وشيا 14:1—9
14 «ۋا، يسرايل، قۇدايىڭ ەحوباعا قايتا ورال+،سەبەبى سەن ٶز قىلمىسىڭنىڭ كەسىرىنەن ٴسۇرىندىڭ.
2 مىنا سوزدەرمەن ەحوباعا قايتا ورالىپ:
—قىلمىسىمىزدى كەشىرە كور+، بىزدەن جاقسى نارسەنى قابىل الا كور.
جاس بۇقالاردى قۇرباندىققا ۇسىنعانداي، ساعان ماداقتاۋ سوزدەرىن ۇسىنامىز+.
3 اسسيريا ٴبىزدى قۇتقارمايدى+.
بۇدان بىلاي اتقا ٴمىنىپ جۇرمەيمىز+،قولىمىزبەن جاساعان زاتتارعا «ۋا، قۇدايىمىز!» دەيتىن بولمايمىز.
ويتكەنى جەتىمگە مەيىر-شاپاعات كورسەتەتىن ٶزىڭسىڭ عوي+،— دەڭدەر.
4 مەن ولاردى ساۋىقتىرامىن+، ەندى وپاسىزدىق جاسامايدى.
ولارعا دەگەن اشۋىم قايتقاندىقتان+،ولاردى ٶز ەركىممەن جاقسى كورەمىن+.
5 مەن يسرايلگە شىق ىسپەتتى بولامىن،سوندا ول لالاگۇلدەي قۇلپىرادى،ليۆان اعاشىنداي تامىر جايادى.
6 ول وركەن جايىپ،داڭقى ٴزايتۇن اعاشىنداي شىعادى،جۇپار ٴيىسى ليۆان اعاشىنداي اڭقيدى.
7 حالقىم قايتادان مەنى سايالايدى.
ولار ەگىن ەگىپ، ٴجۇزىم ىسپەتتى گۇلدەيدى+.
ونىڭ اتاعى ليۆان شارابىنداي بولادى.
8 ەفرەم: —پۇتتاردىڭ ەندى ماعان قاجەتى نە؟— دەيتىن بولادى+.
ٶزىم وعان كوڭىل اۋدارىپ، قامىن جاسايمىن+.
مەن جايقالعان ارشاداي بولامىن.
ساعان جەمىستى ٶزىم بەرەمىن».
9 كىم دانا؟ سول وسى جايتتاردى ۇعىپ السىن.
كىم پاراساتتى؟ سول وسىلاردى ٴبىلىپ السىن.
ويتكەنى ەحوبانىڭ جولدارى ٴتۇزۋ+،ادىلدەر سول جولدارمەن جۇرەدى،ال كۇناكارلار ٴسۇرىنىپ قۇلايدى.
