەڭ تاڭداۋلى سيلارىمەن،شىقپەن جانە جەراستى سۋلارىمەن+،
14 كۇن نۇرىمەن وسكەن ەڭ جاقسى جەمىستەرمەن،اي سايىن جينالاتىن تاڭداۋلى ونىمدەرمەن+،
15 ەجەلگى تاۋلاردىڭ* ەڭ تاڭداۋلى سيلارىمەن+،ماڭگى قىرلاردىڭ ەڭ جاقسى تارتۋلارىمەن،
16 جەر بايلىعىمەن جانە ونىڭ بارلىق ونىمىمەن+،تىكەندى بۇتانىڭ اراسىنان كورىنگەننىڭ ىقىلاسىمەن+.
وسى باتانىڭ ٴبارى ٴجۇسىپتىڭ باسىنا قونسىن،باۋىرلارىنىڭ اراسىنان تاڭداپ الىنعاننىڭ توبەسىنە ٷيىپ-توگىلسىن+.
17 ول تۇڭعىش تۋىلعان بۇقاداي كورىكتى،مۇيىزدەرى ونىڭ جابايى بۇقانىكىندەي،
سولارىمەن حالىقتاردى ٴسۇزىپ،ٴبارىن جەردىڭ شەتىنە دەيىن ىعىستىرادى.
بۇل مۇيىزدەر ەفرەمنىڭ ون مىڭداعان ۇرپاعى+،سونداي-اق ماناسانىڭ مىڭداعان ٷرىم-بۇتاعى».
18 مۇسا زابۋلون تۋرالى بىلاي دەدى+:
«قۋان، ۋا، زابۋلون، ساپارعا شىققاندا،سەن دە، يساحار، شاتىرلارىڭنىڭ ىشىندە+.
19 ولار حالىقتاردى تاۋعا شاقىرىپ،
سول جەردە ادىلدىكتىڭ قۇرباندىعىن ۇسىنادى.
ويتكەنى تەڭىزدىڭ مول بايلىعىنا كەنەلىپ،قۇمعا جاسىرىلعان قازىنانىڭ راقاتىن كورەدى».
20 سوسىن عاد جايىندا مىنانى ايتتى+:
«عادتىڭ شەگاراسىن كەڭەيتۋشى جارىلقانسىن+.
ول ارىستانداي جەردە جاتىپ الار،جەمتىگىنىڭ قولىن، ٴتىپتى باسىن پارشالاۋعا دايىن تۇرار.
21 ول وزىنە جەردىڭ العاشقى بولىگىن* تاڭداپ الادى+،ويتكەنى سول جەردە زاڭ بەرۋشىنىڭ ۇلەسى بار+.
حالىقتىڭ باسشىلارى جينالادى.
ول ەحوبانىڭ ادىلدىگىن جۇزەگە اسىرىپ،يسرايل ٷشىن سوت شەشىمدەرىن ورىندايدى».
22 ال دان جايلى مۇسا بىلاي دەدى+:
«دان ارىستاننىڭ كۇشىگى+،
ول باشاننان اتىلىپ شىعا كەلەدى+».
23 نافتاليم تۋرالى بولسا بىلاي دەدى+:
«نافتاليم ەحوبانىڭ ىقىلاسىنا بولەنىپ،مول باتاسىنا كەنەلگەن.
باتىس پەن وڭتۇستىك ولكەنى يەمدەن».
24 اشيرعا قاتىستى مۇسا مىنانى ايتتى+:
«اشير جارىلقاندى ۇلدارى كوبەيىپ.
ول باۋىرلارىنا سيلى بولسىن،اياقتارىن مايعا مالسىن.
25 قاقپا ىسىرمالارىڭ تەمىر مەن مىستان جاسالعان+،بار عۇمىرىڭ قاۋىپسىزدىكتە وتەر.
26 ەشۋرۋننىڭ+ قۇدايىنا تەڭ كەلەر ەشكىم جوق+،ول ساعان كومەكتەسۋ ٷشىن كوكتى جارىپ،ۇلىلىقپەن كەلەدى بۇلت ۇستىندە+.
27 قۇداي ەجەلدەن بەرگى قورعانىڭ+،ونىڭ ماڭگى قولى سەنى دەمەيدى+.
جاۋلارىڭدى الدىڭنان قۋىپ جىبەرىپ+:«ولاردىڭ كوزىن قۇرت!»— دەيتىن بولادى+.
28 يسرايل قاۋىپسىزدىكتە ٶمىر سۇرەدى،جاقىپتىڭ بۇلاعى وڭاشا بولادى.استىعى مەن جاڭا شارابى اعىل-تەگىل+،اسپانىنان شىق جاۋاتىن ولكەدە تۇرادى+.
29 باقىتتىسىڭ سەن، ۋا، يسرايل+!
ساعان كىم تەڭ كەلەر+؟سەنىڭ قۇتقارۋشىڭ — ەحوبا+،ول — سەنىڭ قورعاۋشى قالقانىڭ+،ول — سەنىڭ زور سەمسەرىڭ.
جاۋلارىڭ الدىڭدا قۇرداي جورعالايدى+،سەن ولاردىڭ جوتاسىن* تاپتايسىڭ».
سىلتەمەلەر
^ نەمەسە «ون مىڭداعان قاسيەتتىلەرى».
^ ماعىناسى «شىنشىل؛ ٵدىل». يسرايلگە بەرىلگەن سيلى لاۋازىم.
^ «وزىڭە» دەپ قۇدايعا نۇسقاپ تۇر.
^ نەمەسە «جامباسىن».
^ مۇمكىن: «شىعىس تاۋلارىنىڭ».
^ نەمەسە «ەڭ جاقسى بولىگىن».
^ مۇمكىن: «بيىك جەرلەرىن».