ٴزابۇر 69:1—36
ٵن-كۇي جەتەكشىسىنە. «لالاگۇلدەر» اۋەنىمەن ايتۋعا ارنالعان ٴداۋىتتىڭ جىرى.
69 قۇتقارا كور، ۋا، قۇدايىم، ويتكەنى سۋدىڭ كوتەرىلگەنى سونشا — جانىمدى جۇتىپ قويۋعا شاق تۇر+.
2 مەن اياق تىرەر جەرى جوق باتپاققا تەرەڭ باتتىم+،تۇڭعيىق سۋعا ٴتۇستىم،ەكپىندى سۋ مەنى اعىزىپ اكەتتى+.
3 كومەككە شاقىرا-شاقىرا وزەگىم تالدى+؛داۋسىم دا قارلىعىپ قالدى.
قۇدايىمدى كۇتۋدەن كوزىم تالدى+.
4 مەنى سەبەپسىز جەك كورەتىندەر+
باسىمداعى شاشىمنان دا كوپ بولىپ كەتتى.
كوزىمدى قۇرتقىسى كەلەتىندەردىڭ،زىميان دۇشپاندارىمنىڭ*، سانى كوبەيدى.
ۇرلاماعان زاتىمدى بەرۋگە ٴماجبۇر ەتتى.
5 ۋا، قۇدايىم، اقىماقتىق جاساعانىم وزىڭە ايان،كىنالى ەكەنىم دە ساعان قۇپيا ەمەس.
6 ۋا، الەمنىڭ ٵمىرشىسى اسكەرباسى ەحوبا،ساعان ٷمىت ارتاتىندار ماعان بولا ۇياتقا قالماسا ەكەن.
ۋا، يسرايل قۇدايى،سەنى ىزدەيتىندەر ماعان بولا ماسقارا بولماسا ەكەن.
7 مەن سەن ٷشىن مازاققا توزۋدەمىن+،مەن ابدەن قارابەت بولدىم+.
8 تۋعان باۋىرلارىم ٷشىن بوتەن ادامعا،ٴبىر انادان تۋعان باۋىرلارىم ٷشىن جاتجەرلىككە اينالدىم+.
9 بويىمدى سەنىڭ ۇيىڭە دەگەن قۇلشىنىس كەرنەيدى+،سەنى قورلاعانداردىڭ عايبات سوزدەرى ماعان تيەدى+.
10 ورازا ۇستاپ ٶزىمدى كىشى تۇتقانىمدا*،سول ٷشىن مازاق بولدىم.
11 ۇستىمە ازالى كيىم كيگەنىمدە،ولار مەنى اياۋسىز مىسقىلدادى*.
12 قاقپا الدىندا وتىراتىندار مەنى اڭگىمە قىلادى،ىشكىشتەر مەن جايلى ٵن ايتادى.
13 ٴبىراق وزىڭە ايتقان دۇعام ىقىلاسىڭدى تۇسىرەتىن كەزدە جەتسە ەكەن، ۋا، ەحوبا+.
اينىماس سۇيىسپەنشىلىگىڭ مول بولعاندىقتان، ۋا، قۇداي، جاۋاپ بەرشى،ناعىز قۇتقارۋشى ەكەنىڭدى پاش ەتشى+.
14 ميباتپاقتان قۇتقارشى،باتىپ كەتۋىمە جول بەرمەشى.
مەنى جەك كورەتىن ادامداردان قۇتقارشى،تەرەڭ سۋدان ساقتاشى+.
15 ەكپىندى تاسقىن سۋ مەنى اعىزىپ اكەتپەسىنشى+،تۇڭعيىق جۇتىپ قويماسىنشى،وردىڭ اۋزى ۇستىمنەن جابىلىپ قالماسىنشى+.
16 جاۋاپ بەرشى، ۋا، ەحوبا، ويتكەنى سەنىڭ اينىماس سۇيىسپەنشىلىگىڭ ىزگى+.
كول-كوسىر مەيىرىمىڭمەن ماعان بەت بۇرشى+،
17 قىزمەتشىڭنەن ٴجۇزىڭدى جاسىرماشى+.
