وشيا 5:1—15
-
ەفرەم مەن ياھۋداعا شىعارىلعان ۇكىم (1—15)
5 «تىڭداڭدار، ٴدىني قىزمەتكەرلەر+،دەن قويىڭدار، ۋا، يسرايل ٷيى،قۇلاق سالىڭدار، ۋا، پاتشانىڭ ٷيى،سەندەرگە سوت جۇرگىزىلەدى.
ويتكەنى ميسپا ٷشىن قۇرىلعان تۇزاقسىڭدار،تابوردىڭ+ ۇستىنە لاقتىرىلعان تورسىڭدار.
2 جولدان تايعاندار* قاندى سۋداي اعىزدى.
ولاردىڭ بارىنە ەسكەرتەمىن*.
3 ەفرەمدى جاقسى بىلەمىن،يسرايل مەنەن جاسىرىن ەمەس.
ۋا، ەفرەم، بەيبەرەكەت ازعىندىققا سالىندىڭ.
يسرايل ٶز-ٶزىن ارامدادى+.
4 ولاردىڭ ىستەرى قۇدايعا قايتۋلارىنا مۇرشا بەرمەيدى،ويتكەنى ارالارىندا ازعىندىق رۋحى كەڭ تاراعان+.
ولار ەحوبانى مويىندامايدى.
5 يسرايلدىڭ وركوكىرەكتىگى وزىنە قارسى كۋا بولدى+.
يسرايل مەن ەفرەم ٶز قىلمىستارىنان ٴسۇرىندى.
ولارمەن بىرگە ياھۋدا دا شالىندى+.
6 ولار وتار-تابىندارىمەن ەحوبانى ىزدەدى،ٴبىراق ونى تابا المادى.
ويتكەنى قۇداي ولاردان الشاقتاپ كەتكەن ەدى+.
7 ولار بوتەن بالالارعا اكە بولىپ،ەحوباعا ساتقىندىق جاسادى+،ٴبىر اي ولاردى مەنشىگىمەن قوسا جالماپ قويادى*.
8 گيبەيادا ٴمۇيىز كەرنەي تارتىڭدار+،راماقتا دا كەرنەيلەتىڭدەر+!
بەت-ابەندە+ اتوي سالىڭدار!
ۋا، بەنيامين، سەنىڭ سوڭىڭنان كەلەمىز!
9 ەي، ەفرەم، جازاعا تارتىلعان كۇنى ادام شوشيتىن كۇيگە تۇسەسىڭ+.
يسرايل رۋلارىنا ٴشۇباسىز بولاتىن جايتتاردى جاريالادىم.
10 ياھۋدا امىرشىلەرى شەگارا بەلگىسىن جىلجىتقاندارعا ۇقسايدى+.
ولاردىڭ ۇستىنە قاھارىمدى سۋداي توگەمىن.
11 دۇشپاندارىنا ەرۋگە بەل بۋعاندىقتان،ەفرەم قىسىم كورىپ، ٵدىل جازاسىن الىپ كۇيرەۋدە+.
12 سوندىقتان مەن ەفرەم ٷشىن كيىمگە تۇسەتىن كۇيە سياقتى،ياھۋدا ٷيى ٷشىن بۇلدىرەتىن شىرىك ىسپەتتى بولدىم.
13 ەفرەم ٶز اۋرۋىن، ياھۋدا ٶز جاراسىن بايقاعاندا،ەفرەم اسسيرياعا بارىپ+، ۇلى پاتشاعا حابارشى جىبەردى.
ٴبىراق ول سەندەردى ايىقتىرا المادى،جارالارىڭدى جازۋ قولىنان كەلمەدى.
14 مەن ەفرەم ٷشىن جاس ارىستانداي،ياھۋدا ٷيى ٷشىن كۇشتى ارىستانداي بولامىن.
ٶزىم ولاردى پارشالاپ، تاستاپ كەتەمىن+.
ولاردى سۇيرەپ اكەتەمىن، ەشكىم قۇتقارمايدى+.
15 مەن ورنىما ورالامىن،ولار كۇناسىنىڭ سالدارىن كورگەنشە، سول جەردە قالامىن.
سوندا ولار ىقىلاسىما يە بولۋعا تىرىسادى+.
قاتتى قينالعاندا، مەنى ىزدەيتىن بولادى+».
سىلتەمەلەر
^ نەمەسە «بۇلىكشىلەر».
^ نەمەسە «ولاردى جونگە سالامىن».
^ مۇمكىن: «ولار ٴبىر ايدىڭ ىشىندە قۇرىپ كەتەدى».
