ناعۇم 3:1—19
3 قان توككىش قالا قاسىرەتكە قالادى!
ول قۋلىق-سۇمدىق پەن ۇرلىققا تولى.
ەشقاشان ولجاسىز قالعان ەمەس!
2 قامشىنىڭ سارتىلى، دوڭگەلەكتىڭ تارسىلى،شاپقان اتتىڭ ٴدۇبىرى، سوعىس اربالارىنىڭ سەلكىلدەگەن داۋسى ەستىلىپ تۇر.
3 سالت اتتى، جالتىلداعان سەمسەر، جارق-جۇرق ەتكەن نايزا.
كوپ ادام قىرىلىپ، مايىتتەر ٷيىلىپ جاتىر،ولگەندەردىڭ ەسەبى جوق.
جاتقان مايىتتەرگە ولار شالىنىپ-سۇرىنۋدە.
4 مۇنىڭ ٴبارى جەزوكشەنىڭ ازعىندىعىنىڭ تىم كوپتىگىنەن.
تارتىمدى دا كورىكتى ول سيقىرشىلىققا شەبەر،جەزوكشەلىگىمەن حالىقتاردى، سيقىرلىعىمەن اۋلەتتەردى ەلىكتىردى.
5 «مىنە، مەن ساعان* قارسى شىعامىن،— دەيدى اسكەرباسى ەحوبا+.
—ەتەگىڭدى باسىڭا دەيىن كوتەرىپ،حالىقتارعا جالاڭاش ٴتانىڭدى كورسەتەمىن،پاتشالىقتار الدىندا ابىرويىڭدى توگەمىن.
6 ۇستىڭە بىلعانىش نارسەلەردى لاقتىرىپ،بارشا جۇرتقا جەركەنىشتى ەتەمىن.
سەنى سۇمدىق كورىنىسكە اينالدىرامىن+.
7 كورگەندەردىڭ ٴبارى سەنەن قاشىپ+:
—نينەۆيا تاس-تالقان بولدى!
وعان كىمنىڭ جانى اشيدى؟— دەيتىن بولادى.
سەنى جۇباتاتىنداردى قايدان تابامىن؟
8 الدە سەن ٴنىل سالالارىنىڭ+ بويىنداعى نو-اموننان*+ ارتىقسىڭ با؟
سول قالانىڭ جان-جاعى سۋمەن قورشالىپ،ونىڭ بايلىعى دا، قابىرعاسى دا تەڭىز بولاتىن.
9 ەفيوپيا مەن مىسىر ونىڭ شەكسىز قۋاتى،ال پۋت+ پەن ليۆيا كومەكشىسى ەدى+.
10 سوندا دا نو-امون جەر اۋدارىلىپ،تۇتقىنعا ايداپ اكەتىلدى+.
ٵر كوشەنىڭ بۇرىشىندا كەسكىلەنگەن بالالارى جاتتى.
سيلى كىسىلەرىن ٴبولىسىپ الۋ ٷشىن جەرەبە تاستالدى،ۇلىقتارىنىڭ بارىنە كىسەن سالىندى.
11 سەن دە ماس بولاسىڭ+،تىعىلىپ قالاسىڭ.
جاۋدان پانا ىزدەيسىڭ.
12 بەكىنىستەرىڭنىڭ ٴبارى ەرتە پىسكەن ٸنجىر جەمىسىنە ۇقسايدى،سىلكىگەندە، ولار جالماۋشىنىڭ ٴدال اۋزىنا تۇسەدى.
13 قاراشى، جاساعىڭ ارالارىڭداعى ايەلدەردەي ٵلسىز.
جەرىڭدەگى قاقپالار جاۋلارىڭا ايقارا اشىلادى،قاقپا ىسىرمالارىڭدى وت جالمايدى.
14 قورشاۋعا الىناتىن كەزىڭە ارناپ سۋ جينا+!
بەكىنىستەرىڭدى مىقتاپ نىعايت.
بالشىقتى جەرگە بارىپ، لاي يلە،قولىڭا قالىپ الىپ، كىرپىش قۇي.
15 سوندا دا سەنى وت جالمايتىن بولادى،سەمسەر شاۋىپ تۇسىرەدى+.
ول سەنى جاس شەگىرتكەدەي جالمايدى+.
مەيلى، سانىڭدى جاس شەگىرتكەدەي كوبەيتە بەر!
ٴيا، قاتارىڭدى شەگىرتكەدەي مولايتا بەر!
16 ساۋداگەرلەرىڭدى اسپان جۇلدىزىنان دا كوپ ەتتىڭ.
جاس شەگىرتكە تۇلەپ، ۇشادى دا كەتەدى.
17 كۇزەتشىلەرىڭ شەگىرتكە ىسپەتتى،اسكەر باسشىلارىڭ شەگىرتكە شوعىرى سياقتى.
كۇن سۋىقتا ولار تاس دۋالداردى پانالاپ،ال كۇن ىسىعاندا، ۇشىپ كەتەدى.
قايدا كەتكەندەرىن ەشكىم بىلمەيدى.
18 ۋا، اسسيريا پاتشاسى، باعۋشىلارىڭ قالعىپ وتىر،بەدەلدىلەرىڭ ٶز ۇيلەرىندە جاتىر.
حالقىڭ تاۋلارعا بىتىراپ كەتكەن،ولاردى جيناپ جاتقان ەشكىم جوق+.
19 باسىڭا تۇسەتىن اپاتتان سەنى ەشكىم قۇتقارمايدى.
جاراقاتىڭ ەش جازىلمايدى.
سەن تۋرالى ەستىگەندەردىڭ ٴبارى قول شاپالاقتايدى+،ويتكەنى تولاسسىز جاۋىزدىعىڭنان كىم جاپا شەكپەدى+؟!»
