مۇسانىڭ 5-جازباسى 9:1—29
9 تىڭدا، ۋا، يسرايل! بۇگىن وزىڭنەن الدەقايدا قۋاتتى ٵرى سانى كوپ حالىقتاردى+، اسپانمەن تالاسقان بەكىنىستەرى بار ۇلكەن قالالاردى+ جاۋلاپ الۋ ٷشىن يوردان وزەنىنەن وتكەلى تۇرسىڭ+.
2 سول جەردە كۇشتى دە ٸرى دەنەلى ادامدار، ەناكتىڭ ۇرپاقتارى+، تۇرادى. ولاردى بىلەسىڭ، «ەناكتىڭ ۇرپاقتارىنا قارسى كىم تۇرا الادى؟» دەگەن ٴسوزدى دە ەستىگەنسىڭ.
3 سوندىقتان بۇگىن ٴبىلىپ قوي، ارعى بەتكە سەنى ەحوبا قۇدايىڭ باستاپ الىپ جۇرەدى+. جالماپ قوياتىن وت ىسپەتتى ول+ سول حالىقتاردىڭ كوزىن قۇرتادى. كوز الدىڭدا ولاردى باعىندىرىپ بەرەدى. سوندا، ەحوبا وزىڭە ۋادە ەتكەندەي، سەن ولاردى قۋىپ، تەز ارادا قىرىپ جوياسىڭ+.
4 ەحوبا قۇدايىڭ ولاردى الدىڭنان قۋىپ شىققاندا، ىشتەي: «ٵدىل بولعانىم ٷشىن ەحوبا مەنى وسى جەردى يەمدەنسىن دەپ الىپ كەلدى»،— دەپ ويلاما+. ەحوبا بۇل حالىقتاردى جاساعان زۇلىمدىقتارى ٷشىن+ الدىڭنان قۋىپ جاتىر.
5 ول جەردى سەن ٵدىل نە جۇرەگىڭ تازا بولعاندىقتان يەلەنەيىن دەپ جاتقان جوقسىڭ. ەحوبا قۇدايىڭ سول حالىقتاردى زۇلىمدىعى ٷشىن+ جانە ەحوبا اتا-باباڭ ىبىرايىمعا+، ىسقاق+ پەن جاقىپقا+ بەرگەن ٴسوزىن ورىنداۋ ٷشىن قۋىپ جاتىر.
6 سوندىقتان ٴبىلىپ قوي، ەحوبا ساعان شۇرايلى جەردى ٵدىل بولعانىڭ ٷشىن يەلىككە بەرىپ وتىرعان جوق، ويتكەنى سەن توڭمويىن حالىقسىڭ+.
7 ٴشول دالادا ەحوبانى قالاي اشۋلاندىرعاندارىڭدى ەشقاشان ۇمىتپاي+، ەستە ساقتاڭدار. مىسىر ەلىنەن شىعىپ، وسى جەرگە جەتكەنشە، ەحوباعا قارسى بۇلىك شىعارىپ كەلەسىڭدەر+.
8 حوريبتە دە ەحوبانىڭ اشۋىن كەلتىردىڭدەر. ەحوبانىڭ قاھارلانعانى سونشا — سەندەردى جويىپ جىبەرمەك بولدى+.
9 مەن تاس تاقتاشالاردى — ەحوبا سەندەرمەن جاساسقان كەلىسىم سوزدەرى+ جازىلعان تاقتاشالاردى+ — الۋ ٷشىن تاۋعا شىعىپ، سول جەردە ٴنار تاتپاي، سۋ ىشپەي، 40 كۇن، 40 ٴتۇن بولدىم+.
10 سوندا ەحوبا ماعان ٶز قولىمەن* جازعان ەكى تاقتاشانى تابىستادى. ولارعا سەندەر تاۋ ەتەگىنە جينالىپ تۇرعان كۇنى ەحوبانىڭ وت ىشىنەن ايتقان سوزدەرىنىڭ ٴبارى جازىلعان ەدى+.
11 40 كۇن، 40 ٴتۇن وتكەن سوڭ، ەحوبا ماعان ەكى تاس تاقتاشانى، كەلىسىم تاقتاشالارىن، بەردى.
12 سودان كەيىن ەحوبا: —تۇر دا، تەزىرەك تومەن ٴتۇس، مىسىردان الىپ شىققان حالقىڭ ازعىندىققا سالىندى+. ولار مەن نۇسقاعان جولدان لەزدە تايىپ كەتىپ، وزدەرىنە بالقىتىپ قۇيىپ، ٴمۇسىن جاساپ الدى+،— دەدى.
13 سوسىن ەحوبا: —مەن بۇل حالىقتى نازارىمدا ۇستاپ كەلەمىن. ولار توڭمويىن حالىق+.
