يشايا 44:1—28
44 ال ەندى تىڭدا، قىزمەتشىم جاقىپ،قۇلاق سال، تاڭداپ العان قىزمەتشىم يسرايل+!
2 ەحوبا مىنانى ايتادى،جاراتۋشىڭ ٵرى سەنى قالىپتاستىرعان قۇداي+،انا قۇرساعىنان قولداپ كەلگەن قۇداي بىلاي دەيدى:
«قىزمەتشىم جاقىپ، ەش قورىقپا+،تاڭداپ العان قىزمەتشىم ەشۋرۋن*+، ابىرجىما!
3 مەن سۋساعان ەلدىڭ ٴشولىن قاندىرامىن+،قۋاڭ دالاعا اعىن سۋ جىبەرەمىن.
ۇرپاعىڭا رۋحىمدى قوندىرامىن+،ٷرىم-بۇتاعىڭا باتامدى جاۋدىرامىن.
4 ولار كوك مايساداي وسەدى+،سۋ جاعاسىنداعى تەرەكتەي جايقالادى.
5 بىرەۋ «ەحوباعا تيەسىلىمىن» دەيدى+،وزگە بىرەۋ جاقىپتىڭ ەسىمىمەن اتانادى،ال تاعى ٴبىرى قولىنا «ەحوباعا تيەسىلىمىن» دەپ جازىپ الادى،يسرايلدىڭ ەسىمىمەن اتاناتىندار دا بولادى».
6 ەحوبا مىنانى ايتادى،يسرايلدىڭ پاتشاسى+ ٵرى قۇنىن وتەۋشى+ اسكەرباسى ەحوبا بىلاي دەيدى:
«مەن العاشقى ٵرى سوڭعىمىن+.
مەنەن باسقا قۇداي جوق+.
7 كانە، ماعان تەڭ كەلەر كىم بار+؟
سول جاۋاپ قاتسىن، مۇنىسىن دالەلدەسىن+!
ولار بولعالى جاتقان جايتتاردىجانە ٵلى بولماعان جايتتاردى بايانداپ بەرسىن.
مەن حالقىمدى جاراتقالى بەرى سولاي ەتىپ كەلەمىن.
8 ۇرەيلەرىڭ ۇشپاسىن،قورقىنىشتان ابدىراپ قالماڭدار+.
مەن مۇنى اربىرىڭە الدىن الا ايتىپ، جاريا ەتپەدىم بە؟
سەندەر مەنىڭ كۋاگەرلەرىمسىڭدەر+.
مەنەن باسقا قۇداي بار ما؟
جوق، مەنەن وزگە جارتاس جوق+؛ مەن بىردە-ٴبىرىن بىلمەيمىن».
9 ال ٴتاڭىر ٴمۇسىنىن جاساۋشىلار تۇككە تۇرعىسىز،سونشا قاستەر تۇتاتىن پۇتتارىنان ەش پايدا جوق+.
ولاردىڭ كۋاگەرلەرى، سول پۇتتار، ەشتەڭە كورمەيدى دە، بىلمەيدى دە+،سوندىقتان ولاردى جاساعاندار ماسقارا بولادى+.
10 كىم پايداسى جوق قۇدايدىڭ بەينەسىن جاسايدى+؟!
كىم تەمىردەن ٴتاڭىر ٴمۇسىنىن قۇيادى؟!
11 مىنە، ونىڭ سەرىكتەستەرىنىڭ ٴبارى ماسقارا بولادى+!
ۇستالار — نەبارى پەندە.
كانە، تۇگەل جينالىپ، ماعان قارسى تۇرسىن.
ٴبىراق ولاردىڭ ۇرەيلەرى ۇشادى، ٴبارى ماسقارا بولادى.
12 تەمىر ۇستاسى تەمىردى قىسقاشپەن ۇستاپ، ونى شوققا قىزدىرادى.
سوسىن مىقتى قولىنا بالعاسىن الىپ،ۇرعىلاپ ٴتاڭىر نوبايىن جاسايدى+.
سودان قارنى اشىپ، قاۋقارى كەتەدى،سۋ ىشپەي، شارشاپ قالادى.
13 ۇستا اعاشتى جىپپەن ولشەپ، وعان قىزىل بورمەن ٴتاڭىر سۇلباسىن سالادى،قاشاۋ قولدانادى، دوڭگەلەكتەپ* بەينەسىن سىزىپ،ادامنىڭ كەلبەتىن جاسايدى+،وعان ادام بالاسىنا ٴتان كورىك بەرەدى.
سوسىن ونى ۇيگە* اپارىپ قويادى+.
14 قاراعاي شاباتىن كىسىٴبىر اعاشتى، ەمەن اعاشىن، تاڭداپ الادى دا،ورمان اعاشتارىنىڭ اراسىندا مىقتى بولىپ وسكەنىن كۇتەدى+.
ول لاۆر اعاشىن دا وتىرعىزادى، اعاش جاۋعان جاڭبىرمەن وسەدى.
15 سوسىن ول ادامعا وتىن بولادى.
ادام ونىڭ ٴبىر بولىگىن وتقا جاعىپ جىلىنادى،ۇستىنە نان دا پىسىرەدى.
ال ٴبىر بولىگىنەن تابىناتىن قۇداي جاسايدى،ٴتاڭىر ٴمۇسىنىن جاساپ، الدىندا تىزەرلەپ باس ۇرادى+.
