وشيا 10:1—15
10 «يسرايل جابايىلانىپ* بارا جاتقان ٴجۇزىم ىسپەتتى+.
جەمىسى كوبەيگەن سايىن، قۇرباندىق ورىندارىن كوبەيتۋدە+.
جەرىنىڭ ٶنىمى جاقسارعان سايىن، قاسيەتتى باعانالارىن ادەمىلەۋدە+.
2 ولاردىڭ جۇرەكتەرىنە ەكىجۇزدىلىك* ۇيالاعان.
ەندى ولار ايىپتى دەپ تابىلادى.
قۇرباندىق ورىندارىن تالقانداپ، باعانالارىن قيراتاتىن بىرەۋ بار.
3 ەندى ولار: «ەحوبادان قورىقپاعاندىقتان، بىزدە پاتشا جوق+،بولعان كۇندە دە، ول ٴبىز ٷشىن نە ىستەي الار ەدى؟»— دەيتىن بولادى.
4 ولار بوس ٴسوز ايتۋدا، جالعان انتتار بەرۋدە+، كەلىسىمدەر جاساسۋدا.
سوندىقتان دا سوت ىستەرى جىرتىلعان جەرگە قاۋلاپ وسكەن ۋلى ٴشوپ ىسپەتتى+.
5 ساماريا تۇرعىندارى بەت-ابەننىڭ بۇزاۋ ٴمۇسىنىن+ ۋايىمداپ قورقادى،حالقى ونى جوقتاپ قايعىرادى،وعان جانە ونىڭ سالتاناتىنا قۋانعان بوتەن ٴتاڭىردىڭ ٴدىني قىزمەتكەرلەرى دە ەڭىرەپ جىلايدى.
ويتكەنى سول ٴمۇسىن جەر اۋدارىپ اكەتىلەدى.
6 ول ۇلى پاتشاعا سي رەتىندە اسسيرياعا اپارىلادى+.
ەفرەم ۇياتقا قالاتىن بولادى،يسرايل قۇلاق اسقان اقىل-كەڭەسى ٷشىن ماسقارا بولادى+.
7 ساماريا مەن ونىڭ پاتشاسىنىڭ ٷنى وشەدى+،ول كەسىلىپ سۋ بەتىنە تاستالعان بۇتاق سياقتى عايىپ بولادى.
8 بەت-ابەننىڭ+ توبەلەرى، يسرايلدىڭ كۇناسى+، جويىلادى+.
ونداعى قۇرباندىق ورىندارىن تىكەن مەن تۇيەتىكەن باسادى+.
سوندا حالىق تاۋلارعا: «ٴبىزدى جاۋىپ قالىڭدار!»
ال توبەلەرگە: «ۇستىمىزگە قۇلاڭدار!»— دەيتىن بولادى+.
9 ۋا، يسرايل، گيبەيانىڭ كۇندەرىنەن بەرى كۇنا جاساپ كەلەسىڭ+،سودان بەرى ەش وزگەرگەن جوقسىڭ.
گيبەياداعى سوعىستا ادىلەتسىز ۇلدار تۇگەل جويىلماعان ەدى.
10 قالاعان كەزىمدە مەن ولاردى جازالايمىن.
ولار وزدەرىنىڭ ەكى قىلمىسىنا جەگىلگەندە*،حالىقتار ولارعا قارسى جينالاتىن بولادى.
11 ەفرەم استىق باستىرۋعا ۇيرەتىلگەن ٵرى سونى جاقسى كورەتىن تاناداي ەدى،سوندىقتان ونىڭ ادەمى موينىن اياعانمىن.
ال ەندى بىرەۋدى ەفرەمنىڭ ۇستىنە مىنگىزەمىن*+،ياھۋدا ول ٷشىن جەر جىرتىپ، جاقىپ تىرمالاپ بەرەدى.
12 وزدەرىڭ ٷشىن ادىلدىكتىڭ تۇقىمىن سەۋىپ،اينىماس سۇيىسپەنشىلىك ورىڭدار.
ەحوبانى ىزدەۋگە ٵلى دە ۋاقىت باردا+،ول كەلىپ، ادىلدىككە ۇيرەتكەنگە دەيىن+،وزدەرىڭ ٷشىن ەگىستىك جەردى جىرتىڭدار+.
13 ٴبىراق سەندەر زۇلىمدىق جىرتىپ،ادىلەتسىزدىك وردىڭدار+،قۋلىق-سۇمدىقتىڭ جەمىسىن جەدىڭدەر.
ويتكەنى ۇستانعان ٶز جولدارىڭا،قىرۋار ساربازدارىڭا سەنىم ارتتىڭدار.
14 حالقىڭا قارسى ايقاي-شۋ كوتەرىلەدى،بەكىنىستى قالالارىڭ قيراپ، قاڭىراپ قالادى+،بۇل شالماننىڭ اربەل ٷيىن ويران قىلىپ،انالارى بالا-شاعاسىمەن قوسا كەسكىلەپ ولتىرىلگەن شايقاس كۇنىندەي بولادى.
15 اسقان زۇلىمدىعىڭ ٷشىن، ۋا، بەتەل، وسىنداي نارسەلەر باسىڭا تۇسەدى+.
تاڭ اتا يسرايل پاتشاسىنىڭ ٷنى وشەدى+».
سىلتەمەلەر
^ مۇمكىن: «جايقالعان».
^ نەمەسە «تياناقسىزدىق؛ سەنىمسىزدىك».
^ ياعني جازالارىن مويىنتۇرىق سياقتى كوتەرگەندە.
^ نەمەسە «قامىت كيگىزدىرەمىن».