تەزدەتىپ جاۋاپ بەرشى، ويتكەنى مەن باقىتسىزدىققا ۇشىرادىم+.
18 جاقىنداپ كەلىپ، مەنى قۇتقارشى،جاۋلارىم ٷشىن قۇنىمدى وتەپ الشى.
19 سەن مەنىڭ قورلىق كورگەنىمدى، ابىرويىم توگىلىپ، ماسقارا بولعانىمدى بىلەسىڭ+.
جاۋلارىمنىڭ ٴبارى كوز الدىڭدا.
20 قورلىق سوزدەر جۇرەگىمدى كۇيرەتتى، جانىما ايىقپاس جارا ٴتۇسىردى.
بىرەۋ اياي ما دەپ ەم، ٴبىراق وندايلار بولمادى+؛جۇباتۋشىلار بولا ما دەپ ەم، ٴبىراق ەشكىم تابىلمادى+.
21 ولار تاماق ورنىنا ۋ بەردى+،شولدەگەنىمدە سىركەسۋ بەردى+.
22 ولاردىڭ داستارقاندارى وزدەرىنە تۇزاق،ال مولشىلىقتارى تور بولسىن+.
23 كوزدەرى تۇماندانىپ، كورمەي قالسىن،تۇلا بويلارى قالشىلداپ تۇراتىن بولسىن.
24 ولارعا قاھارىڭدى توكشى،ولار سەنىڭ ىزعارلى اشۋىڭا ىلىكسىنشى+.
25 دۋالمەن قورشاعان قوستارى بوس قالسىن،شاتىرلارى قاڭىراپ جاتسىن+.
26 ويتكەنى ولار سەنەن سوققى العان ادامدى قۋدالاپ جاتىر،ٶزىڭ جارالاعانداردىڭ قاسىرەتىن ٴسوز ەتۋدى قويماي جاتىر.
27 كىنالارىنا كىنا قوسشى،ولاردى ادىلەتسىز دەپ ساناشى.
28 اتتارى ٶمىر كىتابىنان ٶشىرىلىپ تاستالسىن+،ەسىمدەرى ادىلدەردىڭ تىزىمىنە جازىلماسىن+.
29 ال مەن بەيشارامىن، ازاپ شەگۋدەمىن+؛ۋا، قۇدايىم، قۇتقارۋشى قولىڭمەن مەنى قورعاشى.
30 مەن قۇدايدىڭ ەسىمىن دارىپتەپ ٵن سالامىن،العىسىمدى ٴبىلدىرىپ، ونى ماداقتايمىن.
31 ەحوباعا بۇل قۇرباندىققا شالىنعان بۇقالاردان دا ۇنامدى،ٴمۇيىزى مەن تۇياعى بار جاس بۇقادان دا جاعىمدى+.
32 مومىندار مۇنى كورىپ، قۋانادى.
قۇدايعا قىزمەت ەتەتىندەر، لايىم جۇرەكتەرىڭ نىعايسىن!
33 ويتكەنى ەحوبا جارلىلاردى تىڭدايدى+،تۇتقىنداعى حالقىن ەلەۋسىز قالدىرمايدى+.
34 كوك پەن جەر ونى ماداقتاسىن+،تەڭىزدەر مەن ونداعىلاردىڭ ٴبارى دە قاراپ قالماسىن!
35 قۇداي سيوندى امان ساقتايدى+،ياھۋدانىڭ قالالارىن قايتا تۇرعىزادى.
حالقى سول جەرگە ورنىعىپ، وعان يە بولادى.
36 قۇدايعا قىزمەت ەتەتىندەردىڭ ۇرپاعى ونى مۇرا ەتەدى+،قۇدايدىڭ ەسىمىن سۇيەتىندەر+ سول جەردى مەكەن ەتەدى.
سىلتەمەلەر
^ نەمەسە «سەبەپسىز جاۋلاسىپ جۇرگەندەردىڭ».
^ مۇمكىن: «كوز جاسىمدى كول ەتىپ، ورازا تۇتقانىمدا».
^ نەمەسە «ماتەلگە اينالدىردى».
