وشيا 3:1—5
3 سوسىن ەحوبا ماعان: «قايتادان بار دا، باسقا ەركەكتىڭ سۇيىكتىسى بولىپ، ازعىندىق جاساپ جۇرگەن سول ايەلدى جاقسى كور+. سول سياقتى، ەحوبا دا باسقا تاڭىرلەرگە بەت بۇرىپ+، مەيىز كۇلشەلەر* ۇسىنۋدى ۇناتاتىن يسرايل حالقىن جاقسى كورەدى+»،— دەدى.
2 مەن 15 كۇمىس اقشا جانە 5.1 حومەر* ارپا تولەپ، ايەلدى قايتارىپ الدىم.
3 ٴسۇيتىپ، وعان: «سەن ۇزاق ۋاقىت مەنىمەن بىرگە تۇراسىڭ. ەندى ازعىندىق جاساپ، باسقا ەركەكپەن جاقىنداسپا. مەن دە سەنىمەن جاقىنداسپايمىن»،— دەدىم.
4 سەبەبى يسرايل حالقى دا ۇزاق ۋاقىت بويى پاتشاسىز+، ٵمىرشىسىز، قۇرباندىقسىز، قاسيەتتى باعاناسىز، ەفودسىز+، پۇتتارسىز*+ ٶمىر سۇرەدى.
5 سودان كەيىن يسرايل حالقى قايتا ورالىپ، قۇدايلارى ەحوبانى+ جانە پاتشالارى ٴداۋىتتى+ ىزدەيتىن بولادى. سوڭعى كۇندەرى ولار ەحوبانىڭ ىزگىلىگىن كورۋ ٷشىن، تەرەڭ قاستەرلەۋ سەزىمىمەن ونىڭ الدىنا كەلەدى+.
سىلتەمەلەر
^ ياعني جالعان عيباداتتا قولدانىلاتىن كۇلشەلەر.
^ 1 حومەر 220 ليترگە تەڭ. B14 قوسىمشاسىن قاراڭىز.
^ سوزبە-ٴسوز «تەرافيم»، ياعني وتباسى تاڭىرلەرى.
