ٴزابۇر 107:1—43
107 ەحوباعا العىس ايتىڭدار، ويتكەنى ول ىزگى+،اينىماس سۇيىسپەنشىلىگى ماڭگى+.
2 مۇنى ەحوبا قۇنىن وتەپ،جاۋ قولىنان بوساتىپ العاندار ايتسىن+.
3 ٶزى جەر-جەردەن،شىعىس پەن باتىستان،سولتۇستىك پەن وڭتۇستىكتەن جيناپ العاندار ايتسىن+.
4 ولار ٴشول دالانى، قۇلا ٴتۇزدى كەزىپ ٴجۇردى،قونىس تەبەتىن قالاعا جول تاپپاي ٴجۇردى.
5 اس پەن سۋدان تاپشىلىق كوردى،ابدەن قاجىپ، السىرەدى.
6 قيىن شاقتاردا تالماي ەحوباعا جالبارىندى+،ال ول باستارىنا تۇسكەن قاسىرەتتەرىنەن قۇتقاردى+.
7 جۇرەر جولدارىن كورسەتىپ+،مەكەندەۋگە بولاتىن قالاعا باستاپ اپاردى+.
8 جۇرت اينىماس سۇيىسپەنشىلىگى ٷشىن ەحوباعا العىس ايتسىن+،ادامزاتقا ىستەگەن كەرەمەت ىستەرى ٷشىن ريزاشىلىق ٴبىلدىرسىن+.
9 ويتكەنى ول سۋساعاننىڭ ٴشولىن قاندىردى،اشىققان جاندى يگىلىككە تويىندىردى+.
10 بىرەۋلەر قارا تۇنەكتە ٶمىر كەشىپ،قايعى مەن تەمىردىڭ بۇعاۋىندا بولدى.
11 سەبەبى ولار قۇدايدىڭ سوزىنە قارسى شىعىپ،قۇداي تاعالانىڭ كەڭەسىن مەنسىنبەگەن ەدى+.
12 سوندىقتان ول قيىندىق ارقىلى جۇرەكتەرىن كىشىپەيىلدىلىككە ۇيرەتتى+؛ولار ٴسۇرىنىپ قۇلادى، ٴبىراق كومەككە كەلەر ەشكىم بولمادى.
13 قيىن شاقتاردا ەحوبانى كومەككە شاقىردى،ال ول باستارىنا تۇسكەن قاسىرەتتەرىنەن قۇتقاردى.
14 ولاردى كوزگە تۇرتسە كورگىسىز قارا تۇنەكتەن الىپ شىقتى،بۇعاۋلارىن بۇزىپ تاستادى+.
15 جۇرت اينىماس سۇيىسپەنشىلىگى ٷشىن ەحوباعا العىس ايتسىن+،ادامزاتقا ىستەگەن كەرەمەت ىستەرى ٷشىن ريزاشىلىق ٴبىلدىرسىن.
16 ويتكەنى ول مىس قاقپالاردى تالقاندادى،تەمىر ىسىرمالارىن دا سىندىرىپ تاستادى+.
17 ولار اقىماقتىق جاساپ، وپىق جەدى+،زاڭسىزدىقتارى مەن كۇنالارىنىڭ زاردابىن كوردى+.
18 تاماق اتاۋلىدان جاندارى جەرىدى،ٶلىم قاقپالارىنا تاياپ كەلدى.
19 قيىن شاقتاردا ولار ەحوبانى كومەككە شاقىراتىن،ال ول باستارىنا تۇسكەن قاسىرەتتەرىنەن قۇتقاراتىن.
20 ولارعا ٴسوزىن جىبەرىپ، ساۋىقتىراتىن+،تۇسكەن ورلارىنان قۇتقارىپ الاتىن.
21 جۇرت اينىماس سۇيىسپەنشىلىگى ٷشىن ەحوباعا العىس ايتسىن،ادامزاتقا ىستەگەن كەرەمەت ىستەرى ٷشىن ريزاشىلىق ٴبىلدىرسىن.
