ٴزابۇر 33:1—22
33 ادىلدەر، ەحوبانىڭ يگى ىستەرى ٷشىن شاتتانا داۋىستاڭدار+!
ونى ٵدىل ادامداردىڭ ماداقتاعانى ورىندى.
2 ارفامەن ەحوباعا العىس ايتىڭدار،ون ىشەكتى اسپاپپەن وعان ماداق ٵنىن ارناڭدار.
3 وعان جاڭا ٵن ايتىڭدار+،اسپاپتى مانەرلەي شەرتىپ، قۋانىشپەن داۋىستاڭدار.
4 ويتكەنى ەحوبانىڭ ٴسوزى — شىندىق+،بارلىق ىستەگەن ىستەرى سەنىم ارتۋعا تۇرارلىق.
5 ول ادىلدىك پەن ادىلەتتىلىكتى سۇيەدى+؛جەر بەتى ەحوبانىڭ اينىماس سۇيىسپەنشىلىگىنە تولى+.
6 ەحوبانىڭ سوزىمەن كوك جاراتىلدى+،اۋزىنىڭ لەبىمەن ونداعىنىڭ ٴبارى* پايدا بولدى.
7 ول بوگەت قويعانداي، تەڭىز سۋلارىن جينايدى+،شاپشىعان سۋلاردى قويماعا جيىپ قويادى.
8 كۇللى جەر ەحوبادان قورىقسىن+،جەردىڭ تۇرعىندارى ونى قاستەرلەسىن.
9 سەبەبى ول ايتىپ ەدى، جۇزەگە استى+؛بۇيىرىپ ەدى، بۇلجىماي ورىندالدى+.
10 ەحوبا حالىقتاردىڭ ارام پيعىلىن جوققا شىعارادى+،ولاردىڭ جوسپارلارىن بۇزادى+.
11 ەحوبانىڭ شەشىمدەرى بولسا ماڭگى تۇرادى+،جۇرەگىندەگى ويلارى ۇرپاقتان ۇرپاققا جالعاسادى.
12 ەحوبا قاي حالىقتىڭ قۇدايى بولسا،كىمدى مەنشىكتى يەلىگى ەتىپ تاڭداسا، سول حالىق باقىتتى+.
13 ەحوبا كوكتەن تومەن قارايدى دا،كۇللى ادامزاتتى كورەدى+.
14 ٶزىنىڭ تۇراعىنان جەردىڭ كۇللى تۇرعىندارىنا كوز جۇگىرتەدى.
15 ول ادام اتاۋلىنىڭ جۇرەگىن قالىپتاستىردى؛بارلىق ىستەرىن تەكسەرەدى+.
16 پاتشانى قالىڭ اسكەرى قۇتقارمايدى+،جاۋىنگەردى دە زور كۇشى ساقتامايدى+.
17 تۇلپارىم قۇتقارادى دەپ سەنگەن كىسى ٶزىن الدايدى+،ونىڭ ەرەن كۇشىمەن دە ول قۇتىلا المايدى.
18 مىنە، ەحوبا وزىنەن قورقاتىندارعا،اينىماس سۇيىسپەنشىلىگىنە ٷمىت ارتاتىندارعا نازارىن تىگەدى+.
19 مۇنى ولاردى ولىمنەن قۇتقارۋ ٷشىن،اشتىق كەزىندە امان ساقتاۋ ٷشىن ىستەيدى+.
20 ٴبىز ەحوبانى كۇتۋدەمىز،ول ٴبىزدىڭ كومەكشىمىز ٵرى قالقانىمىز+.
21 ونى ويلاپ جۇرەگىمىز قۋانىشقا تولادى،سەبەبى كيەلى ەسىمىنە ارقا سۇيەيمىز+.
22 ۋا، ەحوبا، ٴبىز سەنى كۇتۋدەن تالمايمىز+،اينىماس سۇيىسپەنشىلىگىڭ بىزبەن بىرگە بولسىن+.
سىلتەمەلەر
^ سوزبە-ٴسوز «ونىڭ بار اسكەرى».
