وشيا 6:1—11
6 «كەلىڭدەر، ۋا، حالىق، ەحوباعا قايتا ورالايىق،ول ٴبىزدى پارشالاپ تاستاپ ەدى+، ٶزى ساۋىقتىرادى.
جاراقاتتاپ ەدى، ٶزى جارامىزدى تاڭىپ بەرەدى.
2 ەكى كۇننەن كەيىن ٴبىزدى جانداندىرادى،ٷشىنشى كۇنى اياققا تۇرعىزادى،وسىلاي ونىڭ الدىندا ٶمىر سۇرەمىز.
3 ەحوبانى تانىپ-بىلەمىز، ول جايلى ٴبىلىم الۋعا جان سالا ۇمتىلامىز.
تاڭنىڭ ٴسوزسىز اتاتىنىنداي، ونىڭ كەلەتىنى دە ٴشۇباسىز.
ول بىزگە قۇيىپ جاۋاتىن نوسەردەي،جەردى سۋعا قاندىراتىن كوكتەمگى جاۋىنداي بولىپ كەلەدى».
4 «ەفرەم، مەن ساعان نە ىستەسەم ەكەن؟
ياھۋدا، ساعان نە قىلسام ەكەن؟
سەنىڭ اينىماس سۇيىسپەنشىلىگىڭ تاڭعى تۇمانداي،ٵپ-ساتتە عايىپ بولاتىن شىقتاي.
5 سوندىقتان سەندەردى پايعامبارلاردىڭ حابارىمەن شاۋىپ تاستايمىن+.
اۋزىمنان شىققان سوزبەن مەرت قىلامىن+.
سەندەرگە شىعارىلعان ۇكىم تاڭ نۇرىنداي ايقىن بولادى+.
6 ماعان قۇرباندىقتان گورى اينىماس سۇيىسپەنشىلىك* تانىتقاندارىڭ،تۇگەل ورتەلەتىن قۇرباندىقتان گورى قۇداي تۋرالى ٴبىلىم العاندارىڭ ۇنامدى+.
7 ال سەندەر پەندەشىلىكپەن كەلىسىمدى بۇزدىڭدار+.
ٶز جەرلەرىڭدە مەنى ساتىپ كەتتىڭدەر.
8 عالاقات — زۇلىمدىق جاساۋشىلاردىڭ قالاسى+،ولاردىڭ جۇرگەن جەرى — قانتوگىس+.
9 ٴدىني قىزمەتكەرلەردىڭ توبىرى جولاۋشىنى اڭدىپ جاتقان قاراقشىلارداي.
ولار ابدەن بۇزىلعاندىقتان،سيحەمنىڭ+ جولىندا كىسى ولتىرەدى.
10 يسرايل ۇيىندە ٴبىر سۇمدىقتى كوردىم.
سول جەردە ەفرەم ازعىندىقپەن اينالىسىپ+،يسرايل ٶز-ٶزىن ارامداپ جاتىر+.
11 ال ساعان، ۋا، ياھۋدا، وراق كەزىن بەلگىلەدىم،سول كەزدە تۇتقىنداعى حالقىمدى جيناپ، ەلىنە قايتارامىن+».
سىلتەمەلەر
^ نەمەسە «مەيىرىمدىلىك».
