يشايا 23:1—18
-
تير تۋرالى اۋىر حابار (1—18)
23 تير تۋرالى اۋىر حابار+:
تارسيس كەمەلەرى+، زار ەڭىرەپ جىلاڭدار!
ويتكەنى كەمەجاي تالقاندالدى، ەندى وندا كىرەتىن جەر جوق.
بۇل حابار ولارعا كيتتيم+ جەرىندە جەتتى.
2 جاعالاۋ تۇرعىندارى، ۇندەمەڭدەر!
سەن تەڭىزدە جۇزەتىن سيدون+ ساۋداگەرلەرىنىڭ ارقاسىندا بايىپ ەدىڭ.
3 سەنىڭ كىرىسىڭ، شيحور*+ استىعى مەن ٴنىل ٶنىمى،كوپتەگەن سۋلار ارقىلى جەتكىزىلىپ،حالىقتارعا پايدا ٴتۇسىرۋشى ەدى+.
4 ەي، سيدون، تەڭىزدەگى قورعان، ۇيالىپ تومەن قارا!
ويتكەنى تەڭىز: «مەن تولعاتقان دا، بوسانعان دا جوقپىن،ۇل باعىپ، قىز دا وسىرمەدىم»،— دەدى+.
5 جۇرت تير تۋرالى ەستىگەندە،مىسىر جايلى حاباردى+ ەستىگەندەگىدەي قاسىرەت شەگەدى+.
6 جاعالاۋ تۇرعىندارى، زار ەڭىرەپ جىلاڭدار!
تەڭىزدەن ٶتىپ، تارسيسكە بارىڭدار!
7 اتام زاماننان، جاس كۇنىنەن، شاتتىققا كەنەلگەن قالالارىڭ وسى ما؟
ول شالعايداعى ەلدەرگە بارىپ قونىستانۋشى ەدى.
8 وزگەلەرگە ٴتاج سيلاپ كەلگەن،ساۋداگەرلەرى بەكزادا،ساتۋشىلارى سيلى كىسىلەر بولعان تيرگە قارسى كىم مۇنداي شەشىم قابىلدادى+؟
9 بۇل شەشىمدى قابىلداعان — اسكەرباسى ەحوبا.
ول مۇنى ٴتيردى اسەمدىگىنەن ايىرىپ، كوكىرەگىن باسۋ ٷشىن،جەرجۇزىندەگى سيلى ادامداردىڭ ٴبارىن تومەندەتۋ ٷشىن ىستەدى+.
10 ەي، تارسيس قىزى، ەلىڭدى ٴنىل وزەنىندەي شارلاپ ٴجۇر.
ەندى وندا كەمە جاسايتىن جەر* جوق+.
11 ەحوبا تەڭىزدىڭ ۇستىنە قولىن سوزدى،پاتشالىقتاردى شايقالتتى.
فينيكيا قورعاندارىن تالقانداۋعا بۇيرىق بەردى+.
12 ول بىلاي دەيدى: «سيدوننىڭ قىسىم كورگەن پاك قىزى،سەن بۇدان بىلاي قۋانبايتىن بولاسىڭ+.
تۇرىپ، تەڭىزدەن ٶت تە، كيتتيمگە+ بار،ٴبىراق سەن ول جەردە دە تىنىم تاپپايسىڭ».
13 مىنە، حالدەي ەلى+.
ٴتيردى ٴشول دالا اڭدارىنىڭ تۇراعىنا اينالدىرعان —اسسيريا+ ەمەس، وسى حالىق.
ولار قالاعا شابۋىلدايتىن قۇرىلعىلار ورناتتى،ونىڭ بەكىنىس مۇنارالارىن تالقانداپ+، ۇيىندىگە اينالدىردى.
14 تارسيس كەمەلەرى، زار ەڭىرەپ جىلاڭدار!
سەبەبى قورعاندارىڭنىڭ تاس-تالقانى شىقتى+.
15 سول كۇنى تير 70 جىلعا، ٴبىر پاتشانىڭ عۇمىرىنداي ۋاقىتقا ۇمىت بولادى+. 70 جىلدىڭ سوڭىندا ول مىنا اندەگى جەزوكشەگە ۇقسايتىن بولادى:
16 «ۇمىت بولعان جەزوكشە، قولىڭا ارفا الىپ، قالانى ارالاپ ٴجۇر.
ارفاڭدى جاقسىلاپ تارتىپ،ٵندى كوپتەپ ايت،ولار سەنى ەستەرىنە ٴتۇسىرسىن».
17 جەتپىس جىلدىڭ سوڭىندا ەحوبا تيرگە نازار سالادى. ول قايتادان اقى الىپ، جەرجۇزىندەگى بارلىق پاتشالارمەن ازعىندىق جاسايدى.
18 ٴبىراق ونىڭ كورگەن پايداسى مەن العان اقىسى ەحوبا ٷشىن قاسيەتتى سانالادى. ونىڭ تابىسىن جيناپ نە ساقتاپ قويمايدى، ويتكەنى ول ەحوبانىڭ الدىندا مەكەندەيتىندەر تويىنا ٸشىپ-جەپ، ٴساندى كيىنۋ ٷشىن قولدانىلاتىن بولادى+.
