يشايا 40:1—31
40 «جۇباتىڭدار، مەنىڭ حالقىمدى جۇباتىڭدار!— دەيدى سەندەردىڭ قۇدايلارىڭ+.
2 —يەرۋساليمنىڭ جۇرەگىنە جىلى تيەتىن سوزدەر ايتىڭدار،وعان مىندەتتى جۇمىسشى بولعان ۋاقىتى اياقتالىپ،ايىبىنىڭ ورنى تولعانىن+ جاريالاڭدار.
ەحوبا وعان بار كۇناسىنىڭ قارىمتاسىن ەكى ەسە قايتاردى+».
3 ٴشول دالادا بىرەۋ بىلاي دەپ جار سالىپ جاتىر:
«ەحوباعا جول دايارلاڭدار+!
قۇلا ٴتۇز ارقىلى قۇدايىمىزعا تەگىس ەتىپ داڭعىل جول+ سالىڭدار+.
4 بارلىق ويپاڭ جەرلەر بيىكتەتىلسىن،تاۋ-توبەنىڭ ٴبارى الاسارتىلسىن.
كەدىر-بۇدىر جەرلەر تەگىستەلسىن+.
5 ەحوبانىڭ سالتاناتتى ۇلىلىعى پاش ەتىلەدى+،مۇنى كۇللى ادامزات كورەدى+.
ويتكەنى بۇنى ەحوبانىڭ ٶزى ايتتى».
6 تىڭداشى! بىرەۋ: «جار سال!»— دەپ ايعايلاپ جاتىر.
وزگە بىرەۋ: «نە دەپ جار سالايىن؟»— دەپ سۇرادى.
«كۇللى ادامزات — نەبارى كوك ٴشوپ قانا.
اينىماس سۇيىسپەنشىلىكتەرى دالا گۇلى ىسپەتتى+.
7 ەحوبانىڭ ۇرلەگەن دەمىنەنكوك ٴشوپ قۋراپ، گۇلدەر سولىپ قالادى+.
شىنىندا دا، حالىق — نەبارى كوك ٴشوپ قانا.
8 كوك ٴشوپ قۋرايدى،گۇلدەر دە سولادى،ال قۇدايىمىزدىڭ ٴسوزى ماڭگى قالادى+».
9 ەي، سيونعا ىزگى حابار جەتكىزۋشى*+،بيىك تاۋ باسىنا شىق!
ەي، يەرۋساليمگە ىزگى حابار جەتكىزۋشى،بار داۋسىڭمەن جار سال،ەش قورىقپاي، بار داۋسىڭمەن ايعايلا.
ياھۋدا قالالارىنا: «مىنە، قۇدايلارىڭ!»— دەپ حابارلا+.
10 الەمنىڭ ٵمىرشىسى ەحوبا زور كۇشىمەن كەلەدى،قۇدىرەتىمەن* بيلىك ەتەدى+.
مىنە، ونىڭ بەرەتىن سيى، تولەيتىن اقىسى دايىن تۇر+.
11 ول شوپان ىسپەتتى ٶز وتارىن باعادى+.
قوزىلارىن ٶزى جيناپ، قولىنا الىپ، باۋىرىنا باسىپ جۇرەدى.
تولدەگەن ساۋلىقتارىن اقىرىن عانا جەتەلەيدى+.
12 كىم تەڭىزدەردى الاقانىمەن ولشەگەن+،قارىسىمەن كوكتىڭ ولشەمدەرىن العان؟
كىم جەردىڭ توپىراعىن ولشەۋىش ىدىسقا سالعان+،تاۋ-توبەلەردى تارازىعا تارتقان؟
13 كىم ەحوبانىڭ رۋحىن ولشەگەن*؟
كىم وعان كەڭەسشى بولىپ، نۇسقاۋ بەرگەن+؟
14 ول كىممەن اقىلداسىپ، تۇسىنىك العان؟
كىم وعان ادىلدىك جولىن ۇيرەتكەن،كىم ٴبىلىم بەرگەن،كىم شىنايى تۇسىنىك جولىن كورسەتكەن+؟
15 مىنە، ۇلتتار وعان شەلەكتەگى سۋ تامشىسى سياقتى،تارازىعا قونعان توزاڭ ىسپەتتى+.
ول ارالداردى توزاڭ سياقتى وپ-وڭاي كوتەرەدى.
16 ليۆاننىڭ كۇللى اعاشتارى وتىن قىلۋعا،ونداعى جانۋارلار قۇرباندىققا شالۋعا جەتپەس ەدى.