14 مەنى توقتاتامىن دەمە. ولاردى قۇرتىپ، جەر بەتىنەن ەسىمىن ٶشىرىپ جىبەرەيىن. ال سەنەن الدەقايدا كۇشتى ٵرى ۇلكەن حالىق تاراتايىن+،— دەدى.
15 مەن كەرى بۇرىلىپ، وت بولىپ جانىپ تۇرعان تاۋ باسىنان+ ٴتۇستىم. قولىمدا ەكى كەلىسىم تاقتاشاسى بولدى+.
16 قاراسام، وزدەرىڭە بالقىتىپ قۇيىپ، بۇزاۋ ٴمۇسىنىن جاساپ، ەحوبا قۇدايلارىڭنىڭ الدىندا كۇناعا باتىپ جاتىر ەكەنسىڭدەر. وسىلاي ەحوبا نۇسقاعان جولدان لەزدە تايىپ كەتىپسىڭدەر+.
17 سوندا تاقتاشالاردى ەكى قولىممەن ۇستاپ، جەرگە لاقتىرىپ جىبەرىپ، كوز الدارىڭدا كۇل-تالقانىن شىعاردىم+.
18 سودان كەيىن مەن قايتادان ەحوبانىڭ الدىندا جەرگە باس ۇرىپ تاعزىم ەتىپ، 40 كۇن، 40 ٴتۇن جاتتىم. ەحوبانىڭ كوز الدىندا زۇلىم نارسە ىستەپ، ونى قورلاپ، كۇناعا باتقاندارىڭ ٷشىن، مەن سول ۋاقىتتا ەش ٴنار تاتپادىم، سۋ دا ىشپەدىم+.
19 ەحوبانىڭ لاۋلاعان قاھارىن كورىپ+، سەندەردى قۇرتىپ جىبەرە مە دەپ قاتتى قورىقتىم. ٴبىراق بۇل جولى دا ەحوبا مەنى تىڭدادى+.
20 ەحوبا حارونعا دا قاتتى اشۋلانىپ، كوزىن قۇرتپاق بولدى+. سول كەزدە مەن ول ٷشىن دە جالبارىندىم.
21 سوسىن سەندەردى كۇناعا باتىرعان بۇزاۋ ٴمۇسىنىن الىپ+، وتقا ورتەپ، ودان قالعانىن كۇلپارشاسىن شىعارىپ، ۇنتاقتاپ، تاۋدان اعىپ جاتقان سۋعا شاشىپ جىبەردىم+.
22 سەندەر تابەرا+، ماسسا+، قيبروت-حاتاۋادا+ دا ەحوبانىڭ اشۋىن كەلتىردىڭدەر.
23 ال ەحوبا سەندەردى قادەش-بارنيدا+: «بارىپ، مەن سەندەرگە بەرگەلى وتىرعان جەردى يەمدەنىڭدەر»،— دەپ جىبەرمەك بولعاندا، تاعى دا ەحوبا قۇدايلارىڭنىڭ بۇيرىعىنا قارسى شىعىپ+، وعان سەنگەن جوقسىڭدار+، ايتقانىن دا تىڭدامادىڭدار.
24 مەن سەندەردى بىلگەلى بەرى، ەحوباعا قارسى بۇلىك شىعارىپ كەلەسىڭدەر.
25 ەحوبا سەندەردىڭ كوزدەرىڭدى جوياتىنىن ايتقاندا، مەن ەحوبانىڭ الدىندا جەرگە باس ۇرا تاعزىم ەتىپ، 40 كۇن، 40 ٴتۇن بويى جاتتىم+.
26 ەحوباعا جالبارىنىپ: —ۋا، الەمنىڭ ٵمىرشىسى ەحوبا! ٶز حالقىڭدى جويا كورمە. ولار ۇلىلىعىڭمەن جانە قۇدىرەتتى قولىڭمەن مىسىردان ازات ەتكەن*+ ٶز مەنشىگىڭ ەمەس پە+؟!
27 قىزمەتشىلەرىڭ ىبىرايىمدى، ىسقاق پەن جاقىپتى ەسىڭە الا كور+. مىنا حالىقتىڭ قىڭىرلىعىنا، زۇلىمدىعى مەن كۇناسىنا نازار اۋدارما+.
28 ايتپەسە سەن ٴبىزدى الىپ شىققان ەلدە تۇراتىن حالىق: «ەحوبا ولاردى ۋادە ەتكەن جەرىنە اپارا المادى. ولاردى جەك كورگەندىكتەن، ٴشول دالادا قىرىپ سالۋ ٷشىن الىپ شىققان ەكەن»،— دەپ جۇرەر+.
29 ولار قۇدىرەتتى كۇشىڭمەن، قۋاتتى قولىڭمەن الىپ شىققان+ ٶز حالقىڭ ٵرى ٶز مەنشىگىڭ عوي+،— دەدىم.
