نەحەميا 3:1—32
-
قابىرعالاردى جوندەۋ (1—32)
3 باس ٴدىني قىزمەتكەر ەلياسىپ+ پەن ونىڭ باۋىرلارى، ٴدىني قىزمەتكەرلەر، قوي قاقپاسىن+ سوعۋعا كىرىستى. ولار ونى سوعىپ، باعىشتادى* دا+، ەسىكتەرىن ورناتتى. سوسىن مەعا مۇناراسىنا+، ودان ٵرى حانانەل مۇناراسىنا+ دەيىنگى ارالىقتى سوعىپ، ونى باعىشتادى.
2 ولاردىڭ قاسىندا يەريحوننىڭ ادامدارى+، ال ولاردان كەيىن يمري ۇلى زاكۋر جۇمىس ىستەدى.
3 حاسەناحتىڭ ۇلدارى بالىق قاقپاسىن+ تۇرعىزدى. ونىڭ بورەنەلەرىن قويىپ+، ەسىكتەرىن، بەكىتكىشتەرى مەن ىسىرمالارىن ورناتتى.
4 ولاردان كەيىنگى قابىرعا بولىگىن حاكوزدىڭ نەمەرەسى، ۇرياحتىڭ ۇلى مەرەموت+ جوندەدى. ولاردىڭ قاسىندا مەشەزابەلدىڭ نەمەرەسى، بەرەكيانىڭ ۇلى مەشۋلام+، ال بۇلاردىڭ قاسىندا باعاننىڭ ۇلى سادىق جوندەۋ جۇمىسىن جۇرگىزدى.
5 كەلەسى بولىكتى تەكويالىقتار+ جوندەدى. ٴبىراق ولاردىڭ بەدەلدى كىسىلەرى تاعايىندالعان باقىلاۋشىلارعا مويىنسۇنعىسى كەلمەي، جۇمىسقا قاتىسپادى.
6 پاسەاح ۇلى جويادا مەن بەسوديا ۇلى مەشۋلام ەسكى قالا قاقپاسىن+ جوندەدى. ولار ونىڭ بورەنەلەرىن قويىپ، ەسىكتەرىن، بەكىتكىشتەرى مەن ىسىرمالارىن ورناتتى.
7 ولاردىڭ قاسىندا گيبەوندىق+ مەلاتيا مەن مەرونوتتىق جادون — ەۆفراتتىڭ+ باتىس ولكەسىندەگى ٵمىرشىنىڭ قول استىندا بولعان گيبەون مەن ميسپانىڭ+ ادامدارى — جوندەۋ جۇمىسىن اتقاردى.
8 ال كەلەسى بولىكتى زەرگەرلەردىڭ ٴبىرى حارقايا ۇلى ۇزيەل، ال ودان كەيىنگىسىن حوش ٴيىستى زات جاسايتىنداردىڭ ٴبىرى حانانياح جوندەدى. ولار يەرۋساليمنىڭ كەڭ قابىرعاعا+ دەيىنگى جولىنا تاس توسەدى.
9 ولاردىڭ جانىندا يەرۋساليمنىڭ جارتى ايماعىن باسقارعان اكىم حۇر ۇلى رەفاياح جوندەۋ جۇمىسىن جۇرگىزدى.
10 بۇلاردان كەيىن حارۋماپ ۇلى ەداياح ٶز ٷيىنىڭ تۇسىنداعى بولىكتى جوندەدى. ولاردىڭ جانىندا حاشابنەياح ۇلى حاتۋش جوندەۋ جۇمىسىن جۇرگىزدى.
11 حاريم+ ۇلى مالحياح پەن پاحات-مواب+ ۇلى حاشۋپ قابىرعانىڭ باسقا بولىگى مەن تاندىر مۇناراسىن+ جوندەدى.
