نەحەميا 6:1—19
6 سانبالات، توبيا+، ارابيالىق گەشەم+ مەن باسقا دا جاۋلارىمىزعا مەنىڭ قابىرعانى قايتا تۇرعىزىپ+، ويىق جەردىڭ ٴبارىن بىتەگەنىم ٴمالىم بولدى (ٴبىراق ول كەزدە قاقپالارعا ٵلى ەسىك ورناتپاعان ەدىم+).
2 سوندا سانبالات پەن گەشەم دەرەۋ ماعان: «كەل، ۋاقىت بەلگىلەپ، ونو اڭعارىنداعى+ جازىقتا ورنالاسقان اۋىلداردىڭ بىرىندە كەزدەسەيىك»،— دەپ حابار جىبەردى. ٴبىراق ولار ماعان قاستاندىق جاساۋدى ويلاپ جاتقان ەدى.
3 مەن ولارعا كىسىلەر جىبەرىپ: «مۇندا ماڭىزدى ىسپەن اينالىسىپ جاتىرمىن، بارا المايمىن. نە ٷشىن جۇمىستى توقتاتىپ، سەندەرگە بارۋىم كەرەك؟»— دەپ ايتقىزدىم.
4 ولار ٴتورت رەت وسىنداي حابار جىبەردى، تورتەۋىنە دە وسىلاي جاۋاپ بەردىم.
5 سوسىن سانبالات وسىلاي دەپ قىزمەتشىسىن بەسىنشى رەت جىبەردى. ونىڭ قولىندا مورلەنبەگەن اشىق حات بولدى.
6 حاتتا بىلاي دەپ جازىلىپتى: «اينالاداعى حالىقتاردىڭ اراسىندا تاراعان سوزگە قاراعاندا، گەشەمنىڭ+ دە ايتۋىنشا، سەن جانە ياھۋديلەر كوتەرىلىس جاساۋدى ويلاستىرۋدا ەكەنسىڭدەر+. قابىرعانى سول ٷشىن تۇرعىزىپ جاتقان كورىنەسىڭدەر. وسى حابارلارعا ساي، ٶزىڭ سولاردىڭ پاتشاسى بولماقشى ەكەنسىڭ.
7 سونداي-اق ٶزىڭ جايلى بۇكىل يەرۋساليمدە: «ياھۋدانىڭ ٶز پاتشاسى بار!»— دەپ جاريالاتۋ ٷشىن پايعامبارلار تاعايىنداپسىڭ. مۇنىڭ ٴبارى ەندى پاتشانىڭ قۇلاعىنا جەتەدى. سوندىقتان كەل، وسى ماسەلەنى بىرگە تالقىلايىق».
8 ٴبىراق مەن وعان: «ايتقاندارىڭنىڭ ٴبارى وتىرىك. ولاردى ويىڭنان شىعارىپ تۇرسىڭ»،— دەپ ايتىپ جىبەردىم.
9 جاۋلارىمىز ٴبىزدى قورقىتۋعا تىرىسىپ: «ولاردىڭ قولدارى السىرەپ، جۇمىستى اياقتاي الماي قالادى»،— دەستى+. ۋا، قۇدايىم، قولىما قۋات بەرە كور+!
10 سودان مەن مەحەتابەلدىڭ نەمەرەسى، دەلاياح ۇلى شەماياحتىڭ ۇيىنە باردىم، ٷيىن ىشىنەن بەكىتىپ العان ەكەن. ول ماعان: «قۇدايدىڭ ۇيىندە، عيباداتحانا ىشىندە، كەزدەسىپ، ەسىگىن جاۋىپ الايىق. ولار سەنى ولتىرمەكشى. تۇندە كەلىپ، مەرت قىلماق»،— دەدى.
11 ٴبىراق وعان: «مەندەي ادامنىڭ قاشقانى ٴجون بە؟ مەندەي ادام عيباداتحاناعا كىرىپ، امان قالا الار ما ەكەن+؟ جوق، وندا بارمايمىن»،— دەپ جاۋاپ بەردىم.
12 سوندا شەماياحتى قۇداي جىبەرمەگەنىن ٴتۇسىندىم. ماعان قارسى وسى پايعامبارلىقتى ايتقىزۋ ٷشىن، ونى توبيا مەن سانبالات+ جالداعان ەكەن.
13 ولاردىڭ كوزدەگەنى مەنى قورقىتىپ، كۇنا جاساتۋ بولدى. وسىلاي بەدەلىمدى ٴتۇسىرىپ، جاماناتتى ەتۋگە سەبەپ تاپپاق ەدى.
14 ۋا، قۇدايىم، توبيا+ مەن سانبالاتتى وسى ىستەگەندەرىنە قاراي جازالاي كور، سونداي-اق ايەل پايعامبار نوعاديانىڭ جانە مەنى ۇنەمى قورقىتپاق بولعان باسقا دا پايعامبارلاردىڭ سازايىن تارتقىزا كور.
15 سودان قابىرعا ەلۋل* ايىنىڭ جيىرما بەسىنشى كۇنى، 52 كۇن ىشىندە، تۇرعىزىلىپ ٴبىتتى.
16 جاۋلارىمىزدىڭ ٴبارى بۇل تۋرالى ەستىگەندە جانە اينالاداعى حالىقتار ونى كورگەندە، جەرگە قارادى+. ولار بۇل جۇمىستىڭ قۇدايىمىزدىڭ كومەگىمەن ىستەلگەنىن ٴتۇسىندى.
17 سول كۇندەرى ياھۋدانىڭ بەدەلدى كىسىلەرى+ توبياعا كوپتەگەن حاتتار جازىپ، ودان دا حات الىپ تۇردى.
18 ياھۋداداعى كوپ ادام قولداۋ كورسەتەمىز دەپ توبيامەن ٴسوز بايلاسقان ەدى. ويتكەنى ول اراح+ ۇلى شەحانيانىڭ كۇيەۋبالاسى بولاتىن. ال ونىڭ ۇلى جوحانان بەرەكيا ۇلى مەشۋلامنىڭ+ قىزىنا ۇيلەنگەن ەدى.
19 سول ياھۋديلەر ماعان توبيانى قويماي ماقتاپ، ال مەنىڭ سوزدەرىمدى وعان جەتكىزىپ تۇردى. توبيا بولسا مەنى قورقىتپاق بولىپ حات جىبەرىپ وتىردى+.
سىلتەمەلەر
^ B15 قوسىمشاسىن قاراڭىز.
