يشايا 22:1—25
22 ايان اڭعارى* تۋرالى اۋىر حابار+:
ساعان نە بولعان؟ نەگە تۇرعىندارىڭنىڭ ٴبارى ٷي توبەلەرىنە شىعىپ العان؟
2 ەي، ابىر-سابىر قالا، شاتتانعان شاھار،سەن بەيمازا ەدىڭ.
سەنىڭ حالقىڭ قىرىلدى،ٴبىراق ول سەمسەردەن دە، شايقاستا دا قىرىلعان جوق+.
3 بارلىق قاتىگەز بيلەۋشىلەرىڭ بىرگە قاشتى+.
ولار ساداقسىز-اق تۇتقىنعا الىندى.
شالعايعا قاشىپ كەتسە دە،ۇستالعانداردىڭ ٴبارى تۇتقىندالدى+.
4 سوندىقتان مەن بىلاي دەدىم: «ماعان قاراماڭدار،مەن كوز جاسىمدى كول قىلامىن+.
جۇباتۋعا دا تىرىسپاڭدار،مەن حالقىمنىڭ اپاتقا ۇشىراعان قىزىن* جوقتايمىن+.
5 ويتكەنى الەمنىڭ ٵمىرشىسى اسكەرباسى ەحوبا ايان اڭعارىنىڭ باسىنادۇرلىكتىرەتىن، جەڭىلىسكە ۇشىراتاتىن، اسىپ-ساستىراتىن كۇن جىبەردى+.
دۋال قيراتىلدى+،ايقايلاعانداردىڭ داۋسى تاۋعا دەيىن جەتىپ جاتىر.
6 ەلام+ اتتارعا جەگىلگەن سوعىس ارباسىنان قورامساعىن الدى،كير+ قالقانىن دايىندادى.
7 سەنىڭ تاڭداۋلى جازىقتارىڭدى سوعىس اربالارى قاپتايدى،قاقپاڭنىڭ الدىنا اتتى اسكەر كەلىپ ساپ قۇرادى.
8 سوندا ياھۋدانىڭ قورعانىشى تاس-تالقان بولادى.
سول كۇنى سەن ليۆان ورمانى دەگەن ۇيدەگى+ قارۋ قويماسىنا كوز تىگەسىڭ،
9 ٴداۋىت قالاسىنىڭ دۋالىنداعى ويىقتاردى تەكسەرىپ شىعاسىڭ+. تومەنگى حاۋىزعا+ سۋ جينايسىڭ.
10 يەرۋساليم ۇيلەرىن تەكسەرىپ شىعىپ، قابىرعانى مىعىمداۋ ٷشىن كەيبىرەۋلەرىن بۇزاسىڭ.
11 ەسكى حاۋىزدىڭ سۋىن ساقتاۋ ٷشىن ەكى قابىرعانىڭ اراسىنا توعان جاسايسىڭ، ٴبىراق اتام زاماندا مۇنى شەشىپ قويعان ۇلى جاراتۋشىعا نازارىڭدى سالمايسىڭ.
12 سول كۇنى الەمنىڭ ٵمىرشىسى اسكەرباسى ەحوباسەنى زار ەڭىرەپ جوقتاۋعا+،شاشىڭدى قىرىپ تاستاپ، ۇستىڭە ازالى كيىم كييۋگە شاقىرادى.
13 ٴبىراق سەن ساۋىق-سايران قۇرىپ، ماسايراپ ٴجۇرسىڭ،ٸرى قارا، ۇساق مال سويىپ،ەتىن جەپ، شاراپ ٸشىپ وتىرىپ+:
—ٸشىپ-جەپ الايىق، ەرتەڭ ٴبارىبىر ولەمىز عوي+،— دەيسىڭ».
14 بۇدان كەيىن اسكەرباسى ەحوبا ماعان مىنانى اشتى: «بۇل كۇنانىڭ قۇنى ولە-ولگەندەرىڭشە وتەلمەيدى+. مۇنى ايتىپ وتىرعان — الەمنىڭ ٵمىرشىسى اسكەرباسى ەحوبا».
15 الەمنىڭ ٵمىرشىسى اسكەرباسى ەحوبا بىلاي دەيدى: «پاتشا سارايىنداعى الگى ٷي باسقارۋشىسى شەبناعا+ بار دا:
16 —وسى جەردەن وزىڭە مازار قاشاپ سالاتىنداي، مۇندا سەنىڭ نەڭ بار نەمەسە كىمىڭ بار؟— دەپ ايت. ول توبە باسىنا وزىنە مازار قاشاپ سالىپ جاتىر. جارتاستى ۇڭگىپ، وزىنە تىنىعاتىن ورىن جاساپ جاتىر.
17 مىنە، مەن، ەحوبا، سەنى جەرگە اتىپ ۇرامىن، ۋىسىمدا قىسىپ ۇستايمىن.
18 سەنى قىسىپ ورايمىن دا، دوپ سياقتى يەن دالاعا لاقتىرىپ جىبەرەمىن. سەن سول جەردە ولەسىڭ، قوجايىنىڭنىڭ ٷيىن ماسقارا ەتەتىن سالتاناتتى كۇيمەلەرىڭ دە سول جەردە بولادى.
19 مەن سەنى ورنىڭنان ٴتۇسىرىپ تاستايمىن، دارەجەڭدى تومەندەتەمىن.
20 سول كۇنى مەن قىزمەتشىم حەلكيا ۇلى ەلياكىمدى+ شاقىرىپ الامىن.
21 ۇستىنە سەنىڭ شاپانىڭدى كيگىزىپ، بەلىنە بەلبەۋىڭدى تاعامىن دا+، سەندەگى بيلىكتى سونىڭ قولىنا تاپسىرامىن. وسىلاي ول يەرۋساليم تۇرعىندارى مەن ياھۋدا ٷيىنىڭ اكەسى بولادى.
22 مەن ونىڭ يىعىنا ٴداۋىت ٷيىنىڭ كىلتىن ىلەمىن+. ول اشقاندى ەشكىم جاپپايدى، ول جاپقاندى ەشكىم اشپايدى.
23 مەن ونى مىقتى قابىرعاعا شەگە ىسپەتتى قاعامىن، ول اكەسىنىڭ اۋلەتى ٷشىن سالتاناتتى تاق بولادى.
24 وعان اكەسىنىڭ اۋلەتىنىڭ، ۇرپاعى مەن ٷرىم-بۇتاعىنىڭ، بار ۇلىلىعىن ىلەتىن بولادى. ٴيا، بارلىق كىشكەنتاي ىدىستار مەن تاباقتار، ۇلكەن قۇمىرالار دا سوعان ىلىنەدى.
25 اسكەرباسى ەحوبا بىلاي دەيدى: —سول كۇنى مەن مىقتى قابىرعاعا قاعىلعان شەگەنى الىپ تاستايمىن+. ول كەسىلىپ ٴتۇسىپ، جەرگە قۇلايدى دا، وعان ٸلۋلى تۇرعان جۇك تە بىرگە قۇلاپ، تاس-تالقان بولادى، ويتكەنى مۇنى ەحوبا ايتتى».
سىلتەمەلەر
^ يەرۋساليم تۋرالى ايتىلىپ تۇرسا كەرەك.
^ بۇلاي تۇلعالاندىرۋ اياۋدى نە جاناشىرلىقتى بىلدىرەتىن پوەزيالىق ٴتاسىل بولسا كەرەك.