12 ولاردىڭ قاسىندا يەرۋساليمنىڭ جارتى ايماعىنىڭ اكىمى حالوحەش ۇلى شالۋم ٶز قىزدارىمەن بىرگە جوندەۋ جۇمىسىن جۇرگىزدى.
13 انون مەن زانواحتىڭ+ تۇرعىندارى اڭعار قاقپاسىن+ جوندەدى. ولار ونى تۇرعىزىپ، ەسىكتەرىن، بەكىتكىشتەرى مەن ىسىرمالارىن ورناتتى. ولار قالا قابىرعاسىنىڭ كۇل-قوقىس قاقپاسىنا+ دەيىنگى 1000 شىنتاق* بولىگىن جوندەدى.
14 ال بەت-كارەم+ ايماعىنىڭ اكىمى رەحاب ۇلى مالحياح كۇل-قوقىس قاقپاسىن جوندەدى. ول ونى تۇرعىزىپ، ەسىكتەرىن، بەكىتكىشتەرى مەن ىسىرمالارىن ورناتتى.
15 ميسپا+ ايماعىنىڭ اكىمى قولحوزە ۇلى شالۇن بۇلاق قاقپاسىن+ جوندەدى. ونى تۇرعىزىپ، شاتىرىن جاسادى، ەسىكتەرىن، بەكىتكىشتەرى مەن ىسىرمالارىن ورناتتى. ول سونداي-اق پاتشا باعىنىڭ+ جانىنداعى شەلا* توعانىنىڭ+ تۇسىنداعى قابىرعانى، ٴداۋىت قالاسىنان+ تۇسەتىن باسپالداق+ جولعا دەيىنگى بولىكتى جوندەدى.
16 ودان كەيىنگى بولىكتى بەت-سۇردىڭ+ جارتىسىن باسقارعان اكىم ازبۇق ۇلى نەحەميا جوندەدى. ول ٴداۋىت اۋلەتىنىڭ قابىرىنىڭ+ تۇسىنان باستاپ، قولدان جاسالعان توعانعا+، ودان ٵرى باتىرلار ۇيىنە دەيىنگى ارالىقتى جوندەدى.
17 قابىرعانىڭ ودان كەيىنگى بولىگىن باني ۇلى رەحۋمنىڭ باسشىلىعىمەن لەۋىلىكتەر جوندەدى. ولاردىڭ قاسىندا كەيلدىڭ+ جارتىسىن باسقارعان اكىم حاشابياح ٶز ايماعىنىڭ اتىنان جوندەۋ جۇمىسىن جۇرگىزدى.
18 ودان كەيىنگى بولىكتى ولاردىڭ اعايىندارى حەناداد ۇلى باپپايدىڭ باسشىلىعىمەن جوندەدى. ول كەيلدىڭ جارتى ايماعىن باسقارعان اكىم ەدى.
19 ولاردىڭ قاسىندا ميسپانىڭ اكىمى ەشۋا+ ۇلى ەزەر جوندەۋ جۇمىسىن جۇرگىزىپ، تىرەك باعانانىڭ+ جانىنداعى قارۋ-جاراق قويماسىنا كوتەرىلەتىن تۇستاعى قابىرعانى قالپىنا كەلتىردى.
20 ونىڭ جانىندا زاباي+ ۇلى بارۋح قىزۋ جۇمىس ىستەپ، قابىرعانىڭ تاعى ٴبىر بولىگىن، تىرەك باعانادان باستاپ باس ٴدىني قىزمەتكەر ەلياسىپتىڭ+ ٷيىنىڭ كىرەبەرىسىنە دەيىنگى ارالىقتى جوندەدى.
21 ال حاكوزدىڭ نەمەرەسى، ۇرياحتىڭ ۇلى مەرەموت+ بولسا ەلياسىپتىڭ ٷيىنىڭ كىرەبەرىسىنەن شەتىنە دەيىنگى بولىكتى جوندەدى.
22 ودان كەيىنگى بولىكتى يوردان+ ايماعىنان* كەلگەن ٴدىني قىزمەتكەرلەر جوندەدى.
