وشيا 4:1—19
4 ۋا، يسرايل حالقى، ەحوبانىڭ ٴسوزىن تىڭدا،ەحوبا وسى ەلدىڭ تۇرعىندارىنىڭ ٸسىن قاراستىرادى+.
سەبەبى بۇل ەلدە شىندىق تا، اينىماس سۇيىسپەنشىلىك تە،قۇداي تۋرالى ٴبىلىم دە جوق+.
2 جالعان انت بەرۋ، وتىرىك ايتۋ+، كىسى ٶلتىرۋ+،ۇرلىق جاساۋ، نەكە ادالدىعىن بۇزۋ+ كەڭ ەتەك العان،قان توگىستەن قان توگىس+.
3 مىنە، سوندىقتان بۇل جەر قايعىرىپ+،ٵربىر تۇرعىنى توز-توز بولىپ، قۇريدى.
دالاداعى اڭدار مەن اسپانداعى قۇستار،تىپتەن تەڭىزدەگى بالىقتار دا قىرىلادى.
4 «ٴبىراق حالقىڭدى ەشكىم ۇرسىپ، سوكپەي-اق قويسىن+،ويتكەنى ولار ٴدىني قىزمەتكەرمەن داۋلاسۋدان تايىنبايتىن ادامدار+.
5 سوندىقتان ٴتىپتى كۇندىز سۇرىنەتىن بولاسىڭدار،سەندەرمەن بىرگە پايعامبار دا تۇندە جۇرگەندەي شالىنادى.
مەن انالارىڭنىڭ ٷنىن وشىرەمىن*.
6 مەنى تانىپ-بىلمەگەندىكتەن، حالقىمنىڭ ٷنى وشەدى*،مەنى تانىپ-بىلۋدەن باس تارتقاندارىڭ ٷشىن+،مەن دە سەندەردى ٴدىني قىزمەتكەرىم بولۋدان شەتتەتەمىن.
قۇدايلارىڭنىڭ زاڭىن ۇمىتقاندارىڭ ٷشىن+،مەن دە سەندەردىڭ بالالارىڭدى ۇمىتامىن.
7 ٴدىني قىزمەتكەرلەر كوبەيگەن سايىن،ولار ماعان قارسى كۇنا جاساۋىن دا كوبەيتتى+.
مەن ولاردىڭ سالتاناتىن ماسقارامەن الماستىرامىن*.
8 ولار حالقىمنىڭ كۇناسىنىڭ ەسەبىنەن تاماقتانىپ،ونىڭ قىلمىس جاساعانىن كوكسەۋدە.
9 ٴدىني قىزمەتكەرمەن نە بولسا، حالىقپەن دە سول بولادى.
ولاردى جۇرگەن جولدارى ٷشىن جاۋاپقا تارتامىن،ىستەگەن ىستەرىنىڭ زاردابىن تارتقىزامىن+.
10 ولار جەيدى، ٴبىراق تويىنبايدى+،بەيبەرەكەت ازعىندىق جاسايدى، ٴبىراق بالالى بولمايدى+.
ويتكەنى ەحوباعا ەش قۇرمەت كورسەتپەيدى.
11 ازعىندىق، ەسكى شاراپ پەن جاڭا شاراپادامدى دۇرىس نيەتتەن ايىرادى+.
12 حالقىم اعاش پۇتتارىمەن اقىلداسىپ،تاياقتارى* نە ايتسا، سونى ىستەيدى.
ازعىندىق رۋحى ولاردى اداستىردى،ازعىندىقتىڭ كەسىرىنەن قۇدايلارىنا باعىنعىسى كەلمەيدى.
13 تاۋ باستارىندا ولار قۇرباندىق شالۋدا+،توبەلەردە قۇرباندىق ٴتۇتىنىن شىعارۋدا.
ساياسى جاقسى بولعاندىقتان،ەمەن، ستيراكس پەن ٵربىر ۇلكەن اعاشتىڭ تۇبىندە دە قۇرباندىق اكەلۋدە+.
سول سەبەپتى قىزدارىڭ ازعىندىققا بارىپ،كەلىندەرىڭ نەكە ادالدىعىن بۇزادى.
14 مەن قىزدارىڭدى ازعىندىق جاساعانى ٷشىن،كەلىندەرىڭدى نەكە ادالدىعىن بۇزعانى ٷشىن جاۋاپقا تارتپايمىن.
ويتكەنى ەركەكتەردىڭ وزدەرى سالداقىلارمەن وڭاشا قالادى،عيباداتحاناداعى جەزوكشەلەرمەن بىرگە قۇرباندىق شالادى.
مۇنداي نادان+ حالىق قۇريدى.
15 ۋا، يسرايل، سەن ازعىندىققا سالىندىڭ+،الايدا، ياھۋدا، سەن مۇنداي كۇنا جاساما+.
عىلعالعا+ دا، بەت-ابەنگە+ دە بارما،«بۇل — ەحوبانىڭ ٴتىرى ەكەنىندەي حاق!» دەپ انت بەرۋشى بولما+.
16 يسرايل قىرسىق سيىرداي قاسارىسىپ العان+.
ەندى ەحوبا ولاردى توقتى ىسپەتتى جايىلىمعا جايا ما؟
17 ەفرەم پۇتتارعا ٷيىر بولىپ كەتكەن+،ٶز بەتىمەن جۇرە بەرسىن!
18 ول سىراسى بىتكەندە،بەيبەرەكەت ازعىندىققا سالىنادى.
ونىڭ بيلەۋشىلەرى* ۇياتتى ىستەرگە قۇمار+.
19 جەل ونى قاناتتارىنا وراپ اكەتەدى*،سوندا ول قۇرباندىقتارى ٷشىن ۇياتقا قالادى».
سىلتەمەلەر
^ نەمەسە «جويامىن».
^ نەمەسە «جويىلادى».
^ مۇمكىن: «ولار مەنىڭ سالتاناتىمدى ماسقارامەن الماستىردى».
^ نەمەسە «ساۋەگەيدىڭ تاياعى».
^ سوزبە-ٴسوز «قالقاندارى».
^ نەمەسە «سىپىرىپ تاستايدى».