وشيا 9:1—17
9 «ۋا، يەرۋساليم، شاتتانبا+،وزگە حالىقتار سياقتى قۋانبا.
ويتكەنى ازعىندىعىڭنىڭ كەسىرىنەن قۇدايىڭنان الشاقتاپ كەتتىڭ+.
ٵر قىرماندا ازعىندىق جاساپ تاپقان سياقىڭدى ۇناتتىڭ+.
2 ەندى قىرمان مەن ٴجۇزىم سىعاتىن ورىن سەنى اسىرامايدى،جاڭا شاراپ تا بولماي قالادى+.
3 ولار بۇدان بىلاي ەحوبانىڭ جەرىندە تۇرمايدى+،قايتا، ەفرەم مىسىرعا ورالادى،اسسيريادا ارام نارسەلەر جەيتىن بولادى+.
4 ەندىگارى ولار ەحوباعا شاراپتى تارتۋ ەتىپ توكپەيدى+،قۇرباندىقتارىنا ول ريزا بولمايدى+.
بۇلارى قاسىرەت نانى ىسپەتتى.
ودان جەگەندەردىڭ ٴبارى ارامدالادى.
ويتكەنى ولاردىڭ نانى وزدەرىنە عانا ارنالعان،ول ەحوبانىڭ ۇيىنە اكەلىنبەيدى.
5 ەحوباعا باعىشتالعان مەيرام كۇنى،باس قوسىپ جينالعان كۇنى نە ىستەمەكسىڭدەر؟
6 مىنە، ەلدىڭ تاس-تالقانى شىققاندىقتان+، قاشۋعا ٴماجبۇر بولاسىڭدار.
مىسىر سەندەردى جينايدى+، ال مەمفيس جەرلەيدى+.
كۇمىستەن جاسالعان باعالى زاتتارىڭدى قالاقاي باسىپ،شاتىرلارىڭنىڭ ٸشىن تىكەندى بۇتا قاپتاپ كەتەدى.
7 قۇداي سەندەردى جازالاپ+،ەسەسىن قايتاراتىن كۇندەر كەلە جاتىر،يسرايل، وسىنى ٴبىلىپ قوي.
پايعامبارىڭ اقىماق بولادى، رۋحقا بولەنگەن ادامىڭ ەسىنەن اۋىسادى.
قىلمىسىڭ باستان اساتىندىقتان، ساعان دەگەن وشپەندىلىك تە كوپ».
8 كەزىندە ەفرەمنىڭ كۇزەتشىسى+ مەنىڭ قۇدايىممەن بىرگە ەدى+.
ال ەندى پايعامبارلارىنىڭ+ جولى قۇس اۋلاۋشىنىڭ تۇزاعى سياقتى.
قۇدايىنىڭ ٷيى وشپەندىلىككە تولى.
9 يسرايل حالقى گيبەيانىڭ كۇندەرىندەگىدەي ابدەن بۇزىلعان+.
قۇداي ولاردىڭ قىلمىسىن ەسىنە الىپ، كۇنالارى ٷشىن جازاعا تارتادى+.
10 «مەن يسرايلدى تاپقاندا، ٴشول دالادا ٴجۇزىم بۇتاسىن تاپقانداي بولدىم+.
اتا-بابالارىن كورگەندە، ەرتە پىسەتىن ٸنجىر اعاشىن كورگەندەي بولدىم.
ٴبىراق ولار پەعور باعالىنا بەت بۇرىپ+،وزدەرىن ۇياتقا قالدىراتىن نارسەگە* باعىشتادى+،سودان ولار جاقسى كورگەن سول نارسەسى سياقتى جەركەنىشتى بولىپ كەتتى.
11 ەفرەمنىڭ ٴسان-سالتاناتى قۇس ىسپەتتى ۇشىپ كەتتى.
بويىنا بالا بىتكەن، جۇكتى بولعان، بوسانىپ جاتقان ەشكىم جوق+.
12 ٴتىپتى وسىرگەن بالالارى بولعان كۇندە دە،ولاردان ايىرامىن، بىردە-ٴبىر ادام قالدىرمايمىن+.
وسىلاي تەرىس اينالعان كەزىمدە، ولار قاسىرەتكە قالادى+!
13 كوگالعا وتىرعىزىلعان ەفرەم مەن ٷشىن تير+ سياقتى بولىپ ەدى.
ال ەندى ەفرەم ٶز ۇلدارىن قىرعىنعا ۇشىراتۋعا ٴماجبۇر».
14 ۋا، ەحوبا ولارعا بەرەتىنىڭدى بەر،قۇرساقتارىن تۇسىك تاستايتىن، ەمشەكتەرىن ٴسۇت شىقپايتىن ەت.
15 «ولار بار زۇلىمدىعىن عىلعالدا+ جاسادى، سول جەردە ولاردى جەك كورىپ كەتتىم.
زالىم ىستەرى ٷشىن ولاردى ۇيىمنەن قۋىپ جىبەرەمىن+.
ولاردى بۇدان بىلاي جاقسى كورمەيمىن+،امىرشىلەرىنىڭ ٴبارى شەتىنەن قىرسىق.
16 ەفرەم قاتتى سوققى الادى+.
ونىڭ تامىرى كەۋىپ، جەمىس اكەلمەيتىن بولادى.
بالا تۋعان كۇندە دە، اياۋلى پەرزەنتتەرىن مەرت قىلامىن».
17 وزىنە قۇلاق اسپاعاندىقتان+،قۇدايىم ولاردان باس تارتادى.
سودان ولار حالىقتاردىڭ اراسىنا قاڭعىپ كەتەدى+.
سىلتەمەلەر
^ نەمەسە «قۇدايعا».
