ناقىل سوزدەر 16:1—33
16 ادام جۇرەگىندە وي تۇزەر،ٴبىراق ايتاتىن جاۋابى* ەحوبادان+ كەلەر.
2 ادامعا جولىنىڭ ٴبارى تۋرا كورىنەر+،ٴبىراق نيەتىن ەحوبا تەكسەرەر+.
3 بار ٸسىڭدى ەحوباعا سەنىپ تاپسىر+،سوندا جوسپارلارىڭ ىسكە اسار.
4 ەحوبا ٴبارىن دە نيەتى جۇزەگە اساتىنداي ەتىپ جاسايدى،ٴتىپتى زۇلىمدى دا الاپات كۇنى جويادى+.
5 كوكىرەك كوتەرگەن اركىم ەحوباعا جەركەنىشتى+،ٴشۇبا جوق، مۇندايلار جازاسىز قالمايدى.
6 اينىماس سۇيىسپەنشىلىك پەن ادالدىقتىڭ ارقاسىندا كۇنا وتەلەر+،ەحوبادان قورىققان ادام جاماندىقتان اۋلاق جۇرەر+.
7 ەحوباعا ادامنىڭ جولى ۇناسا،ونى ٴتىپتى جاۋلارىمەن تاتۋلاستىرار+.
8 تابىسى مول ارامزا بولعاننان گورى+،كىرىسى از ٵدىل بولعان ارتىق+.
9 ادام جۇرەگىندە جۇرەر جولىن ويلاستىرادى،ٴبىراق قادامدارىن ەحوبا باعىتتايدى+.
10 پاتشانىڭ اۋزى قۇداي شەشىمىن ايتسىن+،ٵدىل بيلىك ايتۋدان ەش تايماسىن+.
11 ادال تارازى مەن ونىڭ تاباقشالارى ەحوبادان،دورباداعى كىرتاستار دا سودان+.
12 زالىم ىستەر پاتشالارعا جەركەنىشتى+،سەبەبى ادىلدىك پاتشا تاعىن نىعايتادى+.
13 پاتشالار تۋرا ٴتىلدى ۇناتار،شىن سويلەيتىندى جاقسى كورەر+.
14 پاتشانىڭ قاھارى — ٶلىم جارشىسى+،دانا ادام ونىڭ قاھارىن باسار+.
15 پاتشانىڭ جارقىن ٴجۇزى ٶمىر بەرەدى،راقىمى جاڭبىر اكەلەتىن كوكتەمگى بۇلت ىسپەتتى+.
16 التىننان گورى دانالىقتى يەمدەنگەن ارتىق+!
كۇمىستەن گورى تۇسىنىككە يە بولعان جاقسى+.
17 شىنشىلدىڭ جولى جاماندىقتان اۋلاق ەتەر،ٶز جولىن قاداعالاعان جانىن ساقتار+.
18 كوكىرەكتىك — كۇيرەۋدىڭ باسى،تاكاپپارلىق — ٴسۇرىنۋدىڭ الدى+.
19 تاكاپپارلارمەن ولجا بولىسكەنشە،مومىنداردىڭ اراسىندا كىشىك بولعان جاقسى+.
20 ماسەلەنىڭ بايىبىنا باراتىن تابىسقا جەتەدى،ەحوباعا سەنىم ارتاتىن باقىتقا كەنەلەدى.
21 جۇرەگى دانانى تۇسىنىگى بار دەر+،ٴتىلى جۇمساقتىڭ ٴسوزى نانىمدى كەلەر+.
22 تەرەڭ تۇسىنىك — يەسى ٷشىن ٶمىر بۇلاعى،اقىماقتىڭ جازاسى — ٶز اقىماقتىعى.
23 دانانىڭ جۇرەگى اۋزىنا تەرەڭ تۇسىنىك سالار+،سوزىنە نانىمدىلىق بەرەر.
24 جىلى ٴسوز ۇياداعى بالداي،جانعا جاعىمدى*، سۇيەككە شيپالى+.
25 ادامعا تۋرا بولىپ كورىنەتىن جول بار،ٴبىراق ول تۇبىندە ولىمگە اپارار+.
26 تابەتى جۇمىسشىعا ەڭبەك ەتكىزەر،بۇعان اش قۇرساعى ٴماجبۇر ەتەر+.
27 وڭباعان ادام جاماندىقتى قازبالار+،سوزدەرى وتتاي شارپىپ الار+.
28 ارانداتۋشى ارازدىق تۋدىرار+،جالاقور جاقىن دوستاردى ايىرار+.
29 زورلىقشىل وزگەنى ەلىكتىرەر،تەرىس جولعا ونى تۇسىرەر.
30 ول كوزىن قىسىپ، قاستاندىق ويلار،ەرنىن جىمقىرىپ، زالىمدىعىن ىسكە اسىرار.
31 اق شاش — اسەم* ٴتاج+،ٵدىل جولمەن جۇرگەن سوعان قول جەتكىزەر+.
32 بىلەكتىدەن گورى اشۋعا باياۋ+ جان ارتىق،قالانى جاۋلاپ الۋشىدان گورى ۇستامدى ادام ارتىق+.
33 جەرەبە كيىمنىڭ ەتەگىنە تاستالار+،ٴبىراق شەشىمىن ەحوبا بەرەر+.
