وشيا 13:1—16
13 «ەفرەم سويلەگەندە، ادامدار قالتىراپ دىرىلدەيتىن،يسرايلدە ونىڭ بەدەلى زور بولاتىن+.
الايدا باعالعا تابىنعانى ٷشىن ول كۇنالى بولىپ+، ٶلدى.
2 ال ەندى كۇنالارىن كوبەيتىپ،كۇمىستەرىن بالقىتىپ، مۇسىندەر جاساپ الدى+،شەبەرلەرگە بار ونەرىن سالعىزىپ، پۇتتار جاساتتى.
ٴسۇيتىپ، ولارعا: —قۇرباندىق اكەلگەندەر بۇزاۋلاردى ٴسۇيسىن،— دەيدى+.
3 سوندىقتان ول تەز سەيىلەتىن تاڭعى تۇمانداي،ەرتەمەن عايىپ بولاتىن شىقتاي،قىرماننان جەل ۇشىرعان كەبەكتەي،ٷي توبەسىنىڭ تەسىگىنەن شىققان تۇتىندەي بولادى.
4 ٴبىراق مەن سەنىڭ مىسىردان شىعارعان كەزدەن بەرگى ەحوبا قۇدايىڭمىن+،سەن مەنەن باسقا قۇدايدىڭ،مەنەن باسقا قۇتقارۋشىنىڭ جوق ەكەنىن بىلەتىنسىڭ+.
5 ٴشول دالادا، قۋاڭ جەردە ساعان قامقورلىق جاسادىم+.
6 حالىق ٶز جايىلىمدارىندا ٴجۇرىپ تويىندى+،تويىنىپ العاندا، جۇرەكتەرى پاڭداندى.
ٴسۇيتىپ، مەنى ەستەن شىعاردى+.
7 مەن ولار ٷشىن جاس ارىستانداي+،جولدى تورىپ جاتقان قابىلانداي بولامىن.
8 قونجىقتارىنان ايىرىلعان ايۋداي شىعا كەلىپ،توستەرىن ايىرىپ تاستايمىن.
ولاردى ارىستانداي جالمايمىن،دالاداعى جىرتقىش اڭداي پارشالاپ تاستايمىن.
9 سودان سەن، ۋا، يسرايل، قۇرىپ كەتەسىڭ.
ويتكەنى كومەكشىڭ بولعان ماعان قارسى شىقتىڭ.
10 ەندەشە بارلىق قالاڭدا سەنى قۇتقاراتىن پاتشاڭ قايدا+؟
—ماعان پاتشا مەن امىرشىلەر بەر،— دەپ+،سۇراپ العان بيلەۋشىلەرىڭ قايدا؟
11 اشۋمەن ساعان پاتشا بەرىپ ەدىم+،ەندى قاھارىما ٴمىنىپ، ونى الىپ قويامىن+.
12 ەفرەمنىڭ قىلمىسى وراۋلى*،ال ونىڭ كۇناسى ساقتاۋلى تۇر.
13 ونى تولعاق ازابى قىسادى.
ول تۋىلاتىن ساتتە قۇرساقتىڭ اۋزىنا كەلمەيتىناقىلسىز نارەستەگە دە ۇقسايدى.
14 كوردىڭ* ۋىسىنان ولاردى بوساتامىن*،ولىمنەن قايتارىپ الامىن+.
ٶلىم، ۋلى ٴتىسىڭ قايدا+؟
كور، جويقىن كۇشىڭ قايدا+؟
الايدا مەن ەفرەمگە اياۋشىلىق جاسامايمىن.
15 ول ٴتىپتى قامىس سياقتى جايقالىپ وسسە دە،ٴشول دالادان شىعىستىڭ جەلى،ەحوبانىڭ جەلى، سوعىپ،قۇدىعى مەن بۇلاعىن قۇرعاتىپ تاستايدى.
ونىڭ قازىناسىنداعى نەبىر باعالى زاتتار تونالادى+.
16 ٶز قۇدايىنا قارسى شىققاندىقتان+، ساماريا كىنالى دەپ تابىلادى+.
ولار سەمسەردىڭ جۇزىنەن قىرىلىپ+،بالالارى كەسكىلەنىپ ولتىرىلەدى،جۇكتى ايەلدەرىنىڭ ىشتەرى جارىلادى».
سىلتەمەلەر
^ نەمەسە «ساقتاۋلى».
^ ەۆرەيشە «شەول». تۇسىندىرمەنى قاراڭىز.
^ نەمەسە «قۇن تولەپ ازات ەتەمىن».
