ٴزابۇر 74:1—23
ماسكيل*. اساپتىڭ+ جىرى.
74 ۋا، قۇداي، نەگە بىزدەن ٴبىرجولا باس تارتتىڭ+؟
نەگە ٶز جايىلىمىڭداعى وتارعا قاھارىڭدى لاۋلاتتىڭ+؟
2 ەجەلدە ٶزىڭ يەمدەنگەن حالىقتى+،مەنشىگىڭ ەتۋ ٷشىن قۇنىن وتەگەن رۋدى+ ۇمىت قالدىرماشى.
ٶزىڭ مەكەندەگەن سيون تاۋىن ۇمىتپاشى+.
3 ەجەلدەن جاتقان ۇيىندىلەرگە قادامىڭدى باعىتتاشى+.
جاۋ قاسيەتتى ورنىڭداعىنىڭ ٴبارىن قيراتىپ تاستادى+.
4 باس قوساتىن جەرىڭدە دۇشپاندارىڭنىڭ ايعايى ەستىلدى+.
سول جەرگە ولار بەلگى رەتىندە تۋلارىن تىكتى.
5 ولار نۋ ورماندى شابۋ ٷشىن بالتاسىن وڭدى-سولدى سەرمەيتىندەرگە ۇقسادى.
6 جاۋ عيباداتحانا ورنەكتەرىن+ بالتامەن، سۇيمەنمەن تۇگىن قالدىرماي تالقاندادى.
7 عيباداتحاناڭا وت قويىپ ورتەپ جىبەردى+،ٶز اتىڭمەن اتالاتىن كيەلى شاتىردى جەرمەن-جەكسەن ەتتى، ارامدادى.
8 وزدەرى دە، ۇرپاقتارى دا ىشتەي مىنانى ايتتى:
«مىنا ەلدە قۇدايعا عيبادات ەتەتىن جەر قالماسىن، ٴبارىن ٶرت جالماسىن!»
9 ٴبىز كورەتىن بەلگىلەر قالمادى؛پايعامبار اتاۋلى دا جوق بولدى،مۇنىڭ قانشاعا سوزىلارىن ارامىزدا ەشكىم بىلمەيدى.
10 ۋا، قۇداي، قاشانعى قاستاستارىمىزعا مازاق بولامىز+؟
جاۋ ەسىمىڭدى ماڭگى باقي اياقاستى ەتە بەرە مە+؟
11 نەگە قولىڭمەن، وڭ قولىڭمەن، ارەكەت ەتپەيسىڭ+؟
ونى قوينىڭنان شىعارىپ، ولاردى قۇرتىپ جىبەرشى.
12 سويتسە دە ەجەلدەن بەرى قۇداي — مەنىڭ پاتشام،ول — جەر بەتىندەگىلەردى قۇتقاراتىن قۇداي+.
13 سەن كۇشىڭمەن تەڭىزدى بۋىرقاندىردىڭ+،تەڭىز قۇبىجىقتارىنىڭ باستارىن مىلجالادىڭ.
14 لەۆيافاننىڭ* باستارىن مىجىپ،ٴشول دالا تۇرعىندارىنا ازىق ەتىپ بەردىڭ.
15 سۋ قاينارلارى مەن بۇلاقتاردىڭ كوزىن اشتىڭ+؛ەش قۇرعامايتىن وزەندەردى سۋالتتىڭ+.
16 كۇن دە، ٴتۇن دە سەنىكى.
جارىق پەن كۇندى ٶزىڭ جاراتتىڭ+.
17 جەردىڭ بارلىق شەگاراسىن سەن مەجەلەدىڭ+،جاز بەن قىس مەزگىلدەرىن دە بەلگىلەدىڭ+.
18 ۋا، ەحوبا، جاۋدىڭ سەنى مازاق قىلعانىن،اقىماقتاردىڭ ەسىمىڭدى اياقاستى ەتكەنىن ۇمىتپاشى+.
19 ٶز كەپتەرىڭنىڭ جانىن جىرتقىش اڭدارعا بەرمەشى.
بەيشارا حالقىڭدى ماڭگىگە ۇمىت قالدىرماشى.
20 كەلىسىمىڭدى ەسىڭە الشى،ويتكەنى ەلدىڭ قاراڭعى جەرلەرىندە زورلىق-زومبىلىق وردالارى كوبەيدى.
21 لايىم قورلىق كورگەندەر ۇياتقا قالماسىن+.
بەيشارا مەن جارلى ەسىمىڭدى داڭقتاسىن+.
22 ۋا، قۇداي، تۇرەگەلىپ، سوت ٸسىڭدى جۇرگىزشى.
اقىماق ادامنىڭ كۇنى بويى سەنى مازاق ەتكەنىن ەسىڭە ٴتۇسىرشى+.
23 جاۋلارىڭنىڭ ايتقاندارىن ۇمىتپاشى.
ساعان قارسى شىققانداردىڭ شۋى كۇشەيىپ بارادى.