22 وعان ريزاشىلىق قۇرباندىقتارىن ۇسىنسىن+،ىستەرىن قۋانىشتى ۇنمەن داۋىستاپ جاريالاسىن.
23 مۇنى كەمەمەن تەڭىزگە شىعاتىندار،ۇشى-قيىرى جوق سۋلاردا ساۋدا جاسايتىندار ىستەسىن+.
24 بۇلار ەحوبانىڭ ىستەرىن،تەڭىز تۇڭعيىعىنداعى كەرەمەت ىستەرىن كورگەندەر+.
25 ولار قۇداي ٴسوزىنىڭ داۋىل تۇرعىزىپ+،تولقىنداردى كوتەرگەنىن دە كورگەن.
26 سول تەڭىزشىلەر اسپانعا دەيىن كوتەرىلىپ،تەڭىز تۇڭعيىعىنا دەيىن قۇلديلايدى.
الاساپىراندى كورىپ، زارەلەرى قالمايدى.
27 ولار ماس ادامداي تالتىرەكتەپ، شايقالادى،شەبەرلىكتەرىنىڭ ەش پايداسى بولماي قالادى+.
28 وسىنداي قيىن شاقتاردا ەحوبانى كومەككە شاقىرادى+،ال ول باستارىنا تۇسكەن قاسىرەتتەرىنەن قۇتقارادى.
29 داۋىلدى باسىپ،تەڭىز تولقىندارىن دا تىنىشتاندىرادى+.
30 ولار داۋىل باسىلعاندا، قۋانادى،قۇداي ولاردى اڭساعان ايلاقتارىنا باستاپ اپارادى.
31 جۇرت اينىماس سۇيىسپەنشىلىگى ٷشىن ەحوباعا العىس ايتسىن،ادامزاتقا ىستەگەن كەرەمەت ىستەرى ٷشىن ريزاشىلىق ٴبىلدىرسىن+.
32 ونى جينالعان حالىق اراسىندا اسقاقتاتسىن+،اقساقالدار كەڭەسىندە ماداقتاسىن.
33 ول وزەندەردى شولگە،بۇلاقتاردى قۇلا تۇزگە اينالدىرادى+.
34 تۇرعىندارىنىڭ جاساعان زۇلىمدىعى ٷشىن،قۇنارلى جەردى سورتاڭ دالاعا اينالدىرادى+.
35 ال قۇلا ٴتۇزدى قامىستى كولگە،قۋاڭ دالانى بۇلاقتى جەرگە اينالدىرادى+.
36 وزدەرى مەكەن ەتەتىن قالا تۇرعىزسىن دەپ+،سول جەرگە اشىققانداردى قونىستاندىرادى+.
37 ولار ەگىن ەگىپ، جۇزىمدىك وتىرعىزادى+،تاناپتارىنان مول ٶنىم الادى+.
38 قۇدايدىڭ جارىلقاۋىمەن ٶسىپ-ونەدى،ٸرى قارا مالدارى دا كوبەيە بەرەدى+.
39 ٴبىراق قىسىم مەن اپات، قايعى-قاسىرەتقايتادان ساندارىن ازايتىپ، ولاردى جۋاسىتادى.
40 قۇداي اتاقتىلاردى جەككورىنىشتى قىلادى،جولسىز قۇلا ٴتۇزدى كەزدىرىپ قويادى+.
41 ال جارلىلاردى قىسىمشىلىقتان قورعايدى*+،اۋلەتتەرىن وتارداي مولايتادى.
42 ادال جاندار مۇنى كورىپ قۋانادى+،ال ادىلەتسىز اتاۋلى اۋىزدارىن جابادى+.
43 اقىلى بارلار وسى جايتتاردى بايقايدى+،ەحوبانىڭ اينىماس سۇيىسپەنشىلىگىنە مۇقيات دەن قويادى+.
سىلتەمەلەر
^ نەمەسە «جوعارى جەرگە قويادى» ياعني قول جەتپەيتىن جەرگە قويادى.
