ٴزابۇر 136:1—26
136 ەحوباعا العىس ايتىڭدار، ويتكەنى ول ىزگى+،اينىماس سۇيىسپەنشىلىگى ماڭگى+.
2 قۇدايلاردىڭ قۇدايىنا* العىس ايتىڭدار+،ويتكەنى ونىڭ اينىماس سۇيىسپەنشىلىگى ماڭگى.
3 يەلەردىڭ يەسىنە العىس ايتىڭدار،ويتكەنى ونىڭ اينىماس سۇيىسپەنشىلىگى ماڭگى.
4 جالعىز سول عانا ۇلى كەرەمەتتەر جاسايدى+،ويتكەنى ونىڭ اينىماس سۇيىسپەنشىلىگى ماڭگى+.
5 ول كوكتى دانالىقپەن جاراتتى+،ويتكەنى ونىڭ اينىماس سۇيىسپەنشىلىگى ماڭگى.
6 جەردى سۋلاردىڭ ۇستىنە جايىپ جىبەردى+،ويتكەنى ونىڭ اينىماس سۇيىسپەنشىلىگى ماڭگى.
7 اسپاندا ۇلكەن شىراقتار جاراتتى+،ويتكەنى ونىڭ اينىماس سۇيىسپەنشىلىگى ماڭگى.
8 كۇندىز بيلىك جۇرگىزەتىن كۇندى جاراتتى+،ويتكەنى ونىڭ اينىماس سۇيىسپەنشىلىگى ماڭگى.
9 تۇندە بيلىك جۇرگىزەتىن اي مەن جۇلدىزداردى جاراتتى+،ويتكەنى ونىڭ اينىماس سۇيىسپەنشىلىگى ماڭگى.
10 مىسىرلىقتاردىڭ تۇڭعىشتارىن مەرت قىلدى+،ويتكەنى ونىڭ اينىماس سۇيىسپەنشىلىگى ماڭگى.
11 مىسىردان يسرايلدى الىپ شىقتى+،ويتكەنى ونىڭ اينىماس سۇيىسپەنشىلىگى ماڭگى.
12 مۇنى قۇدىرەتتى دە مىقتى قولىمەن جۇزەگە اسىردى+،ويتكەنى ونىڭ اينىماس سۇيىسپەنشىلىگى ماڭگى.
13 قىزىل تەڭىزدى قاق ايىردى+،ويتكەنى ونىڭ اينىماس سۇيىسپەنشىلىگى ماڭگى.
14 يسرايلدى تەڭىز ورتاسىمەن الىپ شىقتى+،ويتكەنى ونىڭ اينىماس سۇيىسپەنشىلىگى ماڭگى.
15 پەرعاۋىن مەن ونىڭ اسكەرىن قىزىل تەڭىزگە باتىردى+،ويتكەنى ونىڭ اينىماس سۇيىسپەنشىلىگى ماڭگى.
16 ٶز حالقىن ٴشول دالادا باستاپ ٴجۇردى+،ويتكەنى ونىڭ اينىماس سۇيىسپەنشىلىگى ماڭگى.
17 ۇلى پاتشالاردىڭ كوزىن قۇرتتى+،ويتكەنى ونىڭ اينىماس سۇيىسپەنشىلىگى ماڭگى.
18 كۇشتى پاتشالاردىڭ كوزىن جويدى،ويتكەنى ونىڭ اينىماس سۇيىسپەنشىلىگى ماڭگى.
19 امور پاتشاسى سيحوندى قۇرتتى+،ويتكەنى ونىڭ اينىماس سۇيىسپەنشىلىگى ماڭگى.
20 باشان پاتشاسى وگتى جويدى+،ويتكەنى ونىڭ اينىماس سۇيىسپەنشىلىگى ماڭگى.
21 ولاردىڭ جەرلەرىن مۇرالى يەلىككە بەردى+،ويتكەنى ونىڭ اينىماس سۇيىسپەنشىلىگى ماڭگى.
22 قىزمەتشىسى يسرايلدىڭ مەنشىگى ەتتى،ويتكەنى ونىڭ اينىماس سۇيىسپەنشىلىگى ماڭگى.
23 ماسقارا كۇيدە جۇرگەنىمىزدە ٴبىزدى ۇمىتپادى+،ويتكەنى ونىڭ اينىماس سۇيىسپەنشىلىگى ماڭگى+.
24 جاۋلارىمىزدان قۇتقارۋدى دوعارمادى+،ويتكەنى ونىڭ اينىماس سۇيىسپەنشىلىگى ماڭگى.
25 ول تىرشىلىك يەلەرىنىڭ ٴبارىن تاماقتاندىرادى+،ويتكەنى ونىڭ اينىماس سۇيىسپەنشىلىگى ماڭگى.
26 كوكتەگى قۇدايعا العىس ايتىڭدار،ويتكەنى ونىڭ اينىماس سۇيىسپەنشىلىگى ماڭگى.
سىلتەمەلەر
^ ياعني باسقا قۇدايلاردان جوعارى تۇرعان قۇداي.
