ناقىل سوزدەر 15:1—33
15 بيازى جاۋاپ اشۋدى باسار+،اۋىر ٴسوز ىزا تۋدىرار+.
2 دانانىڭ ٴتىلى ٴبىلىمىن يگىلىككە قولدانار+،اقىلسىزدىڭ اۋزى اقىماقتىقتى لاق ەتكىزەر.
3 ەحوبانىڭ نازارى بارلىق جەردە،جاقسى مەن جامان دا ونىڭ كوز الدىندا+.
4 شيپالى ٴتىل ٶمىر اعاشى بولار+،وتىرىك ٴسوز رۋحتى كۇيرەتەر.
5 اقىلسىز بالا اكە تاربيەسىن مەنسىنبەيدى+،ال پاراساتتى جان تۇزەتۋدى قابىل الادى+.
6 ٵدىلدىڭ ٷيى قازىناعا تولى،زۇلىمنىڭ تاپقانى بەرەكەسىن الار+.
7 دانانىڭ اۋزى ٴبىلىم تاراتادى+،ال ناداننىڭ جۇرەگى وعان داۋالامايدى+.
8 زۇلىمنىڭ قۇرباندىعى ەحوباعا جەركەنىشتى+،ال ٵدىلدىڭ دۇعاسى وعان ۇنامدى+.
9 ەحوبا زۇلىمداردىڭ جولىن جەك كورەدى+،ادىلدىككە ۇمتىلعانداردى جاقسى كورەدى+.
10 جولدان تايعانعا تۇزەتۋ قاتالدىق بوپ كورىنەر+،سوگىستى جەك كورگەن ادام ٶلىم قۇشار+.
11 كور* مەن قارا جەردىڭ قوينىنداعىلار ەحوباعا ايان بولسا+،ادامنىڭ جۇرەگى ودان بەتەر ايان ەمەس پە+؟!
12 مىسقىلداعىش ٶزىن تۇزەتكەندى جاقتىرمايدى+،ول دانانىڭ كەڭەسىنە جۇگىنبەيدى+.
13 قۋانىشتى جۇرەك ادامنىڭ ٴجۇزىن جايناتار،قايعىلى جۇرەك رۋحتى كۇيرەتەر+.
14 تۇسىنىگى باردىڭ جۇرەگى ٴبىلىم ىزدەر+،ناداننىڭ اۋزى ناداندىققا تويعىزار+.
15 مۇڭشىل ادامنىڭ بارلىق كۇنى قايعىلى+،كوڭىلدى جاننىڭ ٵر كۇنى توي-دۋمان+.
16 مول بايلىقپەن ۋايىمداپ ٶمىر سۇرگەنشە+،ازعانا دۇنيەمەن ەحوبادان قورقىپ ٶمىر سۇرگەن ارتىق+.
17 جەككورۋشىلىك بار جەردە سەمىز بۇقا ەتىن جەگەنشە+،سۇيىسپەنشىلىك بار جەردە كوكونىس جەگەن ارتىق+.
18 اشۋشاڭ ۇرىس-جانجال تۋعىزار+،ۇستامدى جان داۋدى باسار+.
19 جالقاۋدىڭ جولى تولعان تىكەن+،تۋراشىلدىڭ جولى تەگىس تە داڭعىل+.
20 اقىلدى بالا اكەسىن قۋانتادى+،اقىلسىز بالا شەشەسىن مەنسىنبەيدى+.
21 پارىقسىز* جان اقىماقتىققا ٴماز بولار+،پارىقتى جان تۋرا جولمەن العا باسار+.
22 اقىلداسپاعان جەردە جوسپار ىسكە اسپايدى،كەڭەسشى كوپ بولسا، ول جۇزەگە اسادى+.
23 دۇرىس جاۋاپ بەرگەنى قۋانتادى+ ادامدى،ۋاقىتىندا ايتىلعان ٴسوز قانداي جاقسى+!
24 تۇسىنىگى مولدىڭ ٶمىر جولى ورگە باستار+،تومەندە جاتقان كوردەن* اۋلاق اكەتەر+.
25 ەحوبا تاكاپپاردىڭ ٷيىن ويران ەتەدى+،جەسىرگە تيەسىلى جەردىڭ شەگاراسىن قورعايدى+.
26 زۇلىمنىڭ ايلا-امالى ەحوباعا جەركەنىشتى+،ال جاعىمدى سوزدەر ونىڭ كوز الدىندا تازا+.
27 ارام پايدا تابۋشى ٷي ٸشىن پالەگە ۇشىراتار+،پارانى جەك كورەتىن امان-ەسەن ٶمىر سۇرەر+.
28 ٵدىل ٶز جاۋابىن ويلاپ بەرەر+،زۇلىم جاماندىقتى اۋزىنان لاق ەتكىزەر.
29 ەحوبا زۇلىمداردان الىس تۇرار،ال ٵدىلدىڭ دۇعاسىنا قۇلاق تۇرەر+.
30 جايناعان كوز جۇرەكتى قۋانتار،جاقسى حابار سۇيەككە كۇش-قۋات دارىتار+.
31 ٶمىر سيلايتىن كەڭەسكە قۇلاق اساتىن جاندانالاردىڭ ۇيىندە وتىرار+.
32 تاربيەدەن باس تارتقان ٶز جانىن جەك كورەر+،تۇزەتۋگە قۇلاق اسقان تۇسىنىككە يە بولار+.
33 ەحوبادان قورقۋ دانالىققا ۇيرەتەر+،كىشىپەيىلدىلىك ابىروي اكەلەر+.
سىلتەمەلەر
^ ەۆرەيشە «شەول». تۇسىندىرمەنى قاراڭىز.
^ سوزبە-ٴسوز «جۇرەگى جوق».
^ ەۆرەيشە «شەول». تۇسىندىرمەنى قاراڭىز.
