وشيا 1:1—11
1 ياھۋدا پاتشالارى+ ۇزياحتىڭ+، جوتامنىڭ+، احاز+ بەن ەزەكيانىڭ+ تۇسىندا جانە يسرايل پاتشاسى جوعاش+ ۇلى ەروبوعامنىڭ+ تۇسىندا ەحوبانىڭ* بەگەري ۇلى وشياعا* ارناعان ٴسوزى.
2 ەحوبا وشيا ارقىلى حالىققا ٴسوزىن جەتكىزە باستادى. ەحوبا وعان: «بار دا، ايەل ال، ول ازعىندىق جاساپ، ازعىندىقتان بالالار تۋادى. ويتكەنى مىنا ەل دە ازعىندىق جاساپ، ەحوبا قۇدايىنىڭ جولىنان تايىپ كەتتى+»،— دەدى.
3 سودان وشيا بارىپ، ديبلايىمنىڭ قىزى گومەرگە ۇيلەندى. ول جۇكتى بولىپ، وعان ۇل تۋىپ بەردى.
4 سوندا ەحوبا وشياعا: «ونىڭ اتىن ەزرەحەل* دەپ قوي. ويتكەنى كوپ ۇزاماي مەن ەزرەحەلدە قان توككەنى ٷشىن يقۋدىڭ+ ٷيىن جاۋاپقا تارتامىن، ٴسۇيتىپ، يسرايل ٷيىنىڭ پاتشالىق بيلىگىن توقتاتامىن+.
5 سول كۇنى ەزرەحەل اڭعارىندا* يسرايلدىڭ ساداعىن سىندىرامىن»،— دەدى.
6 گومەر تاعى دا جۇكتى بولىپ، قىز تۋدى. سوندا قۇداي وشياعا: «ونىڭ اتىن لورۋحاما* دەپ قوي، سەبەبى مەن يسرايل ۇيىنە بۇدان بىلاي راقىم كورسەتپەيمىن+، ولاردى قۋىپ جىبەرەمىن+.
7 ال ياھۋدا ۇيىنە راقىم كورسەتىپ+، ونى مەن، قۇدايلارى ەحوبا، قۇتقارامىن+. ٴبىراق بۇل ٷشىن ساداق، سەمسەر، شايقاس، سوعىس، ات نە سالت اتتىلاردى قولدانبايمىن+»،— دەدى.
8 لورۋحاما ەمشەكتەن شىققان سوڭ، گومەر قايتادان جۇكتى بولىپ، ۇل تۋدى.
9 سوندا قۇداي بىلاي دەدى: «ونىڭ اتىن لوعامي* دەپ قوي، ويتكەنى سەندەر مەنىڭ حالقىم ەمەسسىڭدەر، ال مەن سەندەردىڭ قۇدايلارىڭ ەمەسپىن.
10 ايتسە دە يسرايل حالقىنىڭ سانى تەڭىز جاعاسىنداعى قۇم قيىرشىقتارىنداي كوبەيىپ، ولشەۋگە دە، ساناۋعا دا كەلمەيتىن بولادى+. «مەنىڭ حالقىم ەمەسسىڭدەر»+ دەپ ايتىلعان جەردە ولارعا «ٴتىرى قۇدايدىڭ ۇلدارى»+ دەلىنەدى.
11 ياھۋدا مەن يسرايلدىڭ ادامدارى باس قوسىپ بىرىگەدى+. ٴسۇيتىپ، وزدەرىنە ٴبىر باسشىنى تاعايىنداپ، سول ەلدەن شىعىپ كەتەدى. ول كۇن ەزرەحەل+ ٷشىن ۇلى كۇن بولادى.
سىلتەمەلەر
^ بۇل — قۇدايدىڭ ەسىمى. تۇسىندىرمەنى قاراڭىز.
^ حوشياحتىڭ قىسقارتىلعان اتى. ماعىناسى «ياح قۇتقاردى».
^ ماعىناسى «قۇداي تۇقىم سەبەتىن بولادى».
^ نەمەسە «اڭعارداعى جازىق».
^ ماعىناسى «راقىم كورسەتىلمەگەن».
^ ماعىناسى «مەنىڭ حالقىم ەمەس».
