ٴزابۇر 103:1—22
ٴداۋىتتىڭ جىرى.
103 جانىم ەحوبانى ماداقتاسىن،تۇلا بويىم كيەلى ەسىمىن داڭقتاسىن!
2 جانىم ەحوبانى ماداقتاسىن،ونىڭ جاساعان ەشبىر ٸسىن ۇمىتپاسىن+!
3 ول بارلىق كۇنامدى كەشىرەدى+،دەرتىمنىڭ بارىنەن ايىقتىرادى+.
4 ٶمىرىمدى كوردەن قايتارىپ الىپ+،اينىماس سۇيىسپەنشىلىگى مەن مەيىرىمىن ٴتاج ەتىپ كيگىزەدى+.
5 بۇكىل عۇمىرىمدى يگىلىككە تولتىرادى+،قىرانداي قايتا تۇلەتىپ، جاسارتادى+.
6 قىسىم كورگەندەردىڭ مۇددەسى ٷشىنەحوبا ٵدىل+ دە ادىلەتتى ارەكەت ەتەدى+.
7 ول مۇساعا ٶز جولدارىن كورسەتتى+،يسرايل ۇلدارىنا ىستەرىن پاش ەتتى+.
8 ەحوبا مەيىرىمدى دە جاناشىر+،اشۋلانۋعا اسىقپايدى، اينىماس سۇيىسپەنشىلىگى مول+.
9 ول قاتەلىكتى جىپكە تىزبەيدى+،ماڭگى اشۋلانا دا بەرمەيدى+.
10 ٴبىزدى كۇنالارىمىزعا قاراپ جازالامايدى+،ەسەمىزدى دە زاڭسىزدىعىمىزعا ساي قايتارمايدى+.
11 سەبەبى كوك جەردەن قانشا جوعارى بولسا،ونىڭ وزىنەن قورقاتىندارعا دەگەن اينىماس سۇيىسپەنشىلىگى دە سونشا زور+.
12 شىعىس باتىستان قانشا قاشىق بولسا،ول بىزدەن قىلمىستارىمىزدى سونشا قاشىقتاتتى+.
13 اكەنىڭ ۇلدارىنا مەيىرىمىن تۇسىرەتىنىندەي،ەحوبا دا وزىنەن قورقاتىندارعا مەيىرىمىن توگەدى+.
14 ويتكەنى ول ٴبىزدىڭ نەدەن جاراتىلعانىمىزدى جاقسى بىلەدى+،توپىراق ەكەنىمىز ونىڭ ەسىندە+.
15 پەندەنىڭ كۇندەرى شوپتىكىنە ۇقسايدى+،ول دالا گۇلىندەي لەزدە شەشەك اتادى+.
16 ال جەل تۇرعاندا، عايىپ بولادى،ەشقاشان بولماعانداي قۇرىپ جوعالادى.
17 ەحوبا وزىنەن قورقاتىندارعاماڭگى باقي اينىماس سۇيىسپەنشىلىك تانىتادى+،ال ولاردىڭ بالالارىنىڭ بالالارىنا+،
18 ٶزىنىڭ كەلىسىمىن ۇستاناتىندارعا+،نۇسقاۋلارىن ورىنداۋعا بەل بۋعاندارعا ادىلدىك تانىتادى.
19 ەحوبا كوكتە ٶز تاعىن بەرىك ورناتتى+،ول ٴبارىنىڭ ۇستىنەن پاتشالىق قۇرادى+.
20 ەحوبانىڭ داۋسىنا قۇلاق اساتىن، ايتقان ٴسوزىن ىسكە اسىراتىنقۇدىرەتى زور پەرىشتەلەرى+، ونى ماداقتاڭدار!
21 ەحوبانىڭ كۇللى اسكەرى،ەركىن ورىنداپ جۇرگەن قىزمەتشىلەرى+، ونى ماداقتاڭدار+!
22 بيلىگى ورناعان جەردىڭ بارىندەگى ەحوبانىڭ كۇللى ىستەرى،سەندەر دە ونى ماداقتاڭدار!
جانىم ەحوبانى ماداقتاسىن!