17 بارشا ۇلتتار ونىڭ الدىندا جوق نارسەدەي+،ول كۇللى ۇلتتاردى تىم ماڭىزسىز سانايدى+.
18 سوندا قۇدايدى كىمگە تەڭەيسىڭدەر+؟
ونى كىمگە ۇقساتاسىڭدار+؟
19 زەرگەر پۇت ٴمۇسىنىن قۇيادى،تەمىر ۇستاسى ونى التىنمەن قاپتايدى+،كۇمىس شىنجىرلار دا جاسايدى.
20 ول ساداقا ەتۋ ٷشىن ٴبىر اعاشتى الادى+،شىرىمەيتىن اعاشتى تاڭدايدى.
سوسىن بەرىك تۇراتىن پۇت ٴمۇسىنىن جاساتۋ ٷشىن،جاقسى زەرگەر ىزدەيدى+.
21 سەندەر بىلمەپ پە ەدىڭدەر؟
ەستىمەپ پە ەدىڭدەر؟
بۇل سەندەرگە و باستا ايتىلماپ پا ەدى؟
جەردىڭ نەگىزى قالانعاننان بەرگى ايعاقتاردى اڭعارمادىڭدار ما+؟
22 قۇداي جەر شارىنان جوعارى مەكەن ەتەدى+،جەر بەتىندەگىلەر ونىڭ الدىندا شەگىرتكەلەردەي.
ول كوكتى جۇقا ماتاداي جايىپ جىبەردى،مەكەن ەتەتىن شاتىرداي جازىپ جىبەردى+.
23 ول باسشىلاردى بيلىكتەن ايىرادى،جەر بەتىنىڭ بيلەرىن تۇككە تۇرعىسىز قىلادى.
24 ولار ەندى عانا وتىرعىزىلىپ،ەندى عانا سەبىلىپ، دىڭدەرى ەندى عانا تامىر جايدى.
لەپ سوقسا بولعانى، ولار قۋراپ قالادى،سابان سياقتى، ولاردى جەل ۇشىرىپ اكەتەدى+.
25 «سەندەر مەنى كىمگە ۇقساتاسىڭدار، كىمگە تەڭەيسىڭدەر؟— دەيدى كيەلى قۇداي.
26 —كوككە كوز جىبەرىپ قاراڭدارشى،ونداعى جۇلدىزداردى كىم جاراتتى+؟
كىم ولاردى اسكەر ىسپەتتى تۇگەندەپ الىپ شىعادى،ٴارقايسىسىن ٶز اتىمەن شاقىرادى+؟
ونىڭ قۇدىرەتى مەن كۇشى عالامات زور بولعاندىقتان+،ولاردىڭ ٴبارى ٶز ورىندارىندا تۇرادى.
27 ەي، جاقىپ، نەگە ناليسىڭ؟
ەي، يسرايل، نەگە: —مەنىڭ جولىم ەحوبانىڭ كوزىنەن تاسا،قۇداي مەن ٷشىن ادىلدىك ورناتپايدى،— دەيسىڭ+؟
28 سەن بىلمەۋشى مە ەدىڭ؟ ەستىمەگەن بە ەدىڭ؟
جەردىڭ قيىر شەتتەرىن جاراتقان ەحوبا — ماڭگىلىك قۇداي+.
ول ەش شارشامايدى، قاجىمايدى+.
ونىڭ دانالىعىنىڭ* تۇبىنە ەشكىم جەتە المايدى+.
29 ول شارشاعانعا كۇش سيلايدى،السىرەگەنگە مول قۋات دارىتادى+.
30 جاسوسپىرىمدەر دە شارشايدى، قالجىرايدى،جاس جىگىتتەر دە ٴسۇرىنىپ قۇلايدى،
31 ال ەحوباعا ٷمىت ارتاتىندار كۇش-قۋاتقا يە بولادى.
قاناتتارىن جايىپ، قىرانداي قالىقتايدى+.
ولار جۇگىرسە دە، السىرەمەيدى،جۇرسە دە، شارشامايدى+.
سىلتەمەلەر
^ ەۆرەي تىلىندە بۇل تارماقتا ايەل بالاسىنا نۇسقايتىن ەسىمدىك قولدانىلعان.
^ سوزبە-ٴسوز «قولىمەن».
^ مۇمكىن: «تۇسىنگەن».
^ نەمەسە «تۇسىنىگىنىڭ».