16 ول اعاشتىڭ ٴبىر بولىگىن وتقا جاعادى،وعان ەت قۋىرىپ، تويعانشا جەپ الادى.
وتقا جىلىنىپ وتىرىپ: «بارەكەلدى، وتتىڭ قىزۋى جاقسى ەكەن!»— دەيدى.
17 ال قالعانىنان قۇداي جاسايدى، ويىپ ٴتاڭىر ٴمۇسىنىن ىستەيدى.
سوسىن سوعان باس ۇرىپ تابىنادى، جالبارىنىپ سيىنادى.
«قۇتقارا كور، سەن مەنىڭ قۇدايىمسىڭ عوي!»— دەيدى+.
18 مۇنداي ادامدار ەشتەڭە بىلمەيدى، تۇسىنبەيدى دە+،ويتكەنى كوزدەرى جابىق، سوندىقتان كورە المايدى،جۇرەكتەرى تۇسىنىكتەن ادا.
19 ەشقايسىسى بايىبىنا بارىپ ويلانبايدى،ولاردا ٴبىلىم دە، تۇسىنىك تە جوق.
«مەن ٴبىر بولىگىن وتقا جاقتىم،شوعىنا نان ٴپىسىردىم، ەت تە قۋىرىپ جەدىم.
قالاي عانا قالعانىنان جيرەنىشتى پۇت جاسايمىن+؟
قالاي عانا ٴبىر كەسىم كەپكەن اعاشقا تابىنامىن؟»— دەمەيدى.
20 ول كۇلدى قورەك ەتەدى.
الدانعان جۇرەگى تەرىس جولعا جەتەلەيدى.
ول ٶز جانىن قۇتقارا المايدى،«وڭ قولىمداعى وسى نارسە جالعان ەمەس پە؟»— دەمەيدى.
21 «جاقىپ، وسىلاردى ەسىڭدە ۇستا. يسرايل، سەن دە ۇمىتپا.
سەن مەنىڭ قىزمەتشىمسىڭ.
سەنى مەن جاراتتىم، سەن مەنىڭ قىزمەتشىمسىڭ+.
ەي، يسرايل، مەن سەنى ەش ۇمىتپايمىن+.
22 زاڭسىزدىقتارىڭدى بۇلتپەن جاۋىپ تاستايمىن+،كۇنالارىڭدى قويۋ بۇلتپەن بۇركەپ قويامىن.
ماعان قايتا بەت بۇر، سوندا قۇنىڭدى وتەپ الامىن+.
23 ەي، كوك، شاتتانا ٵن سال،ويتكەنى ەحوبا ىسكە كىرىستى!
جەر تۇڭعيىعى، جەڭىمپاز ۇنمەن داۋىستا!
تاۋلار، ورمان جانە بارلىق اعاشتار،قۋانا داۋىستاڭدار+!
ويتكەنى ەحوبا جاقىپتىڭ قۇنىن وتەپ الدى،يسرايل ارقىلى ۇلىلىعىن پاش ەتتى+!»
24 قۇنىڭدى وتەۋشى ەحوبا+،سەنى انا قۇرساعىندا قالىپتاستىرعان قۇداي بىلاي دەيدى:
«مەن ٴبارىن جاراتقان ەحوبامىن.
كوكتى ماتاداي جايىپ جىبەردىم+،جەردى دە قالىپتاستىردىم+،سوندا قاسىمدا بىرەۋ بولدى ما؟
25 مەن جالعان پايعامبارلاردىڭ بولجامدارىن جوققا شىعارامىن،ساۋەگەيلەرگە ەسالاڭدىق جاساتامىن+.
دانىشپانداردى ابىرجىتىپ،بىلىمدەرىن اقىماقتىققا اينالدىرامىن+.
26 ال ٶز قىزمەتشىمنىڭ ٴسوزىن جۇزەگە اسىرامىن،حابارشىلارىمنىڭ ايتقاندارىن تۇگەل ورىندايمىن+.
يەرۋساليم جايىندا: —وندا قايتادان حالىق مەكەندەيدى!— دەيمىن+،ياھۋدا قالالارى تۋرالى: —ولار قايتا سالىنادى+،مەن ۇيىندىلەردى قالپىنا كەلتىرەمىن!— دەيمىن+.
27 تەرەڭ دارياعا: —كەۋىپ قال!
مەن وزەندەرىڭنىڭ ٴبارىن كەپتىرىپ تاستايمىن!— دەيمىن+.
28 كير+ جايىندا: —مەن تاعايىنداعان باعۋشى — سول،ول مەنىڭ ەركىمدى تولىعىمەن جۇزەگە اسىرادى+،— دەيمىن.
يەرۋساليم جايىندا: —قالا قايتا سالىنسىن!— دەپ بۇيىرامىن.
عيباداتحانا جايىندا: —سەنىڭ نەگىزىڭ قالانادى!— دەيمىن+».
سىلتەمەلەر
^ ماعىناسى «تۋراشىل». يسرايلگە بەرىلگەن سيلى لاۋازىم.
^ نەمەسە «عيباداتحاناعا».
^ ەجەلدە ۇستالار شەڭبەر سىزۋ ٷشىن، قازىرگى سيركۋل تەكتەس قۇرال قولدانعان.
