ٴزابۇر 50:1—23
اساپتىڭ+ جىرى.
50 قۇدايلاردىڭ قۇدايى* ەحوبا+ ٴتىل قاتتى،ول كۇنشىعىستان باتىسقا دەيىن كۇللى جەردى شاقىرادى.
2 كوركى ٴمىنسىز سيوننان+ قۇداي جارقىرايدى.
3 قۇدايىمىز كەلەدى، ٵرى ٷنسىز قالمايدى+،ونىڭ الدىندا جالىنداعان وت لاۋلايدى+،اينالاسىن سۇراپىل داۋىل قورشايدى+.
4 ول ٶز حالقىن سوتتاۋ ٷشىن+،كوك پەن جەردى بىلاي دەپ شاقىرادى+:
5 «ادال قىزمەتشىلەرىمدى،قۇرباندىق ارقىلى مەنىمەن كەلىسىم جاساسقانداردى+، ماعان جيناڭدار!»
6 كوك ونىڭ ادىلدىگىن جاريالايدى،ويتكەنى قۇداي — سوتتاۋشى+. (سەلا)
7 «ەي، حالقىم، تىڭدا، ساعان ايتار ٴسوزىم بار!
يسرايل، مەن ساعان قارسى كۋالىك ەتەمىن+!
مەن قۇدايمىن، سەنىڭ قۇدايىڭمىن+.
8 سەنى قۇرباندىقتارىڭ ٷشىن دە،ۇنەمى ۇسىناتىن تۇگەل ورتەلەتىن قۇرباندىقتارىڭ ٷشىن دە ايىپتامايمىن+.
9 ماعان ۇيىڭدەگى بۇقاڭ دا،قوراڭداعى تەكەڭ دە قاجەت ەمەس+.
10 ويتكەنى ورمانداعى اڭداردىڭ ٴبارى دە،ٴتىپتى بارلىق تاۋلارداعى جىرتقىش اڭدار دا مەنىكى+.
11 مەن تاۋ-توبەلەردەگى ٵربىر قۇستى بىلەمىن+،دالاداعى سانسىز حايۋاندار دا مەنىكى.
12 اشىقسام، مۇنى ساعان ايتپاس تا ەدىم،ويتكەنى قۇنارلى جەر مەن ونداعىنىڭ ٴبارى مەنىكى+.
13 مەن بۇقانىڭ ەتىن جەپ،تەكەنىڭ قانىن ٸشۋشى مە ەدىم+؟!
14 قۇرباندىق رەتىندە قۇدايعا العىسىڭدى ۇسىن+،اللا تاعالاعا بەرگەن سەرتتەرىڭدى ورىنداۋسىز قالدىرما+.
15 قيىن-قىستاۋ كەزەڭدە مەنى شاقىر+،مەن سەنى قۇتقارامىن، سوندا مەنى ماداقتايسىڭ+».
16 ال زۇلىمعا قۇداي مىنانى ايتادى:
«مەنىڭ جارلىقتارىمدى تىلگە تيەك ەتۋگە+،كەلىسىمىم تۋرالى ايتۋعا قانداي قاقىڭ بار+؟
17 ويتكەنى سەن تاربيەنى جەك كورەسىڭ،سوزدەرىمدى دە ەشقاشان مەنسىنبەيسىڭ*+.
18 ۇرىنى كورسەڭ، ونى قوشتايسىڭ*+؛نەكە ادالدىعىن بۇزۋشىلارمەن دە ارالاسۋدى قويمايسىڭ.
19 اۋزىڭنان تەك جاماندىق شىعادى،تىلىڭنەن وتىرىك ٴسوز ارىلمايدى+.
20 وتىرىپ الىپ، باۋىرىڭا قارسى سويلەيسىڭ+،ٴبىر انادان تۋعان باۋىرىڭنىڭ كەمشىلىكتەرىن جۇرتقا جاياسىڭ.
21 وسىنىڭ ٴبارىن ىستەگەنىڭدە، مەن ۇندەمەدىم،سوندا مەنى ٶزىڭ سياقتى بولادى دەپ ويلادىڭ.
ٴبىراق ەندى مەن سەنى ايىپتايمىن دا، ساعان قارسى دالەلدەر كەلتىرەمىن+.
22 ەي، قۇدايدى ۇمىتقاندار+،سەندەردى ەشكىم قۇتقارا المايتىنداي پارشالاپ تاستاماۋىم ٷشىن،وسىعان دەن قويىڭدارشى.
23 كىم قۇرباندىق رەتىندە العىس ۇسىنسا، سول مەنى ماداقتايدى+.
كىم تۋرا جولدا بەرىك تۇرسا، مەن سونى قۇتقارامىن+».
سىلتەمەلەر
^ ياعني باسقا قۇدايلاردان جوعارى تۇرعان قۇداي.
^ سوزبە-ٴسوز «ارتىڭا لاقتىرىپ جىبەرەسىڭ».
^ مۇمكىن: «وعان ورتاقتاساسىڭ».
