يشايا 14:1—32
14 ەحوبا جاقىپقا مەيىرىمدىلىك تانىتادى+، يسرايلدى قايتا تاڭداپ الادى+. ولاردى ٶز جەرلەرىنە قونىستاندىرادى+، جاتجەرلىكتەر دە ولارعا قوسىلىپ، جاقىپتىڭ ۇيىمەن بىرىگەدى+.
2 باسقا ۇلتتار يسرايل ٷيىن ٶز ەلدەرىنە قايتىپ اكەلەدى دە، ەحوبانىڭ جەرىندە ولارعا قىزمەت ەتەدى+؛ وسىلايشا يسرايل ٷيى ٶزىن تۇتقىنعا العانداردى تۇتقىندا ۇستايدى، ٶزىن جۇمىسقا سالعاندارعا بيلىك ەتەدى.
3 ەحوبا سەنى ازاپ پەن قورقىنىشتان، قۇلدىقتىڭ اۋىر جۇگىنەن ارىلتقان كۇنى+
4 سەن بابىل پاتشاسىن بىلاي دەپ مازاق قىلاسىڭ:
«وزگەلەردى جۇمىسقا سالعاننىڭ ٶزى قۇرىپ كەتتى!
قىسىمشىلىقتىڭ سوڭى كەلىپ جەتتى+!
5 ەحوبا زۇلىمداردىڭ تاياعىن،بيلەۋشىلەردىڭ اساتاياعىن سىندىردى+.
6 قاھارىنا ٴمىنىپ، حالىقتارعا تولاسسىز دۇرە سوققانداردىڭ+،ۇلتتاردى اياۋسىز قۋدالاپ، اشۋمەن باعىندىرعانداردىڭ كوزىن قۇرتتى+.
7 ەندى بۇكىل جەر دامىل تاپتى، تىنشىدى.
جۇرت شاتتانا ٵن سالۋدا+.
8 ارشالار مەن ليۆان قاراعايلارىساعان نە بولعانىن كورىپ، قۋانادى.
ولار: —سەن قۇلاعالى بەرى،ٴبىزدى شاۋىپ قۇلاتۋعا ەشكىم كەلمەيتىن بولدى،— دەيدى.
9 جەر استىنداعى كوردىڭ* ٶزى سەنى قارسى الۋ ٷشىن دۇربەلەڭگە تۇسەدى.
ساعان بولا سۇلىق جاتقان ولىلەردى،جەردىڭ بارلىق قاتىگەز بيلەۋشىلەرىن وياتادى.
ۇلتتاردىڭ بارلىق پاتشالارىن تاقتارىنان تۇرعىزادى.
10 ولاردىڭ ٴبارى ساعان ٴتىل قاتىپ:
—سەنىڭ دە ٴبىز سياقتى السىرەگەنىڭ بە؟!
ٴبىز سياقتى بولعانىڭ با؟!
11 وركوكىرەكتىگىڭ دە، ٵن-كۇيىڭ دەوزىڭمەن بىرگە كورگە* ٴتۇستى+.
قۇرتتار استىڭداعى توسەنىشىڭ،ۇستىڭدەگى جامىلعىڭ بولدى،— دەيدى.
12 ەي، جارىق جۇلدىز، تاڭ شاپاعىنىڭ ۇلى،سەن كوكتەن قۇلادىڭ!
ۇلتتاردى بيلەپ-توستەگەن ەدىڭ+،ەندى شابىلىپ، جەرگە قۇلادىڭ!
13 سەن وزىڭە: —كوككە دەيىن اسقاقتايمىن+،تاعىمدى قۇداي جۇلدىزدارىنان دا جوعارى قويامىن+،سولتۇستىكتىڭ قيىر شەتىندەگىكەزدەسۋ تاۋىنىڭ ۇستىندە وتىرامىن+.
14 بۇلتتاردان دا جوعارى كوتەرىلەمىن،قۇداي تاعالاعا ۇقسايتىن بولامىن،— دەگەن ەدىڭ.
15 ٴبىراق سەن كورگە* تۇسەسىڭ،وردىڭ قيىر شەتىنە تاستالاسىڭ.
16 سەنى كورگەندەر كوز الماي قارايدى،ساعان كوزدەرىن قاداپ:
—مىناۋ جەردى سىلكىندىرىپ،پاتشالىقتاردى شايقالتقان ادام ەمەس پە+؟!
17 قۇنارلى جەردى قۇلا تۇزگە اينالدىرىپ،قالالاردى تاس-تالقان ەتكەن+،تۇتقىنداردى ۇيلەرىنە قايتارماعان ادام وسى ەمەس پە+؟!— دەيدى.