23 ولاردان كەيىن بەنيامين مەن حاشۋپ ٶز ۇيلەرىنىڭ تۇسىنداعى بولىكتى جوندەدى. ولاردىڭ قاسىندا انانيانىڭ نەمەرەسى، ماعاسەياح ۇلى ازارياح ٶز ٷيىنىڭ ماڭىنداعى بولىكتى جوندەدى.
24 ودان كەيىن حەناداد ۇلى بينۋي جۇمىس ىستەپ، ازارياحتىڭ ۇيىنەن باستاپ تىرەك باعاناعا+، ودان ٵرى بۇرىشقا دەيىنگى بولىكتى جوندەدى.
25 ونىڭ قاسىندا ۇزاي ۇلى پالال جۇمىس ىستەدى. ول تىرەك باعاناسىنىڭ جانە پاتشا سارايىنان+ شىعىپ تۇرعان مۇنارانىڭ، ياعني كۇزەتشى اۋلاسىنىڭ+ جوعارعى مۇناراسىنىڭ، تۇسىنداعى بولىكتى جوندەدى. ونىڭ قاسىندا پاروش+ ۇلى پەداياح جوندەۋ جۇمىسىن جۇرگىزدى.
26 وپەلدە+ تۇراتىن عيباداتحانا قىزمەتشىلەرى*+ شىعىستاعى سۋ قاقپاسىنان+ شىعىڭقى مۇنارانىڭ تۇسىنداعى بولىكتى جوندەدى.
27 ولاردان كەيىن تەكويالىقتار+ شىعىڭقى مۇنارادان باستاپ وپەل قابىرعاسىنا دەيىنگى بولىكتى جوندەدى.
28 جىلقى قاقپاسىنىڭ+ جوعارعى جاعىندا ٴدىني قىزمەتكەرلەر جۇمىس ىستەپ، ٴارقايسىسى ٶز ٷيىنىڭ تۇسىنداعى بولىكتى جوندەدى.
29 ولاردىڭ قاسىندا يمەر ۇلى سادىق+ ٶز ٷيىنىڭ تۇسىنداعى بولىكتى جوندەدى.
ال ودان كەيىنگى بولىكتى شىعىس قاقپاسىنىڭ قاراۋشىسى+ شەحانيا ۇلى شەماياح جوندەدى.
30 كەلەسى بولىكتى بولسا شەلەمياح ۇلى حانانياح پەن زالاپتىڭ التىنشى ۇلى انون جوندەدى.
بۇلاردىڭ جانىندا بەرەكيا ۇلى مەشۋلام+ ٶز بولمەسىنىڭ تۇسىنداعى بولىكتى جوندەدى.
31 ودان كەيىن زەرگەرلەردىڭ ٴبىرى مالحياح جۇمىس ىستەپ، تەكسەرۋ قاقپاسىنىڭ تۇسىنداعى عيباداتحانا قىزمەتشىلەرىنىڭ+ جانە ساۋداگەرلەردىڭ ۇيلەرىنە دەيىنگى، ودان ٵرى بۇرىشتاعى جوعارعى بولمەگە دەيىنگى بولىكتى جوندەدى.
32 ال وسى بۇرىشتاعى جوعارعى بولمەدەن قوي قاقپاسىنا+ دەيىنگى ارالىقتى زەرگەرلەر مەن ساۋداگەرلەر جوندەدى.
سىلتەمەلەر
^ سوزبە-ٴسوز «قاسيەتتى ەتتى». تۇسىندىرمەدەگى «قاسيەتتى» ٴسوزىن قاراڭىز.
^ شامامەن 445 مەتر B14 قوسىمشاسىن قاراڭىز.
^ ماعىناسى «ارىق».
^ مۇمكىن: «جاقىن ايماقتان».
^ نەمەسە «نەتيندەر». سوزبە-ٴسوز «بەرىلگەندەر».
