يشايا 16:1—14
-
مواب تۋرالى حاباردىڭ جالعاسى (1—14)
16 ٴشول دالا ارقىلى سەلادان سيون قىزىنىڭ تاۋىنا،ەل بيلەۋشىسىنە، قوشقار جىبەرىڭدەر.
2 ارنون وتكەلدەرىندەگى مواب قىزدارى+
ۇياسىنان قۋىلعان قۇس ىسپەتتى بولادى+.
3 «كەڭەس بەر، شەشىمدى جۇزەگە اسىر.
تال تۇستە تۇندەي قاپ-قارا كولەڭكەڭدى سايالات.
بىتىراپ جۇرگەندەردى جاسىر، بوسىپ جۇرگەندەردى ۇستاپ بەرمە.
4 ەي، مواب، بىتىراپ كەتكەن حالقىم جەرىڭدە مەكەندەسىن.
ولارعا قىرىپ-جويۋشىدان جاسىرىناتىن جەر بول+.
قاناۋشىنىڭ اقىرعى كۇنى كەلەدى،تالقاندالۋ توقتاتىلادى.
وزگەلەردى باسىپ-جانشىعاندار قۇرىپ جوعالادى.
5 سوندا پاتشانىڭ تاعى اينىماس سۇيىسپەنشىلىكپەن بەرىك ورناتىلادى.
تاقتا وتىرعان ٴداۋىت اۋلەتىنەن* شىققان پاتشا ادال بولادى+.
ول ٵدىل سوت جۇرگىزىپ، لەزدە ادىلدىك ورناتادى+».
6 ٴبىز موابتىڭ وركوكىرەكتىگى تۋرالى ەستىدىك، ول وتە وركوكىرەك+؛ونىڭ تاكاپپارلىعى، مەنمەندىگى مەن قاھارى تۋرالى دا ەستىدىك+.
ٴبىراق ونىڭ بوسكەنى بەكەر بولىپ شىعادى.
7 سوندىقتان مواب باسىنا تۇسكەن قاسىرەتكە قايعىرىپ زار ەڭىرەيدى،ولاردىڭ ٴبارى دە زار ەڭىرەيدى+.
جەڭىلگەندەر كير-حارەشەتتىڭ مەيىز كۇلشەسىن اڭساپ ىڭقىلدايدى+،
8 ويتكەنى حەشبوننىڭ+ ەگىندىگى،سيبمانىڭ+ جۇزىمدىگى قۋراپ قالدى.
حالىقتاردىڭ بيلەۋشىلەرى ونىڭ ال قىزىل بۇتالارىن* تاپتاپ جاتىر.
ونىڭ بۇتالارى جازەرگە دەيىن جەتىپ+،ٴشول دالاعا دەيىن سوزىلعان ەدى.
وسكىندەرى جايقالىپ، تەڭىزگە دەيىن جەتكەن ەدى.
9 سوندىقتان مەن جازەردى ازا تۇتقانىمداي، سيبمانىڭ جۇزىمدىگىن جوقتاپ جىلايمىن.
ەي، حەشبون مەن ەلالەح، سەندەر ٷشىن كوز جاسىمدى كول ەتەمىن+،ويتكەنى جازعى ٶنىم مەن ناۋقان كەزىندەگى قۋانىشتى ايعاي ٴبىتتى*.
10 باۋدا قۋانىش پەن شاتتىق بولمايدى،جۇزىمدىكتەردەن دە كوڭىلدى اندەر مەن قۋانىش ٷنى شىقپايدى+،شىرىن سىعاتىن ورىنداردا ەشكىم ٴجۇزىم تاپتامايدى.
سەبەبى مەن ەندى قايتىپ قۋانىشتى ايعاي شىقپايتىنداي ەتتىم+.
11 سوندىقتان موابتى ويلاپ جان دۇنيەم،كير-حارەشەتتى ويلاپ جان سارايىم ارفانىڭ شەگىندەي ٴدىرىل قاعادى+.
12 مواب ٶزىنىڭ عيبادات توبەسى مەن كيەلى ورنىنا بارىپ، ابدەن قالجىراعانشا دۇعا ەتسە دە، بۇدان ەشتەڭە شىقپايدى+.
13 بۇل — ەحوبانىڭ موابقا قاتىستى بۇدان ەرتەرەك ايتقان ٴسوزى.
14 ال ەندى ەحوبا مىنانى ايتادى: «جالدامالى جۇمىسشىنىڭ ۋاقىتىمەن ەسەپتەگەندە*، ٷش جىل ىشىندە مواب نەشە ٴتۇرلى قاسىرەت شەگىپ، ۇلىلىعىنان ايىرىلىپ، ماسقاراسى شىعادى. حالقىنان بىرەن-ساران ادام عانا امان قالادى، ٵرى ولار دارمەنسىز بولادى+».
سىلتەمەلەر
^ سوزبە-ٴسوز «شاتىرىنان».
^ نەمەسە «قىزىل جەمىستەرى سامساپ تۇرعان ٴجۇزىم بۇتالارىن».
^ مۇمكىن: «جازعى ٶنىم مەن ناۋقان كەزىندە ۇرىسقا اتوي سالعان ايعاي ەستىلدى».
^ نەمەسە «جالدامالى جۇمىسشى سياقتى مۇقيات ەسەپتەگەندە».