18 حالىقتاردىڭ بارلىق پاتشالارى،ٴيا، بارلىق پاتشالار، قۇرمەتپەن جەرلەنىپ،ٴارقايسىسى ٶز مازارىندا جاتىر.
19 ال سەن قابىرگە قويىلماي،قاجەتسىز وسكىن سياقتى لاقتىرىلىپ تاستالدىڭ.
سەمسەردەن سۇلاپ، تاسقا تولى شۇڭقىردا جاتقانٶلى دەنەلەردىڭ استىندا قالىپ،تاپتالعان ولەكسەگە ۇقساپ جاتىرسىڭ.
20 سەن پاتشالاردىڭ قابىرىنە قويىلمايسىڭ،ويتكەنى ٶز ەلىڭدى تالقانداپ،ٶز حالقىڭدى قىرىپ-جويدىڭ.
زۇلىمداردىڭ ٷرىم-بۇتاعىنىڭ اتى وشەدى.
21 اتا-بابالارىنىڭ كۇناسى ٷشىنۇلدارىنىڭ باسىن الاتىن ورىن دايىندالسىن!
سوندا ولار قايتا تۇرىپ، جەردى جاۋلاپ المايدى،ەلگە كوپتەپ قالالار سالمايدى».
22 «مەن ولارعا قارسى شىعامىن»+،— دەيدى اسكەرباسى ەحوبا.
«بابىلدىڭ اتىن وشىرەمىن، تامتىعىن، ۇرپاعى مەن ٷرىم-بۇتاعىن جوق قىلامىن!»+— دەيدى ەحوبا.
23 «مەن ونى جايرالار مەكەنىنە، ميباتپاققا اينالدىرامىن. جويقىن سىپىرتقىمەن سىپىرىپ تاستايمىن!»+— دەيدى اسكەرباسى ەحوبا.
24 اسكەرباسى ەحوبا انت ەتىپ:
«نەنى نيەت ەتسەم، سول جۇزەگە اسادى،قالاي شەشسەم، تاپ سولاي بولادى.
25 مەن ٶز جەرىمدە اسسيريالىقتاردى تالقاندايمىن،ٶز تاۋىمدا ولاردى تاپتايمىن+.
وسىلاي حالقىمنىڭ موينىنداعى مويىنتۇرىقتى،يىعىنداعى جۇكتى الىپ تاستايمىن+»،— دەدى.
26 بۇل — بۇكىل جەرگە قارسى قابىلدانعان شەشىم،بارلىق ۇلتتارعا قارسى سوزىلعان قۇدايدىڭ قولى.
27 اسكەرباسى ەحوبا وسىلاي شەشتى،كىم ونى جوققا شىعارا الادى+؟
ونىڭ قولى سوزۋلى تۇر،كىم ونى كەرى قايتارا الادى+؟
28 احاز ولگەن جىلى+ قۇدايدان مىناداي اۋىر حابار كەلدى:
29 «ٴفىلىستىر ەلى مەن ونىڭ حالقى،ٶزىڭ سوققىسىن جەپ جۇرگەن اساتاياقتىڭ سىنعانىنا قۋانبا.
ويتكەنى جىلاننىڭ جۇمىرتقاسىنان+ ۋلى جىلان شىعادى+،ال ونىڭ ۇرپاعى ٴزارلى وقجىلان بولادى.
30 جارلىنىڭ تۇڭعىشى تويىنا ٸشىپ-جەپ،كەدەي قاۋىپسىز جاتادى.
ال سەنىڭ حالقىڭ اشتان قىرىلادى،امان قالعاندارى ٶلىم قۇشادى+.
31 ەي، قاقپا، زار ەڭىرە! ەي، قالا، ايعايلا!
ەي، ٴفىلىستىر ەلى، ٴبارىڭنىڭ دە جىگەرلەرىڭ قۇم بولادى!
سەبەبى سولتۇستىكتەن بۋداقتاعان ٴتۇتىن كەلە جاتىر،ولاردىڭ ەشقايسىسى ساپتان شىعىپ قالمايدى».
32 ۇلتتاردىڭ حابارشىلارىنا نە دەۋ كەرەك؟
ولارعا «ەحوبا سيوننىڭ نەگىزىن قالادى+،حالقىنىڭ اراسىنداعى جارلىلار سودان پانا تابادى» دەۋ كەرەك.
سىلتەمەلەر
^ ەۆرەيشە «شەول». تۇسىندىرمەنى قاراڭىز.
^ ەۆرەيشە «شەول». تۇسىندىرمەنى قاراڭىز.
^ ەۆرەيشە «شەول». تۇسىندىرمەنى قاراڭىز.
