ٴزابۇر 58:1—11
-
جەردى سوتتايتىن قۇداي بار
-
زۇلىمدى جازالاۋىن سۇراپ دۇعا ەتۋ (6—8)
-
ٵن-كۇي جەتەكشىسىنە. «قۇرتا كورمە» اۋەنىمەن ايتۋعا ارنالعان ٴداۋىتتىڭ جىرى. ميحتام*.
58 ەي، ادامدار، ۇندەمەسەڭدەر، ادىلدىك جايلى ايتا الاسىڭدار ما+؟
ٵدىل سوت جۇرگىزە الاسىڭدار ما+؟
2 جوق، قايتا، جۇرەكتەرىڭ ادىلەتسىزدىك ويلاستىرادى+،ەل اراسىندا قولدارىڭ زورلىق جاسايدى+!
3 زۇلىمدار قۇرساقتا جاتىپ-اق بۇزىلادى،تۋىلا سالا اداسادى، وتىرىك ايتادى.
4 ولاردىڭ ايتقان سوزدەرى جىلاننىڭ ۋىنداي+؛ولار قۇلاعى بىتەۋ كوبرا سياقتى ساڭىراۋ.
5 ارباۋشىنىڭ، ٴتىپتى ەڭ شەبەرىنىڭ دە، داۋسىن ەستىمەيتىن ساڭىراۋ كوبراعا ۇقسايدى.
6 ۋا، قۇداي، ولاردىڭ تىستەرىن قاعىپ الشى!
ۋا، ەحوبا، سول ابدان ارىستانداردىڭ جاعىن سىندىرشى!
7 ولار اعىپ كەتكەن سۋداي عايىپ بولسا ەكەن،قۇداي ساداعىن ٴيىپ، ولاردى جەبەلەرىمەن سۇلاتسا ەكەن.
8 ولار كەۋىپ كەتكەن ۇلۋداي بولسىن؛ٶلى تۋعان شاراناداي كۇننىڭ كوزىن كورمەي كەتسىن.
9 قازاندارىڭ تىكەندى بۇتانىڭ وتىن سەزىپ ۇلگەرمەي جاتىپ،قۇداي شىبىقتارىڭنىڭ دىمقىلىن دا، جانىپ جاتقانىن دا بوراندى جەلمەن ۇشىرعانداي الىپ كەتەدى+.
10 ٵدىل جان كەك الىنعانىن كورىپ قۋانادى+.
زۇلىمنىڭ توگىلگەن قانىنا اياعىن مالادى+.
11 سوندا جۇرت: «راسىندا دا، ٵدىل جان قارىمتاسىن الادى ەكەن+،جەر بەتىنە سوت جۇرگىزەتىن قۇداي بار ەكەن!»— دەيتىن بولادى+.
سىلتەمەلەر
^ تۇسىندىرمەنى قاراڭىز.
