يشايا 57:1—21
57 ٵدىل جان قۇرىپ جوعالادى،ٴبىراق بۇعان ەشكىم كوڭىل اۋدارمايدى.
ٴيا، ادال جاندار ومىردەن ٶتىپ جاتىر+؛ٴبىراق ٵدىل ادام قايتىس بولعاندا،جاماندىقتان قۇتىلاتىنىن ەشكىم ۇقپايدى.
2 ول تىنىم تابادى.
تۋرا جولمەن جۇرەتىندەردىڭ ٴبارى توسەكتەرىنە* جاتادى.
3 «ەي، سيقىرشى ايەلدىڭ ۇلدارى،ازعىن، جەزوكشە ايەلدىڭ بالالارى، بەرى كەلىڭدەر!
4 سەندەر كىمدى مازاقتاپ تۇرسىڭدار؟
كىمگە اۋىزدارىڭدى ارانداي اشىپ، تىلدەرىڭدى شىعارىپ تۇرسىڭدار؟
سەندەر كۇنادان، الدامشىلىقتان تۋعان بالالار ەمەسسىڭدەر مە+؟
5 ەڭسەلى اعاشتاردىڭ اراسىندا، ٵربىر جايقالعان تالدىڭ استىندا+
قۇمارلىققا سالىناتىنداردىڭ بالالارى ەمەسسىڭدەر مە+؟
جازىق جەرلەردە، جارتاس قۋىستارىنداٶز بالالارىن ولتىرەتىندەردىڭ بالالارى ەمەسسىڭدەر مە+؟
6 سەنىڭ* سىباعاڭ — جازىقتاعى جۇمىر تاستار+.
ٴيا، ۇلەسىڭ — سولار.
سەن سۇيىق تارتۋلارىڭدى سولارعا قۇيىپ، سيلارىڭدى ۇسىناسىڭ+.
مەن وسىنى قاناعات تۇتۋىم كەرەك پە؟!
7 سەن توسەگىڭدى بيىك، اسقار تاۋ باسىنا سالىپ+،قۇرباندىق شالۋ ٷشىن سوندا شىقتىڭ+.
8 ەسىكتىڭ ارتى مەن ونىڭ جاقتاۋىنا ەستەلىك قويدىڭ.
سەن مەنى تاستاپ كەتىپ، ٴتانىڭدى جالاڭاشتادىڭ.
جوعارى كوتەرىلىپ، توسەگىڭدى كەڭ ەتىپ سالدىڭ.
سەن سولارمەن كەلىسىم جاساستىڭ؛سولارمەن ٴبىر توسەكتە جاتقاندى ۇناتتىڭ+،ەركەكتىڭ جىنىس مۇشەسىنە* قادالا قارادىڭ.
9 ماي الىپ مەلەككە* قاراي ٴتۇستىڭ،وعان مول ەتىپ ٴيىسماي اپاردىڭ.
وكىلدەرىڭدى شالعاي جەرلەرگە جىبەرىپ،قادىرىڭدى كورگە* دەيىن ٴتۇسىردىڭ.
10 ٴتۇرلى جولداردا ٴجۇرىپ، تەر توگىپ، شارشادىڭ،ٴبىراق «ەش ٷمىت جوق!» دەمەدىڭ.
قايتادان كۇش جيناپ، العان بەتىڭنەن قايتپادىڭ.
11 وتىرىك ايتا باستايتىنداي+،كىمنەن قورقىپ، كىمنەن ۇرەيلەندىڭ؟
سەن مەنى ەسىڭە المادىڭ+،ەشتەڭەگە كوڭىل بولمەدىڭ+.
مەن ۇندەمەي، ىشىمنەن تىندىم ەمەس پە+؟
سوندىقتان سەن مەنەن قورىقپادىڭ.
12 مەن سەنىڭ «ادىلدىگىڭ»+ مەن ىستەرىڭدى+ ايان ەتەمىن.
ولاردان ساعان پايدا بولمايدى+.
13 كومەك سۇراپ جالبارىنعانىڭدا،جيناعان پۇتتارىڭ سەنى قۇتقارمايدى+.
ولاردىڭ ٴبارىن جەل ايداپ اكەتەدى،ٵلسىز سوققان جەل لەبىنىڭ ٶزى ۇشىرىپ كەتەدى.
ال مەنى پانالايتىن ادام جەردى مۇرا ەتەدى،كيەلى تاۋىمدى يەلىككە الادى+.
14 سوندا: —جول سالىڭدار، جول سالىڭدار! جول دايارلاڭدار+!
حالقىمنىڭ جولىنداعى كەدەرگى اتاۋلىنى الىپ تاستاڭدار!— دەيدى».
15 اسقاق ٵرى بارىنەن جوعارى قۇداي،ماڭگى جاسايتىن، ەسىمى كيەلى قۇداي+ مىنانى ايتادى:
«مەن جوعارى ٵرى كيەلى جەردە مەكەندەيمىن+.
ٴبىراق بەيشارانىڭ رۋحىن، كۇيرەگەندەردىڭ جۇرەگىن جانداندىرۋ ٷشىن،سولاردىڭ اراسىندا دا مەكەندەيمىن+.
16 مەن ولاردى ماڭگى ايىپتاپ،ولارعا ماڭگى قاھارلانا بەرمەيمىن+.
ايتپەسە ادامنىڭ رۋحى السىرەپ+،ٶمىر لەبى بار جاراتىلىستارىمنىڭ كۇشى سارقىلار ەدى.
17 مەن ونىڭ ارام پايدا كوزدەپ، كۇناعا باتقانىنا قاھارلاندىم+،سوندىقتان ونى جازالادىم، قاھارلانا ٴجۇزىمدى جاسىردىم.
ٴبىراق ول جۇرەك قالاۋىمەن ٴجۇرىپ، وپاسىزدىق جاساۋىن قويمادى+.
18 مەن ونىڭ جۇرگەن جولدارىن كوردىم،ٴبىراق ونى ساۋىقتىرامىن+، جەتەلەپ جۇرەمىن+.
ٶزىن دە، ونداعى قايعىعا باتقان جانداردى دا جۇباتامىن+.
19 اۋىزدارىنا ماداق سوزدەرىن سالامىن.
الىستاعىلار مەن جاقىنداعىلار ٷشىن سارقىلمايتىن تىنىشتىق ورنايدى+،— دەيدى ەحوبا.
—مەن ونى ساۋىقتىرامىن.
20 ال زۇلىمدار بۋىرقانعان تەڭىزگە ۇقسايدى،ول ەش تىنشي الماي، بالدىر مەن لايدى سۋ بەتىنە كوتەرە بەرەدى.
21 زۇلىمداردا اماندىق پەن تىنىشتىق بولمايدى»،— دەيدى مەنىڭ قۇدايىم+.
سىلتەمەلەر
^ ياعني كوردە.
^ مۇندا سيون نەمەسە يەرۋساليم جونىندە ايتىلىپ تۇر.
^ پۇتقا تابىنۋشىلىق جونىندە ايتىلىپ تۇرسا كەرەك.
^ مۇمكىن: «پاتشاعا».
^ ەۆرەيشە «شەول». تۇسىندىرمەنى قاراڭىز.
