ناقىل سوزدەر 31:1—31
31 لەمۋەل پاتشانىڭ سوزدەرى. بۇل — وعان اناسىنىڭ ناسيحاتتاعان ۇلاعاتتى سوزدەرى+.
2 ساعان نە ايتسام ەكەن، بالام،قۇرساعىمنان شىققان ۇلىم،انت بەرىپ تاپقان بالام+؟
3 كۇش-قايراتىڭدى ايەلدەرگە جۇمساما+،پاتشالاردى كۇيرەتەتىن جولعا تۇسپە+.
4 ۋا، لەمۋەل، لايىق ەمەس پاتشالارعا،جاراسپاس پاتشالارعا شاراپ ٸشۋ،بيلەۋشىلەرگە «ىشىمدىك قايدا؟» دەپ ايتۋ+.
5 ايتپەسە ولار ٸشىپ الىپ، زاڭدى ۇمىتار،بەيشارالاردىڭ قۇقىعىن تاپتار.
6 ىشىمدىكتى ٶلىم اۋزىندا جاتقاندارعا+،شاراپتى جانى كۇيزەلگەندەرگە بەر+.
7 ولار ٸشىپ، جوقشىلىعىن ۇمىتسىن،قايعى-قاسىرەتىن ەسىنە الماسىن.
8 ۇندەي المايتىنداردى جاقتاپ سويلە،ٶمىرى قىل ۇستىندە تۇرعانداردىڭ قۇقىعىن قورعا+.
9 ٴسوزىن سويلەپ، ٵدىل سوتتا،بەيشارا مەن كەدەيلەردىڭ مۇددەسىن قورعا+.
א [الەف]*
10 جاقسى* ايەلدى كىم تابا الار+؟
ول مارجاننان دا باعالى بولار.
ב [بەت]
11 كۇيەۋى وعان تولىقتاي سەنىم ارتادى،ەشقانداي يگىلىكتەن قۇر قالمايدى.
ג [گيمەل]
12 ٶمىر بويى كۇيەۋىنە ونىڭ جاسارىجاماندىق ەمەس، جاقسىلىق قانا بولادى.
ד [دالەت]
13 ول ٴجۇن مەن زىعىر تاۋىپ كەلەدى،ٶز قولىمەن قۋانا ەڭبەك ەتەدى+.
ה [حە]
14 ساۋدا كەمەلەرى سياقتى+،ازىق-تۇلىگىن الىستان تاسيدى.
ו [ۆاۆ]
15 تاڭ اتپاي ەرتە تۇرادى،ٷي ٸشىن تاماقتاندىرادى.
كۇڭدەرىن دە ۇلەسىنەن قاقپايدى+.
ז [زاين]
16 تاناپتى مۇقيات تاڭداپ، ساتىپ الادى،ەڭبەكتەنىپ* جۇزىمدىك وتىرعىزادى.
ח [حەت]
17 اۋىر جۇمىسقا بەلىن بەكەم بۋادى+،بىلەك سىبانىپ كىرىسەدى.
ט [تەت]
18 ساۋداسىنىڭ ٴجۇرىپ جاتقانىن كورەدى،شامى دا تۇندە سونبەيدى.
י [يود]
19 ۇرشىعىن قولىنا الادى،يىرگەن ٴجىبىن بىلىككە ورايدى+.
כ [كاف]
20 مۇساپىرلەرگە ونىڭ الاقانى كەڭ،كەدەي-كەپشىككە قولى اشىق+.
ל [لامەد]
21 قار تۇسكەندە ول ٷي ٸشىن ۋايىمدامايدى،ويتكەنى بارىنە جىلى* كيىم كيگىزەدى.
מ [مەم]
22 توسەگىنە جاپقىش جاسايدى،زىعىر ماتا مەن كۇلگىن جۇننەن كيىم كيەدى.
נ [نۋن]
23 كۇيەۋى ونىڭ تانىمال قالا قاقپاسىندا+،وتىرادى ەل اقساقالدارىنىڭ اراسىندا.
ס [سامەح]
24 ول زىعىر ماتادان كيىم تىگىپ، ساتادى،بەلبەۋ جاساپ، ساۋداگەرلەرگە وتكىزەدى.
ע [اين]
25 ول كۇش پەن سالتاناتقا بولەنەدى،بولاشاققا سەنىممەن قارايدى.
פ [پە]
26 اۋزىنان دانالىق شىعادى+،تىلىندە مەيىرىمدىلىك زاڭى* بار.
צ [سادي]
27 ٷي شارۋاسىن مۇقيات باقىلايدى،جالقاۋلىق دەگەندى بىلمەيدى+.
ק [كوف]
28 بالالارى تۇرىپ، انالارىن باقىتتى دەيدى،كۇيەۋى دە ونى ماقتايدى:
ר [رەش]
29 «جاقسى* ايەلدەر كوپ-اق،ٴبىراق سەن بارىنەن دە اسىپ ٴتۇستىڭ».
ש [شين]
30 اسەمدىك الدامشى، وتكىنشى سۇلۋلىق تا+،ال ەحوبادان قورقاتىن ايەل لايىق ماقتاۋعا+.
ת [تاۆ]
31 بەرىڭدەر وعان بەينەتىنىڭ زەينەتىن+،ىستەرى ٷشىن قاقپا الدىندا ماداقتالسىن+.
سىلتەمەلەر
^ وسى تارماقتان باستاپ اكروولەڭ، ياعني ەۆرەي ٵلىپبيى بويىنشا جازىلعان.
^ نەمەسە «پىسىق؛ كەرەمەت».
^ نەمەسە «ٶز تابىسىنان». سوزبە-ٴسوز «ٶز قولىنىڭ جەمىسىنەن».
^ سوزبە-ٴسوز «قوس قاباتتى».
^ نەمەسە «سۇيىسپەنشىلىكپەن ٴتالىم بەرۋ؛ اينىماس سۇيىسپەنشىلىك زاڭى».
^ نەمەسە «پىسىق؛ كەرەمەت».
